Янгиликлар
09
Nókis rayonı ádillik bólimi tárepinen 2022-jıl dawamında islengen jumıslar boyınsha maǵlıwmat
Ózbekstan Respublikası Prezidentiniń 2018-jıl 13-apreldegi “Ózbekstan Respublikası Ádillik ministrliginiń iskerligin jánede jedellestiriwdi shólkemlestiriw is-ilájleri haqqında”ǵı PQ-3666-sanlı qararı menen barlıq qala hám rayonlarda ádillik bólimleri shólkemlestirildi.
Usı qarar menen qala hám rayonlarda ádillik bólimleriniń juwapkershiligi, májbúriyatları, wákillikleri menen bir qatarda wazıypalarıda belgilep berildi.
Ózlerine júkletilgen wazıypalardı orınlaw maqsetinde Nókis rayonı ádillik bólimi tárepinen 2022-jıl dawamında mámleketimiz tárepinen jańadan qabıllanǵan 771 nızam hújjetleri óz waqtında rayon aymaǵında jaylasqan 54 mákemege elektron pochta arqalı jetkerip berildi. Sol párman hám qararlardıń mazmun-maqsetin túsindiriw boyınsha ádillik bólimi jıl dawamında 46 mártebe televidenie, radioda shıǵıwlar hám gazetalarda maqalalar beriw, 174 mártebe social tarmaqlarda qısqasha túsinikler beriw, postlar jaratıwlar,s ondayaq, mákeme basshıları, xızmetkerleri qatnasında hámde awıl puqaralar jıyınlarında xalıq penen 445 ushırasıwlar shólkemlestirildi.
Ádillik bólimine júkletilgen wazıypalardıń biri bul insan huqıqların qorǵaw hám Ózbekstan Respublikası fizikalıq hám yuridikalıq shaxslardıń múrájatları haqqındaǵı nızamǵa tiykar puqaralardıń múrájatların kórip shıǵıw bolıp esaplanadı.
2022-jıl dawamında bólimge 220 múrájat kelip túsken bolsa, sonnan
205 shaǵım hám 15 arza boyınsha berilgen huqıqıy túsinikler menen bir qatarda insan huqıqlarıń tiklew maqsetinde puqaralardıń mápin kózlep Puqaralıq isleri boyınsha Nókis rayonlararalıq sudına 93 dawa arza kiritilip 235 mln. sum pulları, Nókis rayonlararalıq ekonomikalıq sudına 2 dawa arza kiritilip 60 mln. sum pulları puqaralar paydasına sud sheshimi menen óndirip berildi.
Bunnan tısqarı, kelip túsken múrájatlardı úyreniw nátiyjesinde anıqlanǵan qate kemshiliklerdi saplastırıw haqqında mákemelerge kiritilgen “Usınıs”lar nátiyjesinde 40 mln.ǵa shamalas tóleniwi tiyis bolǵan biraq usı kúnge shekem tólenbey atırǵan pullar puqaralar paydasına óndirildi.
Sondayaq, 15 arza boyınsha perzentleriniń ólimi haqqında óz waqtında hújjetleri rásmiylestirilmegenligi sebepli, ólim faktın tastıyqlaw haqqında puqaralardıń mápin kózlep Puqaralıq isleri boyınsha Nókis rayonlarara sudına arzalar kiritildi. Nátiyjede ádillik bólimi tárepinen kelip túsken 220 múrájattan 180 múrájat qanaatlandırıldı.
Joqarıdaǵılardı maǵlıwmat retinde bildirip Nokis rayoni adillik bolimi telegramm kanalına kirip nızamshılıqtaǵı jańalıqlar menen tanısıp barıwıńızdı sorayman.
Nókis rayonı ádillik bólimi