Янгиликлар
29
Mámleketlik xızmetler kórsetiwde kimlerge jeńillikler bar
Búgingi kúnde Mámleketlik xızmetler kórsetiwde ayrım shaxslarǵa jeńillikler belgilep berildi. Atap aytqanda, Ózbekstan Respublikası Ministrler Kabiynetiniń 2018-jıl 28-marttaǵı 244-sanlı qararına muwapıq balalardı mámleketlik mektepke shekemgi bilimlendiriw mákemelerine qabıllawda balalardıń tómendegi kontingenti sorawnamaları jeńillikli dizimge kiritiledi:
I hám II topar mayıplıǵı bolǵan shaxslardıń balaları;
Kóp balalı shańaraqlardıń balaları;
Jetim balalar yamasa ata-anasınıń qarawısız qalǵan balalar;
“Hayallar dápteri”ne kiritilgen sociallıq qorǵawǵa mútáj jalǵız hayallardıń balaları;
Kontrakt boyınsha áskeriy xizmetkerlerdiń hám ishki isler uyımları xızmetkerleriniń balaları;
Studentler hám pedagoglardıń balaları;
Aǵaları yamasa apaları sol shólkemniń tárbiyalanıwshıları qatarınan bolǵan balalar;
Kóp tarmaqlı qánigelestirilgen mektepge shekemgi shólkemlerden ulıwma túrdegi mektepge shekemgi shólkemlerge ótkerilip atırǵan tawır bolǵan balalar.
Ózbekstan Respublikası Prezidentiniń 24.07. 2021-jıldaǵı “Mámleket xızmetlerin kórsetiw infradúzilmesin jetilistiriw hám xalıqtıń mámleket xızmetlerinen paydalanıw múmkinshiliklerin keńeytiw ilajları haqqında”ǵı PP-6269-sanlı Pármanında 2021-jıl 1-noyabrden baslap “Social qorǵaw birden-bir reyestri” informaciya sistemasında dizimge alınǵan shaxslarǵa, sonıń menen birge, I hám II topar mayıplılıǵı bolǵan shaxslarǵa mámleket xızmetlerin kórsetiw orayları hám Birden-bir ınteraktiv mámleket xızmetleri portalı (YIDXP) arqalı mámleket xızmetlerin kórsetiwde nızamshılıq hújjetlerinde belgilengen mámleket bajıları, jıyımlar hám basqa hár qanday tólemler boyınsha 50 payız muǵdarında shegirme qollanıladı.
Moynaq rayonı yuridikalıq
xizmet kórsetiw orayı
bas yuriskonsultı Q.Reymov