Янгиликлар
23
Arnawlı bir jasaw ornı joq shaxslar reabilitatsiya orayına jaylastırıladı
Sońǵı jıllarda mámleketimizde insan huqıqları hám máplerin sózsiz támiyinlew hámde aktiv puqaralıq jámiyetin qáliplestiriwge qaratılǵan reformalardıń ústin turatuǵın baǵdarların bekkemlewge tiyisli sistemalı jumıslar alıp barılmaqta. “Ózbekstan Respublikasınıń ayırım nızam hújjetlerine ózgeris ham qosımshalar kiritiw haqqında”ǵı Ózbekstan Respublikası nızamı 810-san menen 17.12.2022-jıl kúshke kirdi. Usı nızamǵa tiykar Ózbekstan Respublikasınıń Hákimshilik juwapkershilik haqqındaǵı kodeksine XXIII2 bap kiritildi. Bul bap mámleketimizde arnawlı bir jasaw jayına iye bolmaǵan shaxslardı reabilitatsiya qılıw arqalı olarǵa huqıqıy, social, psixologiyalıq, medicinalıq hám basqa túrdegi járdem kórsetiwge, sonıń menen birge olarǵa jámiyette qabıl etilgen minez-qulıq normalari hám qaǵıydaların sıńdiriwge qaratılǵan ilajlardı ámelge asırıwdıń huqıqıy tiykarları bolıp esaplanadı.
Arnawlı bir jasaw ornına iye bolmaǵan shaxstıń reabilitatsiya orayına jaylastırılıwın talap etiwshi tiykarlar anıqlanǵan jaǵdayda, ishki isler organı bunday shaxs ishki isler organına keltirilgen waqıttan baslap 48 saat ishinde onı reabilitatsiya orayına 30 sutkadan kóp bolmaǵan múddetke jaylastırıw tuwrısında sudqa iltimasnama jiberiw ushın materiallardı tayarlawı shárt.
Arnawlı bir jasaw ornına iye bolmaǵan shaxstı reabilitatsiya orayına jaylastırıw tuwrısındaǵı iltimasnama jáne onı reabilitatsiya orayına jaylastırıw zárúr ekenligin tastıyıqlaytuǵın materiallar arnawlı bir jasaw ornına iye bolmaǵan shaxs anıqlanǵan jerdegi yamasa reabilitatsiya orayı jaylasqan jerdegi jınayat isleri boyınsha rayon (qala ) sudına ishki isler organı tárepinen beriledi.
Arnawlı bir jasaw ornına iye bolmaǵan shaxstı reabilitatsiya orayına jaylastırıw tuwrısındaǵı iltimasnama sudqa jazba formada beriledi hám ishki isler organınıń basshısı yamasa onıń orınbasarı tárepinen qol qoyıladı.
Iltimasnamada tómendegiler kórsetiliwi kerek:
1) iltimasnama berilip atırǵan suddıń atı;
2) ishki isler organınıń atı hám jaylasqan jeri (pochta adresi);
3) arnawlı bir jasaw ornına iye bolmaǵan shaxstıń famılıyası, atı, ákesiniń atı;
4) iltimasnamaǵa tiykar bolǵan jaǵdaylar ;
5) berilgen iltimasnamanıń tiykarların tastıyıqlaytuǵın dáliller;
6) arnawlı bir jasaw ornına iye bolmaǵan shaxstı reabilitatsiya orayına jaylastırıw tuwrısındaǵı ótinish, jaylastırıw múddetin kórsetken halda ;
7) qosımsha qılınıp atırǵan hújjetlerdiń dizimi.
Iltimasnamada ishki isler organınıń telefon, faks nomerleri, elektron adresi kórsetiliwi múmkin.
Arnawlı bir jasaw ornına iye bolmaǵan shaxstı reabilitatsiya orayına jaylastırıw tuwrısında názerde tutılǵan talaplardı buzǵan halda berilgen iltimasnama ishki isler organına qaytarıladı.
Arnawlı bir jasaw ornına iye bolmaǵan shaxstı reabilitatsiya orayına jaylastırıw tuwrısındaǵı iltimasnamaǵa tómendegiler qosımsha etiledi:
1) arnawlı bir jasaw ornına iye bolmaǵan shaxstı anıqlaǵan lawazımlı shaxstıń arnawlı bir jasaw ornına iye bolmaǵan shaxstı reabilitatsiya orayına jaylastırıw tuwrısında sudqa iltimasnama kirgiziw haqqında tiyisli rayon (qala ) ishki isler organı baslıǵı tárepinen tastıyıqlanǵan sheshimi;
2) jasaw mánzilleri (mánziller boyınsha byuro) haqqında maǵlıwmatlar beretuǵın organnıń málimlemesi, sonıń menen birge arnawlı bir jasaw ornına iye bolmaǵan shaxstıń Ózbekstan Respublikasındaǵı málim bolǵan aqırǵı jasaw ornın tekseriw nátiyjeleri tuwrısındaǵı maǵlıwmat ;
3) arnawlı bir jasaw ornına iye bolmaǵan shaxstıń túsindiriwi yamasa bunday shaxs tárepinen túsindiriw beriw biykarlaw etilgenligi tuwrısında tiyisli tárzde dúzilgen akt;
4) arnawlı bir jasaw ornına iye bolmaǵan shaxstı medicinalıq kórikten ótkeriw nátiyjeleri tuwrısındaǵı medicinalıq málimleme;
5) arnawlı bir jasaw ornına iye bolmaǵan shaxstıń huqıqları, sonday-aq advokattıń yuridikalıq járdeminen paydalanıw huqıqı hám óz jaqınlarına telefon arqalı qońıraw qılıw huqıqı túsintirilgenligi haqqındaǵı protokol.
Iltimasnamaǵa bildirilgen iltimasnamanı tıykarlaytuǵın basqa hújjetler de qosımsha etiliwi múmkin.
Iltimasnamanıń sud tárepinen kórip shıǵilıwı;
Arnawlı bir jasaw ornına iye bolmaǵan shaxstı reabilitatsiya orayına jaylastırıw tuwrısındaǵı iltimasnama usınıs etilgen waqıttan baslap 24 saat ishinde sud'ya tárepinen jabıq sud májilisinde jalǵız tártipte kórip shıǵıladı.
Ózine qarata reabilitatsiya orayına jaylastırıw tuwrısındaǵı iltimasnama kórip shıǵılıp atırǵan shaxs hám ishki isler organınıń wákili sud májilisinde qatnasıwı shárt. Sud májilisinde advokat qatnasıwı múmkin.
Qarar sud'ya tárepinen bólek xanada shiǵarıladı.
Iltimasnamanı kórip shıǵıw nátiyjeleri boyınsha sud tómendegi qararlardan birin shıǵaradı :
iltimasnamanı qánaatlantırıw hám arnawlı bir jasaw ornına iye bolmaǵan shaxstı reabilitatsiya orayına jaylastırıw tuwrısında;
iltimasnamanı qánaatlantırıwdı biykarlaw etiw haqqında.
Nızamda usınılıp atırǵan normalar arnawlı bir jasaw ornına iye bolmaǵan shaxslardı reabilitatsiya orayına jaylastırıw menen baylanıslı qıyınshılıqlardıń hám artıqsha áwere-sergizdanlıqtıń aldın alıwǵa xızmet etedi.
Bozataw rayonı Ádillik bólimi yuridik xızmet kórsetiw orayı bas yuriskonsultı A.Xojanov