Янгиликлар
30
PHAJ uyımları tárepinen ólimdi dizimge alıw tártibi
Búgingi kúnde puqaralar tárepinen kóp kelip turǵan aktual sorawlardıń biri, Nókis qalası Jańabazar MPJ turǵını puqara M.S.K dan 1986 – jılı tuwılǵan Qadirbergen ismli perzenti boyınsha, Nókis qalası PHAJ bólimi tárepinen tuwılǵanlıq haqqında guwalıǵı bar, bul 3 aylıq kezinde qaytıs bolǵan, leykin usı kúnge shekem balasın ólim haqqında guwalıǵın almaǵan, járdem pul boyınsha múrájáát etse, shanaraq quramında perzenti Qadirbergen bar bolǵanlıǵı sebebli járdem pul berilmegen. Puqara M.S.K sorawı 1986 – jılı tuwılǵan Qadirbergen ismli perzentine ólim haqqında guwalıqtı beriwin soragan.
Siziń sorawıńızǵa Nókis qalası PHAJ bólimi baslıǵı S.Pirnazarova juwap beredi.
Nókis qalası Jańabazar MPJ turǵını puqara M.S.K dan 1986 – jılı tuwılǵan Qadirbergen ismli perzentińizdiń ólimi PHAJ bólimi tárepinen usı kúnge shekem dizimge alınbaǵan bolsa, dizimge alıw ushın tómendegilerdi málim etip bildiredi.
Ózbekstan Respublikası Ministrler Kabinetiniń 2016-jıl 14 noyabr 387-sanlı qararına tiykar «Puqaralıq halatı akt jazıwların dizimge alıw» Qaǵiydasınıń 122-bándinde “Ólimdi dizimge alıw haqqındaǵı arza ólim haqqındaǵı meditsina guwalıǵı berilgennen keyin 3 kúnnen keshiktirilmesten beriliwi kerek. Ólimdi dizimge alıw haqqında marhumnıń aǵayinleri hám jaqın aǵayinleri, sonday-aq medicina birlespesi jámááti múrájat etiwleri múmkin, olar ólim haqqındaǵı meditsina guwalıǵı hám marhumnıń shaxsın tastıyıqlawshı hujjetleri usınıladı” dep kórsetilgen.
Ózbekstan Respublikası Ádillik Ministrliginiń 2013-jıl 31-dekabr kúngi 2547-sanlı buyrıǵınıń “Puqaralıq halatı akt jazıw organlarında is júrgiziw tártibi haqqındaǵı” Qollanbanıń 112 ”Ólimin dizimge alıw ólim haqqındaǵı medicinalıq guwalıq yamasa sudtıń ólgenligi haqqında biyligine tiykar ámelge asırıladı”. 115-bándinde “Ólim haqqındaǵı medicina guwalıǵı berilgen waqıttan baslap úsh kunnen keyin, biraq bir jıl ishinde múrájaat etilgende, ólim marhumnıń aqırǵı jasaw jeri yaki ólim waqıya bolǵan jerdegi PHAJ organı tárepinen dizimge alınadı. Bunda PHAJ organı qaytıs bolǵan shaxstıń ólim waqıya bolgan jerdegi tiyisli PHAJ organınan oǵan ólim haqqındaǵı akt jazıwları dizimge alınbaǵanlıǵın anıqlawı lazım”dep kórsetilgen.
Nókis qalası Jańabazar MPJ turǵını puqara M.S.K birinshi másele jergilikli medicina birlespesine múrájáát etip, perzentińizdiń ólim haqqındaǵı meditsina guwalıǵı bar bolsa PHAJ bólimine kelesiz, egerde ólim haqqındaǵı meditsina guwalıǵı bolmasa, Puqaralıq sudına ólim faktin belgilew boyınsha múrájáát etesiz, sud tárepinen ólim faktin belgilew haqqında biyligi qabıl etkennen soń PHAJ bólimine múrájáát etesiz, PHAJ bólimi sud tárepinen ólim faktin belgilew haqqında biyligine tiykar perzentińiz Qadirbergenniń ólimin dizimge alıp, ólim haqqında ǵuwalıǵın beredi.
Pirnazarova Saltanat Nókis qalalıq PHAJ bólimi baslıǵı.