Янгиликлар
11
Shomanay rayonı ádillik bólimi tárepinen 2022-jıl dawamında ámelge asırılǵan jumıslar haqqında M A Ǵ L Í W M A T
Shomanay rayonı ádillik bólimi tárepinen 2022-jıl dawamında insan huqıqların qorǵaw hám huqıqtı qollaw ámeliyatın úyreniw, norma dóretiwshiligi, huqıqıy úgit násiyat, mámleketlik xızmetlerin kórsetiw, puqaralıq halatı aktlerin jazıw hámde yuridikalıq xızmet kórsetiw tarawlarında bir qansha unamlı jumıslar ámelge asırıldı.
Atap aytqanda, 2022-jıl dawamında ádillik bólimi tárepinen insan huqıqların qorǵaw tarawında puqaralardıń pensiya, napaqa, kommunal xızmet, miynet qatnasıqları, is haqı, sociallıq qatnasıqları, yuridikalıq fakttı tastıyıqlaw hám bántlik máseleleri boyınsha jámi 224 múrájat qabıllandı hám sonnan 213 múrájat óz sheshimin tawıp 180 múrájat (80,3%) qanaatlandırıldı, 33 múrájatke huqıqıy túsinikler berildi. Sonday-aq 10 múrájat tiyisliligi boyınsha basqa uyımlarǵa jiberilip, 1 múrájat kórmesten qaldırıldı.
Sonday-aq, bólim tárepinen 2022-jıl dawamında puqaralardın mápin gózlep, is-haqıları hám oǵan qósımsha tóleniwi lazım bolǵan ústeme pulların óndiriw, ólim faktın tastıyıqlaw hám pensiya stajın tiklep pensiyasın qayta tayınlatıw boyınsha sudlarǵa jámi 142 dawa arzalar kiritilip, bul dawa arzalar sudlar tárepinen tolıq qanaatlandırılıwına erisildi, sonnan 93 puqaranıń 342,5 mln sumlıq is-haqıları hám oǵan qósımsha tóleniwi lazım bolǵan ústeme pulların óndirildi, sonday-aq 26 puqaranıń 32 perzentiniń ólim faktın tastıyıqlaw boyınsha Puqaralıq isleri boyınsha rayonlar aralıq sudına arza kiritilip, qanaatlandırıldı hámde ádillik bólimniń PHAJ bólimi tárpinen ólim guwalıǵı berildi. Sonıń menen birge, 23 puqaranıń pensiya stajın qayta esaplaw boyınsha Nókis rayonlar aralıq hákimshilik sudına shaǵım arza kiritilip, puqaralardıń múrájatları qanaatlandırıldı hámde pensiya stajı qayta esaplanıp, pensiya muǵdarlarınıń kóbeyiwine erisildi.
Bunnan tısqarı, mekeme hám shólkemlerge usınıslar kiritiw arqalı
208 mln 954 mıń sumlıq 140 puqaranıń is-haqıları tóletip berildi. Bul kórsetkish 2022-jıldıń IV shereginiń ózinde 61 puqaranıń 114 mln 253 mıń sum quramaqta.
Bólim tárepinen norma dóretiwshiligi tarawında alıp barılǵan jumıslarǵa toqtalıp ótetuǵın bolsaq, rayon hákimligi tárepinen kelip túsken 5 normativlik-huqıqıy xarakterdegi sheshim joybarı ekspertizadan ótkerilip, unamlı juwmaq berildi hám bul sheshim rayonlıq gazetadan daǵazalanıp, hákimliktiń rásmiy veb-saytına jaylastırıldı. Sonday-aq, bul sheshim mámleketlik dizimge alınıwı ushın tiyisli tártipte Qaraqalpaqstan Respublikası ádillik ministrligine usınıldı. Sonıń menen birge nızamshılıqtı jetilistiriw boyınsha ministrlikke 28 usınıs kiritildi.
Sol qatarda, rayon hákimligi hámde xalıq deputatları rayonlıq keńesleri tárepinen qabıl qılınıp atırǵan sheshim hám biylikleri rayonlıq ádillik bólimi tárepinen “E-qaror” electron sisteması arqalı turaqlı monitoring qılınıp, rayon hákimliginiń nızam talaplarına qayshı qabıllanǵan sheshimleri anıqlanıp, bólim tárepinen tiyisli usınıslar kiritildi hám hákimliktiń 5 sheshimi biykarlandı hám 2 sheshim nızamshılıq hújjetleri talaplarına muwapıqlastırıldı.
2022-jıl dawamında rayonlıq ádillik bólimi tárepinen huqıqtı qollaw ámeliyatın úyreniw tarawında ámelge asırılǵan jumıslar tómendegılerden ibarat:
Ózbekstan hám Qaraqalpaqstan Respublikası Ádillik ministrliginiń 2022-jıl
I hám II yarım jıllıǵına mólsherlengen is-rejesi hám buyırıq hámde tapsırma xatları tiykarında jámi 69 mámleketlik uyımları hám shólkemleriniń rayonlıq strukturaları jumıslarında huqıqtı qollaw ámeliyatın úyrenilip, jámi 95 normativlik-huqıqıy hújjetler analizlendi hám 7396 halatta nızambuzılıwshılıq jaǵdayları anıqlandı.
Kórip shıǵılǵan múrájatlar, ótkerilgen úyreniw hám monitoringlar nátiyjesinde anıqlanǵan nızambuzıwshılıq jaǵdayların saplastırıw maqsetinde jámi 93 usınıs, 42 hákimshilik juwapkershilik máselesi boyınsha usınıs hám 198 eskertiw sıyaqlı tásir sharaları kiritildi, sonnan 2022-jıldıń IV sheregi dawamında 15 usınıs, 5 hákimshilik juwapkershilik máselesi boyınsha usınıs kiritildi. Bul tásir sharaları nátiyjesinde 83 shaxs intizamıy juwapkershilikke, 23 shaxs hákimshilik juwapkershilikke tartıldı.
2022-jıl dawamında rayonlıq ádillik bóliminiń mámleketlik xızmetler orayı tárepinen ámelge asırılǵan jumıslarǵa toqtalıp ótsek.
Shomanay rayonı boyınsha 2022-jıl jıl dawamında 117 yurdikalıq shaxslar, 113 jeke tártiptegi isbilermenler, jámi 230 isbilermenlik subiekti mámleketlik dizimnen ótkerildi. (Sonnan: fo.birdarcha.uz sisteması arqalı) yuridikalıq shaxslar mámleketlik dizimnen ótti)
Esabat dawamında jámi 95 isbilermenlik subektleri, sonnan: 86 yuridikalıq shaxslar, 9 jeke tártiptegi isbilermenler qayta dizimnen ótkerildi.
2022-jıl dawamında oray xızmetkerleri tárepinen puqaralarǵa hám isbilermenlik subektlerine jámi 19 338 mámleketlik xızmetler kórsetildi.
Rayon orayınan alıs aymaqlardaǵı jasawshı yaǵnıy “Qarabaylı”, “Begjap”, “Birleshik” APJ aymaqlarında jasawshı puqaralarǵa 2022-jıl dawamında oraydıń “Begjap” APJda jaylasqan filialı arqalı 1460 mámleketlik xızmetler kórsetildi.
Mámleketlik xızmetler kórsetiwde rayon aymaǵındaǵı xızmet kórsetiwshi mekeme hám kárxanalar, taraw boyınsha respublika masshtabındaǵı kárxanalar menen tolıq integraciya ornatılǵan.
Rayon orayınan alıs aymaqlardaǵı jasawshı puqaralardıń waqıtların tejew hám olardıӊ uzaǵın jaqın qılıw, sonıń menen birge imkániyatı sheklengen puqaralarǵa qolaylıqlar jaratıw jaratıw, puqaralarımızǵa tarawımızǵa tiyisli bolǵan normativ-huquqıy hújjetlerdiń mazmun-mánisin túsindiriw maqsetinde olardıń jasap turǵan orınlarına barǵan 2022-jıl dawamında 2753 kóshpeli mámleketlik xızmetler kórsetilgen bolıp bul jámi xızmettiń 14,2 % quraydı.
Kórsetilip atırılǵan mámleketlik xızmetlerdegi sebepsiz biykar etilgen (otkaz) juwapları, múddeti buzılǵan hámde tiykarsız bas tartıw jaǵdayları boyınsha mánzilli tárizde analizlep barılmaqta hám bul boyınsha 2022-jıl dawamında jámi 55 arnawlı xabarlar anıqlanǵan bolıp, sonnan 21 múrájatta tiyisli xızmet kórsetiwshi wákillikli uyımlar atap aytqanda, rayonlıq kadastrlar palatası hám suw tarmaqları kárxanası tárepinen múddeti buzılǵanlıgı ushın ministrlikke óz waqtında elektron (onlayn) tárizde arnawlı xabarlar berildi.
Rayonlıq ádillik bóliminiń PHAJ bólimi tárepinen 2022-jıl juwmaǵı boyınsha tómendegi jumıslar amelge asırıldı:
PHAJ bóliminde 2022-jıl dawamında 903 halatta tuwılǵanlıq dizimge alındı, sud qararı menen perzentlikke alınǵanlar sanı 16, puqaranıń familiya atı hám ákesiniń atı ózgertkenler 3, 9 puqaranıń akt jazıwına ózgeris kiritildi,
16 puqaraǵa jalǵız analıq hám 65 balaǵa atalıq belgilep tuwılıw guwalıqları berildi. 315 neke dizimge alınıp sonnan segizi saltanatlı túrde nekeden ótkerildi. 40 halatta puqaralarımız nekeden ajırasqan, 220 puqaranıń ólimi dizimge alınıp ólim haqqında guwalıqlar berildi.
2021-jılda dizimge alınǵan akt jazıwları (tuwılıw, neke, nekeden ajırasıw hám ólim) túpletip kitap formasında tiktirildi, sonday-aq birden-bir elektron arxivine kiritiwde jiberilgen qáte-kemshilikler qayta kórip shıǵılıp saplastırıldı. PHAJ bólimi hámde Shańaraq hám hayal-qızlar bólimi menen birgelikte oqıw kursı shólkemlestirilip jas kelin-kúyewdi shańaraqqa tayarlaw boyınsha oqıtıw jumısları turaqlı alıp barılmaqta.
Rayonlıq ádillik bóliminiń yuridikalıq xızmet kósetiw orayı tárepinen
2022-jıl dawamında birqansha unamlı jumıslar ámelge asırıldı atap aytqanda:
2022-jıl dawamında “e-huquqshunos” elektron sisteması arqalı mámleketlik uyım hám shólkemlerden 11472 dana normativ áhmiyetke iye hújjet, yaǵnıy
8496 buyırıq, 2976 puqaralıq hám miynet shártnamaları joybarları kelip tústi. Sonnan 8307 buyırıq hám 2878 puqaralıq hám miynet shártnamaları joybarlarına nızam hújjetlerine muwapıqlıǵı boyınsha juwmaqlar berilip, 184 buyrıq hám 97 puqaralıq hám miynet shártnamaları joybarlarına ámeldegi nızam hújjetlerge muwapıq bolmaǵanlıǵı sebepli qaytarıldı.
Huqıqıy úgit násiyat tarawında rayonlıq ádillik bólimi tárepinen 2022-jıl dawamında 1778 úgit násiyat jumısları alıp barılıp, sonnan televideniye arqalı
17 márte, radio arqalı 44 márte, gazeta arqalı 21 márte, veb-sayt hám basqada elektron axborot quralları arqalı 335 márte, sonday-aq 53 márte kórgizbeli, 1308 márte awızeki úgit násiyat jumısları alıp barıldı.
Bunnan tısqarı, Ózbekstan Respublikası Prezidentiniń 2022-jıl 7-marttaǵı “Shańaraq hám hayal-qızlardı sistemalı qollap-quwatlawǵa tiyisli islerdi jánede jedellestiriw is-ilajları haqqında”ǵı PF-87-sanlı Pármanı hámde 2022-jıl
29-iyundaǵı “Máhállelerde sociallıq xızmetlerdi kórsetiw hám sociallıq qorǵawǵa mútáj shańaraqlarǵa járdem beriw sistemasın jańa basqıshqa kóteriw hámde hayal-qızlardı kásipke úyretiw islerin jánde de jedellestiriw is-ilajları haqqında”ǵı PQ-300-sanlı qararınıń orınlanıwın támiyinlew maqsetinde ádillik bólimi tárepinen 2022-jıl dawamında Shomanay rayonı aymaǵındaǵı jámi 411 hayal-qızlarǵa huqıqıy túsinikler berilip járdemler kórsetildi.
Shomanay rayonı ádillik
bólimi baslıǵı E.Kannazarov