Янгиликлар
20
Jónelissiz taksi xızmeti menen shuǵıllanıwda birqansha qolaylıqlar jaratıldı
Sońǵı waqıtlarda húkimetimiz tárepinen puqaralarımızdıń hám isbilermenlik subektlerine qolaylıqlar jaratıw maqsetinde bir qansha qolaylıqlar hámde jeńillikler jaratılmaqta.
Bunday qolaylıqlardıń biri Ózbekstan Respublikası Prezidentiniń 2022-jıl 07-iyul kúngi «Avtotransport quralların basqarıwda hám jónelissiz taksi iskerligin ámelge asırıwda qosımsha qolaylıqlar jaratıw haqqında» ǵı PQ-311-sanlı qararı qabıl etildi. Usı qarar tiykarında avtotransport quralların basqarıwda taksi xızmetin jetilistiriw boyınsha jeńillikler jaratıldı.
Qararǵa tiykar:
1.2022-jıl 1-sentyabrden 2024-jıl aqırına shekem:
-jolawshılardı aydawshıdan tısqarı tórtten artıq bolmaǵan orınlıqlarǵa iye bolǵan jeńil avtotransport qurallarında tasıw iskerligi ózin-ózi bánt qılǵan shaxslar shuǵıllanıwı múmkin bolǵan iskerlik túrleri dizimine kiritildi;
-ózin-ózi bánt qılǵan shaxslar tárepinen jolawshılardı jeńil avtotransport qurallarında tasıw iskerligi licenziya betine tiykar ámelge asırılatuǵın boldı;
-licenziya betin beriwde avtomobildiń ekspluataciya (islep shıǵılǵan) dáwirine qoyılǵan talap biykar etildi;
Bunda:
-jolawshılardı jeńil avtotransport qurallarında tasıw iskerligi menen shuǵıllanatuǵın ózin-ózi bánt qılǵan shaxslar bir jılda bir márte transport quralın texnikalıq kórikten ótkeriwi shárt.
-ózin-ózi bánt qılǵan aydawshılar «Uztrans» málimleme sisteması bazasına kirgizilgen kóp tarmaqlı poliklinikalar hám jeke medicina birlespeleri arqalı bir jılda bir márte medicinalıq kórikten ótiwi shárt.
-jónelissiz taksi iskerligi ushın licenziya beti berilgenligi ushın mámleketlik bajı barlıq túrdegi aydawshılardan jılına bazalıq esaplaw muǵdarınıń bir esesi muǵdarında óndiriledi. Bunda mámleketlik xızmetlerin kórsetiw ushın jıyım óndirilmeydi;
-jónelissiz taksi xızmeti iskerligine ruxsat beriwshi licenziya betlerinde iskerlik aymaǵı kórsetiledi;
-ózin-ózi bánt qılǵan aydawshılardıń avtomobil transportı joqarı bólegine «TAXI» tanıw belgisi toq sarı reńli fonar ornatıladı;
-basqa tarawlarda miynet shártnamasına tiykar bánt bolǵan shaxslar bir waqıttıń ózinde jolawshılardı jeńil avtotransport qurallarında tasıw iskerligi menen ózin-ózi bánt qılǵan shaxs sıpatında dizimnen ótken halda shuǵıllanıwı múmkin boldı.
Kegeyli rayonı ádillik bólimi,
Mámleketlik xızmteler orayı
direktorı A.Dauekeev