Янгиликлар

Xalıqqa hám isbilermenlik subektlerine mámleketlik xızmetlerden paydalanıwdaǵı qolaylıqlar.

---

         Sońǵı jıllarda xalıqqa mámleketlik xızmetlerin kórsetiw sisteması, isbilermenlik iskerligin tupten jaqsılaw, artıqsha byurokratiyalıq tosqınlıqlardı saplastırıw boyınsha ilajlar ámelge asırılmaqta.
         Atap aytqanda, ayırım túrdegi litsenziya hám ruxsatnamalar biykar etilip,  puqaralardıń ózin-ózi basqarıw shólkemleri tárepinen beriletuǵın bir qatar maǵlıwmatlar biykarlandı. Mámleketlik shólkemleri elektron sistema arqalı alıw múmkinshiligi bolǵan maǵlıwmatlardı qaǵaz kórinisinde sorap alıw, jumıs iskerligin shólkemlestiriw ushın zárúrli bolmaǵan hújjetlerdi talap qılıw nátiyjesinde xalıq hám isbilermenlik subektlerin áweregershilik jol qoymaw maxsetinde.
         2021-jıl 1-iyunnan baslap puqaralardıń turaqlı dizimnen ótken jerine qaramastan puqaralıq halatı aktlerin atap kórsetiw, nekeleniwshi shaxslardı medicinalıq kórikten ótkeriw hám shet elge shıǵıw biometrik pasportın rásmiylestiriw eksterritorial princip tiykarında ámelge asıriladı.
         Isbilermenlik subekti bolǵan yuridikalıq shaxslarǵa mámleketlik xızmetlerinen paydalanıw ushın belgilengen jıyım hám mámleketlik bajı tólemlerin tólewde olardıń wákili tárepinen naq pul formasında tólewdi ámelge asırıwǵa ruxsat berildi.
         Mámleketlik xızmetler orayları arqalı xızmetlerden paydalanıwda fizikalıq hám yuridikalıq shaxslar tárepinen artıqsha tólengen tólemler, sonıń menen birge, mámleketlik xızmetler tezlestirilgen tártipte kórsetiw ushın qosımsha tólemler summası tezlestirilgen tártipte kórsetilmegen jaǵdayda ápiwayılastırılgan tártipte Ádillik ministrliginiń Mámleketlik xızmetlerin rawajlandırıw fondı qarjıları esabınan bir jumıs kúni ishinde qaytarıladı.
         Mámleketlik xızmetlerin kórsetiw nátiyjesinde beriletuǵın hújjetler QR-kod (matrik shtrixlı kod) qoyıw arqalı berilgende olardıń dublikatlarin beriw tártibi biykar etiledi.
         2021-jıl 1-iyunnan baslap mámleketlik shólkemleri, xojalıq birlespeleri, jergilikli atqarıwshı húkimet shólkemleri, mámleketlik shólkemleri hám mákemeleri tárepinen xalıqtan, sonday-aq isbilermenlik subektlerinen tómendegi hújjettlerdi talap etiliwi biykar etildi.
– ruwxıy kesellikler boyınsha dispanser esabında turıwı yamasa turmawı;
– narkologiya boyınsha dispanser esabında turıwı yamasa turmawı;
– sudlanǵanlıq;
– mánzil-maǵlıwmat málimlemesi;
– puqaranıń atında jeke turaq jaydıń bar yamasa joq ekenligi;
– turaq jaydıń maydanı;
– salıq qarzınıń bar yamasa joq ekenligi;
– salıq tólewshi fizikalıq táreplerdiń mámleketlik salıq xızmeti uyımlarında esapqa turǵanı;
– pensiya hám napaqa muǵdarı;
– pensiya hám napaqa alıwshılar diziminde bar yamasa joq ekenligi;
– neke dizimge alınǵanı, nekede joq ekenligi yamasa nekeden ajırasqanlıǵı.
Bunda mámleketlik uyımlar hám shólkemler tiyisli mámleketlik uyımlar hám shólkemlerden ǵárezsiz túrde, sonıń ishinde «Elektron húkimet»  sisteması integrallasıw platforması arqalı alınadı.

Shımbay rayonı Ádillik bólimi mámleketlik xızmetler orayı bólim baslig'ı  B.Bekniyazov

---