Янгиликлар
31
Bir múrájat izinen
2007-jıl 9-oktyabr kúni Amudarya rayonında tuwılǵan Otızbay 15 jasına tolaman degeninshe shaxsın tastıyıqlawshı hújetisiz jasap kelgen.
Otızbaydıń ákesi Ózbekstan Respublikası puqarası al anası PBSh bolıp 2005 jıldan berli birgelikte jasap kelgen. Áke ómirlik joldasınıń shaxsın tastıyıqlawshı hújjeti bolmaǵanlıǵı sebepli nızamlı nekeden óte almastan sháriy neke tiykarında turmıs qurıp, 2007-jılı 9-oktyabr kúni anası Otızbaydı úy sharayatında dúnyaǵa keltirgen. Ata-ananıń huqıqıy bilimsizligi, nızam hújjetleri hám onıń talap hámde tártibin bilmegenligi sebepli balası Otızbay rásmiy hújjetlerge iye bolmastan ósken.
Bilimlendiriw mektebi tárepinen qoyılǵan nızamshılıq talabı Otızbaydıń ata-anasın Amudárya rayonı Ádillik bólimi PHAJ bólimine múrájat etiwge sebep bolǵan. Ádillik bóliminiń juwapker qánigeleri tárepinen Otızbaydıń mápin gózlep rayonlıq Puqaralıq isleri boyınsha sudına dawa arzası kiritilgen hámde, kórilgen ámeliy jumıslar nátiyjesinde sudtıń sol anadan tuwılǵanlıq faktin tastıyıqlaw haqqındaǵı hal qılıw qararı shıǵarılıp dawa qanaatlandırılǵan.
Sud qararına tiykar Otızbayǵa aradan 15 jıl ótkennen soń tuwılǵanlıq haqqında guwalıq rásmiylestirildi.
Sonıda ayırıqsha atap ótiw kerek endi Otızbay teńlesleri qatarı puqaralıq pasportın alıp joqarı oıw orınlarına tapsırıp bilim alıw hám óz huqıqlarınan tolıq paydalanıw imkániyatına iye boldı.
Usı orında puqaralarımızǵa ESLETPE! Shańaraq kodeksi talabına tiykar tuwılǵanlıqtı dizimge alıw májbúriy bolıp, puqaralar bala dúnyaǵa kelgennen baslap, ol mediciynalıq mekemede bolsın yaki úy sháráyatında tuwılǵan bolıwına qaramastan 1 ay múddet ishinde PHAJ organlarına múrájat etiwi shárt.
Belgilengen múddetten ótip ketkenligi tuwılǵanlıqtı dizimge alıwǵa tosqınlıq etpeydi. Belgilep berilgen háreketler boyınsha tiyisli guwalıqlardı puqaralarǵa usınıw ushın nızamshılıqqa tiykar PHAJ bólimi juwapker sanaladı.
Jámiyetshilik penen baylanıslar bólimi.