Янгиликлар
06
Konstituciyamızǵa 30 jıl
Konstituciya mámlekettiń tiykarǵı nızamı. Ol mámleket dúzilisin, húkimet hám basqarıw shólkemleri sistemasın, olardıń kepilligi hám de qáliplestiriliw tártibi, saylaw sisteması, puqaralardıń huqıq hám erkinlikleri, jámiyet hám shaxstıń óz-ara munasábetleri, sonıń menen birge, sud sistemasın hám de mámleket hám jámiyettiń óz-ara munasábetlerin belgilep beredi.
Ózbekstan Respublikası Konstituciyası 6 bólim 26 bap 128 statyadan ibarat.
Baslı nızamımızdıń 7-babında jeke huqıq hám erkinliklerimiz belgilep berilgen. Oǵan kóre insannıń jasaw huqıqı hár bir insannıń ajıralmas huqıqı esaplanadı. Insannıń ómirine qastıyanlıq etiw eń awır jınayat bolıp tabıladı.
Hesh kim nızamǵa tiykarlanbaǵan halda irkiliwi yamasa qamaqda saqlanıwı múmkin emes.
Jınayat islegenlikte ayıplanıp atırǵan hár bir shaxstıń isi sudta nızamlı tártipte, áshkara kórip shıǵılıp, onıń ayıbı dáliyllenbegenge shekem ol ayıplı esaplanbaydı. Sudta ayıplanıp atırǵan shaxsqa ózin qorǵaw ushın barlıq sharayatlar támiyinlep beriledi.
Hesh kim qıynaqqa salınıwı, zorlıqqa ushırawı, kemsitiliwi yamasa basqa tárizde qıstawǵa alınıwı múmkin emes.
Hesh kimde onıń razılıǵısız onıń ústinde medicinalıq yamasa ilimiy tájiriybeler ótkeriliwi múmkin emes.
Ózbekstan Respublikası puqarası Respublika aymaǵında bir orınnan ekinshi orınǵa kóshiw, Ózbekstan Respublikasına keliw hám odan shıǵıp ketiw huqıqına iye. Nızamda belgilengen sheklewler bunnan tısqarı.
Ózbekstan Respublikasınıń barlıq mámleket shólkemleri, jámiyetlik birlespeleri hám lawazımlı shaxsları puqaralarǵa olardıń huqıq hám máplerine tiyisli bolǵan hújjetler, qararlar hám basqa materiallar menen tanısıp shıǵıw múmkinshiligin jaratıp beriwi kerek.
Hámme ushın hújdan erkinligi kepillenedi. Hár bir insan qálegen dinge sıyınıwı yamasa hesh qaysı dinge sıyınbaw huqıqına iye. Diniy qaraslardı májbúriy sińdiriwge jol qoyılmaydı.
8-dekabr Ózbekstan Respublikası Konstituciyası qabıl etilgenliginiń 30 jıllıǵı menen Qońırat rayonı ádillik bólimi atınan qalaberse ózimniń atımnan bárshe xalqımızdı shın júrekten qutlıqlayman.
Qońırat rayonı ádillik bólimi
yuridikalıq xızmet kórsetiw orayı
bas yuriskonsultı R. Annarazov