Янгиликлар
23
«Hayal-qızlardı kásip-óner hám isbilermenlikke oqıtıw sistemasın jetilistiriwge tiyisli qosımsha ilajlar haqqında»gi Prezident qararınıń mazmun-mánisi haqqında.
2022-jıl 22-iyul kuni «Hayal-qızlardı kásip-óner hám isbilermenlikke oqıtıw sistemasın jetilistiriwge tiyisli qosımsha is-ilajlar haqqında»gi PQ-329-sanlı Prezident qararı qabıl etildi. Qararǵa kóre, jaslar hám hayal-qızlar ushın kásip-óner hám isbilermenlik boyınsha oqıw kursları ǵárejetiniń 70 payızı , lekin 1 mln sumnan aspaǵan bólegi kompensatsiya etip beriledi.
«Hayallar dápteri», «Jaslar dápteri» hám «Temir dápter»ge kiritilgen jaslar hám hayal-qızlardı kásip-ónerge, isbilermenlikke Biznes hám isbilermenlik boyınsha joqarǵı mektebine tolıq biypul oqıtıladı.
Oqıw kursların tamamlaǵan jumıssız hayal-qızlar Bántlik hám miynet qatnasıqları ministrligi tárepinen bos jumıs orınlarına jaylastırıladı. Isbilermenlik jónelisi boyınsha oqıw kursların juwmaqlaǵan hayal-qızlarǵa isbilermen sıpatında mámleketlik diziminen ótiwinen baslap, óz iskerligin ǵárezsiz túrde alıp barıwǵa shekem bolǵan processde hákim járdemshileri tárepinen sistemalı túrde ámeliy járdem kórsetilip barıladı.
Miynetke jaramlı hám mayıplılıǵı bolǵan hayal-qızlardı jumıs menen támiyinlegen jumıs beriwshiler ushın 6 ay dawamında hár ayda bazalıq esaplaw muǵdarıniń 2 esesi (600 mıń sum) nen kem bolmaǵan muǵdarda subsidiya ajıratıladı.
Qaraózek rayonı Ádillik bólimi Yuridikalıq xızmet kórsetiw orayı bas yuriskonsultı
Allamuratov Abdimurat Tólegenovich