Янгиликлар
29
Mektepten tısqarı tálim iskerligin baslaǵanlıq yaki saplastırılǵanlıq haqqında xabardar qılıw tártibini bilesizbe?
Sońǵı jıllarda Prezidentimiz Pármanı menen respublikada isbilermenlik hám investiciya ortalıǵın túpten jaqsılaw, artıqsha byurokratiyalıq tosıqlardı saplastırıw, eskirgen zaman talabına cáykes kelmeytuǵın tártip qaǵıydalardı qayta kórip shıǵıp, jetilistiriw barısında bir qansha is-ilájlar ámelge asırılmaqta. Isbilermenlik subektleri iskerligi ushın licenziya, ruxsat beriw qásiyetine iye hújjetlerdi alıw tártipleri elede ápiwayılastırılıp, wákillikli uyımdı xabardar etiwdiń ózi jeterli boldı.
Fizikalıq tárepten salamat, mánáwiy jetik, ǵárezssiz pikirleytuǵın hám zamangóy dúnya qarasqa iye watanımızdıń táǵdiri hám keleshegi ushın juwapkershilikti óz minnetlemesine alatuǵın jas áwladtı tárbiyalap kamalǵa keltiriw ushın mámleketimizde keń kólemli isler alıp barılıwı nátiyjesinde mektepten tısqarı tálim iskerligine talap sezilerli dárejede artpaqta.
Ózbekstan Respublikası Ministrler kabinetiniń 2022-jıl 25-fevral kúngi «Iskerlikti baslaw yaki saplastırıw ushın wákillikli uyımdı xabardar etiw tártibi haqqındaǵı birden bir rejeni tastıyıqlaw haqqında»ǵı 88-sanlı qararına tiykar Mektepten tısqarı tálim iskerligin baslaǵanlıq yaki saplastırılǵanlıq haqqında xabardar qılıw tártibi belgilendi.
Isbilermenlik subekti fizikalıq yaki yuridikalıq shaxs xızmetten paydalanıw ushın orayǵa kelip yaki aralıqtan turıp licenses.uz saytı arqalı wákillikli uyımdı Mektepten tısqarı tálim iskerligin baslaǵanlıǵın xabardar etedi.
Bunıń ushın:
iskerlikti ámelge asırıw mánzili (kadastr nómeri)
bilimimlendiriw baǵdarları, kurslar hám kásipler dizimi;
pedagog kadrlar (sol qatarda sırt el oqıtıwshıları) haqqında maǵlıwmat
maǵlıwmatı diplom yaki sırt elde bilim alǵan hújjetiniń tán alınǵanlıq guwalıǵı,( sertifikatlari PDF nusxasi (IELTS, CEFR, TOEFL IBT);
oqıw rejesi hám dástúri elektron nusqaları;
imarattıń órt óshiriw talaplarına muwapıqlıǵı haqqında mámleketlik órtti baqlaw organı tárepinen berilgen juwmaǵı; (jeke tártiptegi isbilermenler ushın)
imarattıń sanitariya-gigiena normalarına muwapıqlıǵı haqqındaǵı sanitariya-epidemiologiya xızmeti organınıń juwmaǵı; (jeke tártiptegi isbilermenler ushın)
Xabarnama jiberilgenligi ushın BEM 50 payızı muǵdarında jıyım óndiriledi. Xızmet kórsetiw avtomat túrde sol waqıtta xabardar qılınǵanlıǵı haqqında tastıyıqnama alınadı.
Búgingi kúnde jetik kadrlardı tayarlaw jurt rawajı jolında olardıń belsene qatnasın támiyinlew búgingi kúnniń baslı wazıypalarınıń biri esaplanadı.
Nókis qalası ádillik bólimi mámleketlik xızmetler orayı bólim baslıǵı B.Nurlıbekov