Янгиликлар
28
Korrupciya jámiyet rawajlaniwindaǵı tosıq
Búgingi kúnde mámleketimiz tárepinen jámiyetimiz rawajlanıwı joliında bir qansha
is-ilájlar, insan qádiri ushın hám puqaralardıń máplerin gózlegen joybarlar jáne de qarar
hám nızamlar islep shıǵılgan. Mine solardan biri mámleketimizde keyingi jıllarda
korrupciyaǵa qarsı gúresiw tarawında áhmiyetli, huqıqıy reformalar ámelge asırılmaqta. Halıqtıń huqıqıy sanasın hám huqıqıy mádeniyatın asırıwǵa, jámiyette korrupciyaǵa qarsı
múnásibetti payda etiwge baǵdarlanǵan sistemalı ilájlar kórilip atır. Ayrıqsha misal etip
aytatuǵın bolsaq, mámleketimizde sońǵı 5 jıl dawamında mámleket hám jámiyet qurılısınıń
barlıq tarawlarında korrupciogen faktorlarǵa shek qoyıwǵa qaratılǵan 80 nen artıq,
sonnan tikkeley korrupciyaǵa qarsı gúresiw tarawın tártipke salıwshı 10 nan ziyat normativ-huqıqıy hújjetler qabıl etilgen. Sonday-aq, « Korrupciyaǵa qarsı gúresiw haqqında » ǵı
Ózbekstan Respublikası Nizamı qabıl etilip, onda korrupciyaǵa qarsı gúresiw
tarawındaǵı mámlelet siyasatınıń eń joqarǵı jónelisleri belgilep berildi. Korrupciyaǵa qarsı gúresiw boyınsha mámleketlik dástúrlerdi qabıl etiw arqalı usı jóneliste ámelge
asırılıwı lazım bolǵan is-rejeler hár jılı belgilep alıw ámeliyatı usınıldı. Korrupciyaǵa
tiyisli huqıqbuzarlıqlar haqqında xabar bergen yamasa korrupciyaǵa qarsı gúresiwge
basqasha tárizde kómeklesken shaxslardı xoshemetlew mexanizmi engizildi.
Juwmaqlastırılıp aytqanda, mámleketimizdiń erkin hám abat turmısına saya salıwshı korrupciyaǵa qarsı jánede jedel gúresiw talap etiledi. Bul baǵdarda reformalar ele de dawam etedi, sebebi olardıń tiykarǵı maqseti elimizde jasap atırǵan hár bir puqaranıń huqıq hám erkinliklerin tolıq támiylenlew hám demokratiyalıq huqıqıy mámleketti qurıwdan ibarat.
Seytjanova Jupar Turganbayevna- Qanlíkól rayoní Ádillik bólimi PHAJ bólimi 1-dárejeli inspektorí