Янгиликлар
22
Kekseler hám mayıplılıǵı bolǵan shaxslarǵa sanatoriylarda emleniw ushın jollamalar beriw tártibi ápiwayılastırıldı
Ózbekstan Respublikası Ministrler Kabinetiniń 2021-jıl 19-noyabr kúngi “Xalıqqa sanatoriylarda emleniw ushın jollamalar beriw tarawına xabar-texnoligiyaların en`giziw haqqında”ǵı 693-sanlı qararına tiykar xalıqqa sanatoriylarda emleniw ushın jollamalar beriw tártibi elede ápiwılastırıldı.
Oǵan kóre, 2022-jıl 1-iyuldan baslap usı mámleketlik xızmetten paydalanıw ushın fizikalıq shaxslar tek ǵana Mámleketlik xızmetler orayları yamasa Ózbekstan Respublikası Birden-bir interaktiv mámleketlik xızmetler portalı (my.gov.uz) arqalı múrájat etiwi belgilengen edi.
Sanatoriylarda emleniw ushın jollamalar tómendegi taypadaǵı kekseler hám mayıplılıǵı bolǵan shaxslarǵa beriledi:
Urıs mayıplarına hám qatnasıwshılarına teńlestirilgen shaxslar;
Qaytıs bolǵan áskeriy xızmetshilerdiń jańa nekeden ótpegen jalǵız hayalları (jalǵız erleri);
Respublika áhmiyetine iye jeke pensiya alıwshı shaxslar;
Chernobil AES apatshılıǵı aqıbetinde nurlanıw keselligine ushıraǵan hám onı basınan keshirgen shaxslar, sonday aq, Chernobil apatshılıǵı sebepli mayıp bolıp qalǵan shaxslar;
Yadro poligonları hám basqa radiaciya-yadro obektlerinde áskeriy xızmetti ótegen pensiya jasındaǵı shaxslar;
I hám II-topar mayıplılıǵı bolǵan shaxslar, kózi ázzi I-topar mayıbın gúzetip barıwshı shaxs;
Ózgeler qarawına mútáj bolǵan jalǵız kekseler;
Jasına tiyisli pensiya alıwshılar.
Urıs mayıplarına hám qatnasıwshılarına teńlestirilgen shaxslar ushın sanatoriylarǵa jollamalar birinshi náwbette beriledi.
Qanlıkól rayonı ádillik bólimi Mámleketlik
xızmetler orayı direktorı: A.Nizamatdinov