Янгиликлар
30
Mámleketlik xızmetleri kórsetiliwi ústinen qadaǵalaw bólimi tárepinen 2022-jıl 11 ayı dawamında ámelge asırılǵan jumıslar.
Qaraqalpaqstan Respublikası Ádillik ministrligi fizikalıq hám yuridikalıq shaxslarǵa mámleketlik xızmetlerin kórsetiw tarawında birden-bir mámleket siyasatın ámelge asırıwıshı uyım esaplanadı.
Sonday-aq, tiykarǵı wazıypaları mámleketlik uyımlar hám basqa shólkemlerdiń olar tárepinen mámleketlik xızmetleri kórsetiwdiń belgilengen tártibin orınlanıwın qadaǵalaw belgilengen.
Búgingi kúnde mámleketlik xızmetler orayı arqalı fizikalıq hám yuridikalıq shaxslarǵa 160 den aslam mámleketlik xızmetler kórsetilip kelinbekte.
Usı jıldıń 11 ayı dawamında Qaraqalpaqstan Respublikasında mámleketlik xızmetler kórsetiw boyınsha jámi 508 mıńnan zıyat múrájatlar kelip túsip wákillikli uyımlar tárepinen kórip shıǵılǵan.
Bul múrájatlardı kórip shıǵıwda mámleketlik xızmetler kórsetiw tártibi hám múddetlerin buzılıwı jaǵdayları anıqlanıp, yaǵnıy ótken dáwir ishinde wákillikli uyımlar tárepinen 3.023 nızambuzıwshılıq jaǵdaylarǵa jol qoyılǵanlıǵı anıqlandı. Bul anıqlanǵan nızambuzıwshılıqlardı saplastırıw hám keleshekte bunday kemshiliklerge jol qoymaw maqsetinde mámleketlik xızmet kórsetiwshi wákillikli uyımlarǵa 18 usınıs kiritilip nátiyjede 28 shaxsqa intizamiy jaza sharası qollanıldı, 90 shaxs eskertildi, 71 lawazımlı hám juwaplı xızmetkerlerge hákimshilik juwapkershilik haqqında kodeksiniń 2155-statyası menen hákimshilik jariyma jazası qollanılǵan.
Qaraqalpaqstan Respublikası Ádillik ministrligi
Mámleketlik xızmetleri kórsetiliwi ústinen
qadaǵalaw bólim bas másláhátshisi R.P.Kudaybergenov