Янгиликлар
01
Xalıqtıń sociallıq qorǵawǵa mútáj qatlamı ushın qanday jeńillikler bar?
Sońǵı jıllarda mámleketimizde kóplegen reformalar ózgerisler bolıp, bárshe reformalar Insan qádiri ushın ideyası tiykarında ámelge asırılmaqta.
Xalıqtıń sociallıq qorǵawǵa mútaj qatlamlarına “Temir dápter” “Hayallar dápteri” “Jaslar dápteri” tiykarında járdem beriw hámde qollap-quwwatlaw ámeliyatı jólǵa qoyılǵan.
Nızamshılıqtaǵı jańalıqlarǵa názer taslasaq basım kópshilik qabıl etilip atırǵan janá nızam hújjetleri hám nızamshılıqqa kiritilip atırǵan ózgeris `ham qosımshalarda insan qádiri puqaralar huqıqlarınıń ústinligi prinsiplerine tiykarlanbaqta.
Xalıqtıń sociallıq qorǵawǵa mútáj qatlamı ushın qanday jeńillikler bar?
Atap aytqanda Ózbekstan Respublikası Prezidentiniń 2022-jıl 17-fevraldaǵı 74-sanlı Pármanında ózgeler kútimine mútáj mayıplıǵı bolǵan 18 jasqa shekem balanıń kútimi menen bánt bolǵan nızamlı wákiline napaqa tóleniwi belgilengen. Napaqa tóleminiń muǵdarı 500 000 sumdı quraydı. Mayıplıǵı bolǵan hayal-qızlardı jumısqa alǵanlarǵa subsidiya beriledi.
“Hayal-qızlardı kásip-óner hám isbilermenlikke oqıtıw sistemasın jetilistiriwge baylanıslı qosımsha ilajlar haqqında”ǵı Prezident qararı (PQ–329-san, 22.07.2022-j.) qabıl etildi. Qararǵa kóre, jaslar hám hayal-qızlar ushın kásip-óner hám isbilermenlik boyınsha oqıw kursları qárejetiniń 70 procenti, biraq 1 mln sumnan aspaǵan bólegi kompensaciya qılıp beriledi. Hayallar dápteri”, “Jaslar dápteri” hám “Temir dápter”ge kirgizilgen jaslar hám hayal-qızlar kásip-ónerge, isbilermenlikke Biznes hám isbilermenlik joqarı mektebinde tolıq biypul oqıtıladı. Oqıw kursların juwmaqlaǵan jumıssız hayal-qızlar Bántlik hám miynet qatnasıqları ministrligi tárepinen bar bolǵan bos jumıs orınlarına jaylastırıladı. Miynetke uqıplı, mayıplıǵı bolǵan hayal-qızlardı jumıs penen támiyinlegen jumıs beriwshiler ushın 6 ay dawamında hár ayda BEMnıń 2 esesi (600 mıń sum)nen kem bolmaǵan muǵdarda subsidiya ajıratıladı.
2022 jil 1-avgustten Ministrler Kabinetiniń qararı menen mayıplıǵı bolǵan jaslarǵa subsidiya ajıratıwdıń hákimshilik reglamentleri tastıyıqlanǵan. Reglamentke tiykar, mayıplıǵı bolǵan jaslarǵa mámleketlik emes oqıw orınlarında kásip-óner, programmalastırıw, ulıwma bilimlendiriw pánleri hám shet tillerdi úyretiw, zárúr jaǵdaylarda jasaw hám transport qárejetlerin qaplaw ushın BEMnıń 50 esesine shekem (15 mln swmǵa shekem) subsidiya ajıratıladı.Subsidiya alıw ushın arzalar usı jıl ushın - 2022-jıl 1-avgusttan, 2023-jıldan baslap hár jılı - 10-yanvardan qabıl etiledi.
“Joqarı, orta arnawlı hám professional bilimlendiriw shólkemlerinde hayal-qızlardıń tálim alıwın qollap-quwatlawǵa baylanıslı ilajlar haqqında”ǵı Prezident qararı (PQ–323-san, 18.07.2022-j.) qabıl etildi.
Qararǵa kóre:
tálim kreditleri 14 procent stavkada ajıratıladı;
tálim kreditiniń tiykarǵı bólegi studenttiń rásmiy oqıw múddeti tamamlanǵannan keyin jetinshi aydan baslap 7 jıl dawamında qaytarıladı;
tálim kreditin rásmiylestiriwde hám onıń qaytarılıwında studenttiń turaqlı dáramat deregine iye bolǵan shańaraq aǵzaları hám basqa úshinshi shaxs birgelikte qarız alıwshı sıpatında qatnasıwǵa ruqsat etiledi;
Sociallıq qorǵaw birden-bir reestri”ne kirgen shańaraqlardıń hayal-qızlarına ajıratılatuǵın tálim kreditleri ushın girew hám kepillikler talap etilmeydi.
Tálim krediti boyınsha procent stavkaları Tálim kreditin finanslastırıw qorı tárepinen sóndiriledi.
Húkimet qararı (341-san, 21.06.2022-j.) menen mayıplıǵı bolǵan jaslarǵa oqıw, jasaw hám transport qárejetlerin qaplaw ushın subsidiya ajıratıwdıń hákimshilik reglamenti tastıyıqlandı
Reglamentke kóre, mayıplıǵı bolǵan jaslarǵa mámleketlik emes bilimlendiriw shólkemlerinde kásip-óner, programmalastırıw, ulıwma bilimlendiriw pánleri hám shet tillerdi úyretiw, zárúr jaǵdaylarda jasaw hám transport qárejetlerin qaplaw ushın BEMnıń 50 esesine shekem (15 mln sumǵa shekem) subsidiya ajıratıladı.
Subsidiya alıw ushın qálegen mámleketlik xızmetleri orayına múrájat etiledi yaki Birden-bir interaktiv mámleketlik xızmetler portalı (BIMXP) (https://my.gov.uz/uz) arqalı mámleketlik xızmetinen elektron tarizde paydalanıw ushın dizimnen ótiledi.
Mámleketlik xızmet pulsız kórsetiledi.
Húkimet qararı menen sonday-aq, Mayıplıǵı bolǵan jaslarǵa áspab-úskeneler hám miynet quralların satıp alıw subsidiya ajıratıwdıń hákimshilik reglamenti de tastıyıqlandı.
Sonday-aq, nızamshılıqqa tiykar, Hayallar dápteri”ne kiritilgen háyal-qızlardıń erjetpegen (qarawında I topar mayıplıǵı bolǵan perzentleriniń jasınan ǵárezsiz túrde) perzentlerine emlew, dári darmaqların alıp beriw yamasa quramalı xirurgiyalıq ámeliyatları ushın BEMnıń 100 esesine shekem múǵdardaǵı qárejetler “Hayallar dápteri” fondı esabınan tólep beriledi.
Bunda dári-dármaq alıp beriw ushın BEMnıń 20 esesine shekem hámde quramalı xirurgiyalıq ámeliyatları ushın BEMnıń 100 esesine shekem múǵdardaǵı qárejetler “Hayallar dápteri” fondı esabınan tólep beriledi.
Juwmaqlap aytqanda joqarıdaǵılardan tısqarı xalıqtıń sociallıq qorǵawǵa mútáj qatlamları ushın kóplegen jeńillikler hámde imtiyazlar bar bolıp, bul tarawda jumıslar elede jetilistıriledi dep oylaymız.
Qanlıkól rayonı ádillik bólimi
Insan huqıqların qorǵaw hám huqıqtı qollaw
ámeliyatın úyreniw bólimshesi
bas másláhátshisi,
2-dárejeli yurist B.Matjanova