Янгиликлар
20
«Jaslar dápteri»ne kimler kiritiledi hám olarǵa nızamshılıqta qanday jeńillikler bar?
«Jaslar dápteri»ne kiritilgen jaslardıń máselelerin sistemalı túrde sheshiw hám olardı sociallıq qollap-quwatlawda nızamshılıqta tómendegi jeńillikler berilgen:
1. «Jaslar dápteri»ne kiritilgen materiallıq jaǵdayı awır jaslarǵa bir mártelik járdem kórsetiw;
2. «Jaslar dápteri»ne kiritilgen jaslardı isbilermenlikke hám kásip-ónerge oqıtıw kursları qárejetlerin qaplaw;
3. «Jaslar dápteri»ne kiritilgen jaslardıń mámleket hám mámleketlik emes bilimlendiriw shólkemlerinde avtomototransport quralları aydawshıların tayarlaw boyınsha oqıw kursı qárejetlerin qaplaw ushın subsidiya ajıratıw;
4. «Jaslar dápteri»ne kiritilgen diyxanshılıq hám tamarqa hojalıǵın júritiw menen shuǵıllanıp atırǵan jaslarǵa tuhım hám nál satıp alıw ushın subsidiya ajıratıw;
5. «Jaslar dápteri»ne kiritilgen jaslarǵa isbilermenlik iskerligi hám ózin-ózi bánt etiw ushın turaq emes jaydıń ijara qárejetlerin qaplaw;
6. «Jaslar dápteri»ne kiritilgen jaslarǵa isbilermenlik iskerligin baslaw hám ózin-ózi bánt etiw ushın zárúr bolǵan ásbap-úskeneler yaki miynet quralların satıp alıwǵa subsidiya ajıratıw;
7. «Jaslar dápteri»ne kiritilgen jaslarǵa professional hám joqarı bilimlendiriw shólkemleri oqıwshı-studentleriniń bilimlendiriw kontrakt-tólem summasınıń bir bólegin tólep beriw;
8. «Jaslar dápteri»ne kiritilgen jaslarǵa zamanagóy kásiplerdi iyelew, málimleme texnologiyaların uyreniw hám olardı shet tillerge oqıtıw boyınsha oqıw kurslarında oqıw qárejetlerin qaplaw ushın subsidiya ajıratıw;
9. «Jaslar dápteri»ne kiritilgen sociallıq qorǵawǵa mútáj qábiyletli jaslardıń ilim-pán, sport, mádeniyat baǵdarlarındaǵı oqıw kursları ushın subsidiya ajıratıw;
10. «Jaslar dápteri»ne kiritilgen jaslardıń ilim-pán, sport hám mádeniyat baǵdarlarındaǵı olimpiada, tańlaw hám jarıslarda qatnasıw qárejetleri ushın subsidiya ajıratıw;
11. «Jaslar dápteri»ne kiritilgen jaslarǵa bilim, mádeniyat hám sport, málimleme texnologiyalarına hám pánlerdi oqıtıwǵa qániygelesken mámleketlik emes bilimlendiriw shólkemleriniń turaq jay emes ijara qárejetlerin qaplaw;
12. «Jaslar dápteri»ne kiritilgen kesel jaslarǵa dawalanıw qárejetleri ushın subsidiya ajıratıw;
13. «Jaslar dápteri»ne kiritilgen psixologik keńeske mútáj jaslarǵa pullı psixologik xızmet kórsetiliwi menen baylanıslı qárejetlerdi qaplaw;
14. «Jaslar dápteri»ne kiritilgen jaslardıń áskeriy shaqırıw rezervindegi xızmetti ótew tólemin tolıq muǵdarda qaplaw ushın subsidiya ajıratıw;
15. Jaslarǵa jańa shańaraq qurıp atırǵanda óz shańaraǵında qosımsha uy-jay qurıw ushın girewsiz kredit ajıratıw ushın kepillik beriw;
16. «Jaslar dápteri»ne kiritilgen sociallıq qorǵawǵa mútáj jas shańaraqlarǵa turaq jay ijarası ushın subsidiya ajıratıw;
17. Jaslardıń intellektual qábiyletin asırıw, olardıń bos waqtın mazmunlı shólkemlestiriw hám huqıqıy bilimin asırıw, sonday-aq, bes áhmiyetli baslama sheńberindegi ilájlerdi qarjılandırıw;
18. «Jaslar dápteri»ne kiritilgen jaslardıń jumıs penen bántligin támiyinlew;
19. «Jaslar dápteri»ne kiritilgen jaslardı isbilermenlikke qatnastırıw;
20. «Jaslar dápteri»ne kiritilgen jaslardıń shet elde qáwipsiz, tártipli hám nızamlı miynet migraciyasın shólkemlestiriw maqsetleri ushın jeńillikler berilgen.
Esletpe: «Jaslar dápteri»ne kimler kiritiletuǵınlıǵı haqqında usı jıldıń sentyabr ayında maǵlıwmat berilgen.
Salamat BAZARBAEV,
Kegeyli rayonı Ádillik bólimi,
Yuridikalıq xızmet kórsetiw orayı
bas yuriskonsultı.