Янгиликлар
11
Jer uchastkaların kompensaciya esesine jámiyet mútátijlikleri ushın alıp qoyıw tártip qaǵıydaları.
Mámleketimizde aqırǵı waqıtlarda puqaralarǵa hám isbilermenlik subektlerine tiyisli bolǵan jer uchastkaların alıp qoyıwdı tártipke salıw boyınsha bir qansha normativ-huqıqıy hújjetler qabıl etildi.
Bunda hár bir normativ hújjettiń qabıl etiliwi menen jer uchastkaların alıp qoyıwdıń tártibi qıyınlastırılıp barıldı hám nátiyjede «snos»lardıń azayıwına alıp kelindi.
Bunı biz ministrlikke usı máselede kelip túsken múrájatlardanda biliwimiz múmkin. Sebebi ministrlikke 2019-jılda jer uchastkaları alıp qoyılǵanlıǵınan narazı bolıp puqaralardan 50 den aslam múrájatlar kelip túsken bolsa, 2020-jılda 6 múrájat hám
2021-2022-jıllar dawamında puqaralardan bar joǵı 6 múrájat kelip tústi.
Bul óz náwbetinde, bul tarawdı tártipke salıw boyınsha qabıl etilip atırǵan normativ hújjetler xalqımızǵa paydalı bolıp atırǵanlıǵınan derek beredi.
Endi bul tarawdı tártipke salıw boyınsha eń tiykarǵı hám eń aqırǵı qabıl etilgen normativ-huqıqıy hújjet bul «Jer uchastkaların kompensaciya esesine jámiyetlik mútájlikler ushın alıp qoyıw tártip-qaǵıydaları haqqında»ǵı Ɵzbekstan Respublikasınıń Nızam bolıp esaplanadı.
Bul Nızam 7 bap, 42-statyadan ibarat bolıp, 2022-jıl
29-iyunda qabıl etildi.
Nızamnıń maqseti, fizikalıq hám yuridikalıq shaxslarǵa miyras etip qaldırılatuǵın ómirlik iyelik etiw, turaqlı iyelik etiw, turaqlı paydalanıw, múddetli (waqtınsha) paydalanıw yamasa ijara huqıqı tiykarında tiyisli bolǵan jer uchastkaların yamasa olardıń bólimlerin kompensaciya esesine jámiyetlik mútájlikler ushın alıp qoyıw tártip-qaǵıydaların belgilewden ibarat.
Nızamǵa muwapıq, jer uchastkaların tómendegi maqsetlerde kompensaciya esesine alıp qoyıw jámiyetlik mútájlikler dep tán alınadı:
- qorǵaw hám mámleket qáwipsizligi, qorǵalatuǵın tábiy aymaqlar mútajlikleri, erkin ekonomikalıq zonalardı, erkin sawda zonaların shólkemlestiriw hám olardıń iskerlik kórsetiwi ushın jerler beriw;
-xalıq aralıq shártnamalardan kelip shıǵatuǵın minnetlemelerdi orınlaw;
- paydalı qazılma kánlerin qıdırıw hám qazıp alıw (bunnan keń tarqalǵan paydalı qazılmalar kánlerinen tısqarı);
- Respublika hámde jergilikli áhmiyetke iye avtomobil hám temir jollardı, aeroportlardı, aerodromlardı, aeronavigaciya obektlerin hámde aviatexnika orayların, temir jol transportı obektlerin, kópirler, metropolitenler, tunnellerdi, energetika hám baylanıs sistemasınıń injenerlik obektleri hámde tarmaqların, kosmik iskerlik obektlerin, magistral trubalardı, injenerlik-kommunikaciya tarmaqların, irrigaciya hám melioraciya sistemaların qurıw (rekonstruktsiya qılıw);
-tastıyıqlanǵan xalıq elatlı punktleri bas rejeleriniń obektlerin Mámleket byudjeti qarjıları esabınan qurıwǵa tiyisli bólimin orınlaw;
-mámleketlik investiciya dástúrlerinde kórsetilgen mámleketlik bilimlendiriw, den-sawlıqtı saqlaw, mádeniyat hám medicinalıq-sociallık xızmet kórsetiw mákemeleriniń imáratların oraylastırılǵan investiciyalar esabınan qurıw názerde tutılǵan joybarlardı ámelge asırıw.
Nızamǵa tiykar, alıp qoyılǵan jer uchastkasında jaylasqan kóshpes múlk obektleri kompensaciyalar tolıq kólemde berilgennnen keyin tolıq bosatılǵanǵa shekem kommunikaciya tarmaqlarınan úzip qoyılıwı múmkin emes.
Alıp qoyılǵan jer uchastkasında jaylasqan kóshpes múlk obektleri kompensaciyalar tolıq kólemde berilgeninen keyin altı ay ishinde bosatılmaǵan taǵdirde, baslamashı májbúriy kóshiriw haqqındaǵı dawa menen sudqa múrájat qılıwǵa haqlı.
Usı Nızam 2022-jıl 1-oktyabr kúninen baslap óz kúshine kirdi.
Hukıqtı qollaw ámeliyatın
úyreniw bólimi aǵa másláhátshisi
Z.Bazarbaeva