Янгиликлар
28
Jeke tártiptegi turaq-jay qurıwǵa (rekonstrukciya qılıwǵa) joybarlaw-smeta hújjetlerin kelisiw tártibi.
Ózbekstan Respublikası Ministrler Kabinetiniń 2022-jıl 20-apreldegi 200-sanlı qararınıń 4-qosımshası menen Joybarlaw-smeta hújjetlerin kelisiw boyınsha mámleketlik xızmetlerdi kórsetiwdiń hákimshilik reglamenti tastıyıqlandı.
Bul reglament yuridikalıq hám fizikalıq shaxslar yáki olardıń buyırtpasına (shártnamasına) muwapıq joybarlaw shólkemleri tárepinen berilgen sorawnamaǵa tiykar jer maydanı kólemine qaramastan barlıq túrdegi imaratlar, jeke tártiptegi turaq-jaylar, kóp qabatlı úyler, suw támiynatı, kanalizaciya hám aqaba suwlardı tazalaw sistemaları, gidrotexnika qurılmaları hám basqa obektlerdiń joybar-smeta hújjetleriniń arxitektura bólimin kórip shıǵıw hám kelisiw tártibin belgileydi.
Joybar-smeta hújjetlerin tiyisli licenziyası bolǵan joybarlaw shólkemi tárepinen islep shıǵıladı. Joybarlaw-smeta hújjetlerinde imarat hám jeke tártiptegi turaq-jaydıń ulıwma maydanı (kvadrat metr) kórsetiliwi kerek.
Eki qabattan joqarı bolmaǵan (cokolnı esapqa almaǵan halda), bálentligi jer betinen 12 metrden hám (yáki) ulıwma maydanı 500 kvadrat metrden artıq bolmaǵan jeke tártiptegi turaq-jaylar hám 300 metr kubdan artıq bolmaǵan turaq emes imaratlar qurıw hámde rekonstrukciya etiw joybarlaw-smeta hújjetlerin ekspertizadan ótkeriw hám qurılıs tarawında aymaqlıq qadaǵalaw inspekciyalardan dizimnen ótkeriw talap etilmeydi.
Joybarlaw-smeta hújjetleri:
Qaraqalpaqstan Respublikası Qurılıs ministrligi, wálayatlar hám Tashkent qalası qurılıs bas basqarmaları janındaǵı aymaqlıq arxitektura -qalasazlıq keńesleri tárepinen - tariyxıy zonalarda, materiallıq esteliklerdi qorǵaw zonalarında, Tashkent, Nókis qalaları hám wálayat oraylarında qurılatuǵın obektlerdiń hámde mámleket obektleri boyınsha bes jumıs kúni dawamında;
Qaraqalpaqstan Respublikası Qurılıs ministrligi, wálayatlar hám Tashkent qalası qurılıs bas basqarmaları tárepinen - eki qabattan joqarı (cokolnı esapqa almaǵan halda ), bálentligi jer maydanınan 12 metrden hám (yáki) ulıwma maydanı 500 kvadrat metrden artıq bolǵan jeke tártipdegi turaq-jaylar hám 300 metr kubdan artıq bolǵan turaq emes jay hám imaratlar boyınsha úsh jumıs kúni dawamında;
rayon (qala) qurılıs bólimleri tárepinen - eki qabattan joqarı bolmaǵan (tsokolnı esapqa almaǵan halda), bálentligi jer maydanınan 12 metrden hám (yáki) ulıwma maydanı 500 kvadrat metrden artıq bolmaǵan jeke tártiptegi turaq-jaylar hám 300 metr kubdan artıq bolmaǵan turaq emes jay hám imaratlar boyınsha úsh jumıs kúni dawamında kórip shıǵıladı hám kelisiledi.
Eki qabattan joqarı bolǵan (cokolni esapqa almaǵan halda), bálentligi jer maydanınan 12 metrden hám (yáki) ulıwma maydanı 500 kvadrat metrden artıq bolǵan jeke tártiptegi turaq jaylar hám 300 metr kubdan artıq bolǵan turaq emes jay hám imaratlardı qurıw hámde rekonstruktsiya qılıw obektiniń joybar hújjetleri májburiy ekspertizadan ótkeriledi hámde obekt Qurılıs ministrligi janındaǵı Qurılıs tarawında qadaǵalaw inspektsiyasınıń aymaqlıq inspektsiyalarında dizimnen ótkeriledi.
Taxtakópir rayonı Ádillik bólimi
Mámleketlik xızmetler orayı direktorı P. Reymkulov