Янгиликлар
20
Jaramsız jaǵdayǵa kelgen yamasa joǵalǵan miynet dáptershesindegi jazıwlardı tastıyıqlaw boyınsha mámleketlik xızmetin kórsetiw tártibin bilesizbe?
Ózbekstan Respublikası ministrler Kabinetiniń 23.09.2021-jıldaǵı «Arxiv jumısı hám jumıs júrgiziw salasında mámleket xızmetlerin kórsetiwdiń ayırım basqarıw reglamentların tastıyıqlaw tuwrısında"gi 597-sanlı Sheshimi menen Jaramsız jaǵdayǵa kelgen yamasa joǵaltılǵan miynet dáptershesindegi jazıwlardı tastıyıqlaw boyınsha mámleket xızmeti kórsetiwdiń Basqarıw reglamentı qabıl etilgen.
Usı Reglament fizikalıq shaxslarǵa yamasa olardıń jaqın tuwısqanlarına (kúyewi yamasa hayalı, perzentleri, aqlıqları, aǵa – inileri hám apa – qarındasları) jaramsız jaǵdayǵa kelgen yamasa joǵaltılǵan miynet dáptershesindegi mámleketlik arxivlarında saqlanıp atırǵan shólkemler boyınsha jazıwlardı tastıyıqlaw boyınsha mámleketlik xızmetin kórsetiw rejimin belgileydi.
Arza beriwshiler bul mámleketlik xızmetinen paydalanıw ushın Mámleketlik xızmetler orayına ózi kelip múrájat etiwi yamasa mámleketlik xızmetlerinen aralıqtan turıp elektron formada BBIXP arqalı paydalanıwı múmkin.
Mámleketlik xızmeti kórsetilgenligi ushın jaramsız jaǵdayǵa kelgen yamasa joǵalǵan miynet dáptershesindegi 1 shólkem degi jumısqa kirgen hám jumıstan bosaǵanlıǵı boyınsha jazıwlardı tastıyıqlaw ushın bazalıq esaplaw muǵdarınıń
0, 08 esesi muǵdarında jıyım óndiriledi.
Arza iyesi mámleketlik xızmetinen paydalanıwdan onı kórsetiwdiń hár qanday basqıshında bas tartıw huqıqına iye. Arza beriwshi mámleketlik xızmetinen paydalanıwdan bas tartqanda, onıń sorawnaması kórip shıǵılmaydı. Bunda mámleketlik xızmeti kórsetilgeni ushın tólew summası qaytarılmaydı.
Arza iyesi mámleketlik xızmetler orayına kelip múrájat etken táǵdirde, onıń sorawnaması mámleketlik xızmetler orayı xızmetkeri tárepinen toltırılıp, arza iyesi tárepinen tastıyıqlanǵannan keyin 10 minut dawamında, BBIXP arqalı múrájat etkende, avtomatikalıq tárizde tiyisli mámleket arxivına elektron formada jiberiledi.
Sorawnamada soralıp atırǵan mákemeler hújjetleri tiyisli mámleket arxivında bolmasa, sorawnamanı qabıl etken mámleketlik arxivı bir jumıs kúni dawamında tiyisli maǵlıwmat saqlanıp atırǵan mámleketlik arxivın anıqlaydı (mákemeler hújjetleri basqa arxivda bolmaǵan jaǵdaylardan tısqarı) hám sorawnamanı tiyisliligi boyınsha mámleket arxivlarına jiberedi.
Tiyisli mámleketlik arxivı sorawnama túsken waqıttan baslap joǵaltılǵan miynet dáptershesindegi jazıwlardı tastıyıqlawǵa tiyisli málimlemeler ushın 20 jumıs kúninen aspaǵan múddette tiyisli QR-kodlı málimlemeni qáliplestiredi hám de (ózi kelip múrájat etken táǵdirde) tiyisli mámleketlik xızmetler orayına yamasa (elektron formada múrájat etken táǵdirde) BBIXP arqalı elektron formada arza iyesine jiberedi.
Bunda tólengen jıyım, eger bar bolsa, bank xızmeti tólmin ayirǵan halda, sorawnamanı qabıl etken arxivtan sorawnamanı orınlaǵan arxivqa ótkeriledi.
Sorawnama arxiv hújjetleri tiykarında kórip shıǵılıp, tiyisli maǵlıwmat anıqlanbaǵan táǵdirde, tólenilgen jıyım muǵdarı arza iyesine qaytarılmaydı.
Mámleketlik xızmetler orayı málimleme túskennen keyin 10 minut ishinde onı arza iyesiniń elektron mánziline jiberedi hámde onı bul haqqında informacion-kommunikaciya sisteması arqalı xabarldar etedi.
Arza iyesi mámleketlik xızmetler orayına kelip múrájat etken táǵdirde, onıń sorawına kóre mámleketlik xızmetler orayı oǵan málimlemeni elektron yamasa qaǵaz formasında usınıwı múmkin.
Mámleketlik xızmetler orayları hám mámleketlik arxivları óz iskerligin ámelge asırıwı nátiyjesinde alınǵan maǵlıwmatlardıń sır saqlanıwın támiyinleydi.
Arza iyesi mámleketlik shólkemleri hám basqa shólkemler xızmetkerleriniń ádep-ikramlılı normalarına ámel etiwi boyınsha nızam hújjetlerinde belgilengen tártipte shaǵım etiwi múmkin.
Usı Reglament talaplarınıń buzılıwında ayıplı bolǵan shaxslar nızam hújjetlerinde belgilengen tártipte juwapker boladı.
Qaraqalpaqstan Respublikası Ádillik
ministrligi másláhátshisi
N.A.Kalimbetov