Янгиликлар
15
Korrupciyaǵa birgelikte gúresemiz.
Mámleketimizdiń keleshegin hám abıray itibarın qádirleytuǵın hár bir hújdanlı puqara korrupciyanıń zıyanlı aqıbetlerin bárhámá este tutıwı hám oǵan qarsı gúresiwi shárt. Korrupciyaǵa qarsı gúresiw hár bir puqaranıń, ishki ruhıy tárbiyasına hám isenimine aylanıwı kerek. Nızam talaplarınıń tolıq ámelge asırılıwı mámleketimizde xalıqtıń turmıs párawanlıǵın asırıwǵa, rawajlanıw jolındaǵı tosıqlardı joq qılıwǵa xızmet etedi.
Korrupciyanıń huquqıy sebepleri haqqında toqtalǵanda, onıń rawajlanıwı mámlekettegi nızamlardıń sapasına baylanıslı bolıp, quramalı bolmaǵan nızamlar islemeydi hám korrupciyaǵa beyim bolǵan shaxslar bunnan jaqsı paydalanıp qalıwǵa umtıladı. Korrupciyanıń sociallıq sebeplerine jámiyette xalıqtıń huquqıy bilim hám mádeniyatınıń, ruwxıylıǵınıń pás dárejede ekenligi, diniy-ruhıy sawatsızlıǵı, birlesiw hám jámiyetshiliktegi iskerliktiń jetispewshiligi kiredi. Mámleket tárepinen durıs hám ádil qararlar qabıl etilse, sociallıq qorǵaw kúsheytirilse, xalıq páráwanlıǵın asırılsa, mámlekette investiciya ortılıǵın jaqsılaw barısında strategiyalıq wazıypalar sheshilse xalıqtıń jámiyette ádillik bar ekenligine isenim artadı. Eger onıń kerisi bolsa, adamlar arasında narazılıq hám húkimetke qarata issenimsizlik júzege keledi. Korrupciya sonday illet, onı bir yaki eki mákemeniń say-háreketi menen joq etip bolmaydı. Qashan barshe puqaralarımız, jámiyetimiz oǵan qarsı birgelikte gúresip, onıń túp-tamırların joq etiwge kirisse ǵana unamlı nátiyjege erisiliwi múmkin.
Sońǵı jıllarda mámleketimizde korrupciyaǵa qarsı gúresiw boyınsha keń kólemli reformalar ámelge asırılmaqta. Atap aytqanda, 2017-jıl 3-yanvarda Ózbekstan Respublikasınıń «Korrupciyaǵa qarsı gúresiw haqqında»ǵı Nızamı qabıl etildi, sonday-aq, jámiyet hám mámleket turmısınıń barlıq tarawlarında korrupciyanıń aldın alıw hám oǵan qarsı gúresiwge qaratılǵan mámleket siyasatınıń nátiyjeliligin arttırıw maqsetinde Ózbekstan Respublikası Korrupciyaǵa qarsı gúresiw agentligi shólkemlestirilip, onın tiykarǵı wazıypa hám iskerliginiń baǵdarları belgilep berildi. Ámelge asırılǵan reformalar mámleketimizde korrupciyaǵa qarsı gúresiw baǵdarında ámelge asırılıp atırǵan jumıslar nátiyjeligin jańa baskıshqa kótereri sózsiz. Bir sóz benen aytqanda «Hadallıq vakcinası» túsinigi payda boldı.
Mámleket taǵdiri, onın ósip-rawajlanıwı, párawan keleshekke biyparıq bolmaǵan hár bir insan bul illetke qarsı gúresiwge bel baylawı kerek, bul bolsa hár birimizdiń insanıylıq minnetimiz bolıp tabıladı.
Kegeyli rayonı ádillik bólimi
PHAJ bólimi baslıǵı I.Erjanova