Янгиликлар
31
Mámleketlik emes notarial iskerligin licenziyalaw tártibi qanday?
Ózbekstan Respublikası Prezidentiniń “Ózbekstan Respublikasında notariat sistemasın túpten reformalaw is-ilájları haqqında”ǵı 2019-jıl 9-sentyabrdegi PF-5816-sanlı Pármanına muwapıq, Ózbekstan Respublikası Ministrler Kabinetiniń 2020-jıl 16-martta “Mámleketlik emes notarial iskerlikti tártipke salıwshı normativ-huqıqıy hújjetlerdi tastıyıqlaw haqqında”ǵı 156-sanlı qararı qabıl etilgen edi.
Hákimshilik reglament fizikalıq shaxslarǵa jeke notarial iskerlikti licenziyalaw boyınsha mámleketlik xızmetti kórsetiw tártibin belgileydi.
Licenziya alıw ushın talapker jigirma bes jastan kishi hám alpıs bes jastan joqarı bolmawı, joqarı yuridikalıq maǵlıwmatqa, yuridikalıq qániygelik boyınsha keminde úsh jıllıq is stajına iye bolıwı, sonday-aq, notarial keńsede keminde bir jıl stajirovka ótegen bolıwı hámde dáreje sınaǵın tapsırıwı shárt.
Sudıyalıq lawazımında keminde bes jıl islegen yamasa notarius járdemshisi yamasa ádillik organlarınıń notarial iskerligine basshılıq qılıw hám usı iskerlikti baqlaw menen baylanıslı lawazımlarda keminde úsh jıl islegen shaxslar stajirovkadan ótpesten tájiriybe sınaǵında qatnasıwǵa xaqlı.
Súristúriwshi, tergewshi, prokuror, ádillik organlarınıń basqarıw xızmetkeri (notarial iskerlikke basshılıq qılıw hám usı iskerlikti baqlaw menen baylanıslı bolmaǵan) yamasa advokat sıpatında keminde úsh jıl islegen, biraq wákillik múddeti tamamlanǵan waqıttan baslap bes jıl ótpegen shaxslar altı ay stajirovka óteydi.
Talapker ózi kelip múrájaat etken jaǵdayda, Mámleketlik xızmetler orayı xızmetkeri arza beriwshi atınan, usı reglamentke muwapıq sorawnamanı elektron túrde toltıradı.
Sorawnamaǵa tómendegi hújjetler elektron túrde qosımsha etiledi:
Joqarı maǵlıwmat haqqındaǵı diplom yamasa wákillikli mámleketlik organınıń sırt el bilimlendiriw shólkeminde alınǵan joqarı maǵlıwmat haqqındaǵı hújjettiń nostrifikaciyalaw (ekvivalentligin dizimge alıw) haqqındaǵı guwalıǵı nusqası;
Miynet dáptershesiniń tastıyıqlanǵan nuskası yamasa yuridikalık qániygelik boyınsha is stajın tastıyıqlawshı “Elektron miynet dáptershesi” sistemasınan kóshirme.
Mámleketlik xızmetti kórsetiw ushın bazalık esaplaw muǵdarınıń yarım esesi muǵdarında jıyım óndiriledi.
Eger sorawnamada nadurıs maǵlıwmatlar kórsetilgen yamasa tiyisli hújjetler tolıq tapsırılmaǵan bolsa, licenziyalawshı organ kemshiliklerdi saplastırıw ushın talapkerge on bes kún múddet beredi.
Komissiya on bes jumıs kúnine shekem bolǵan múddette sorawnamada kórsetilgen maǵlıwmatlardı úyrenip shıǵadı.
Úypeniw nátiyjelerine kóre, talapkerdiń tájiriybe sınaǵında qatnasıwı usı Reglament talaplarına muwapıq dep tabılǵanda, komissiya isshi organı tárepinen bul haqqında juwmaq dúziledi hám ol komissiya baslıǵı tárepinen tastıyıqlanadı.
Juwmaq komissiya baslıǵı tárepinen tastıyıqlanǵannan soń bir jumıs kúni ishinde juwapker xatker tárepinen ózi múráját etken jaǵdayda Mámleketlik xızmetler orayına yamasa elektron túrde múrájaat etken jaǵdayda Birden-bir interaktiv mámleketlik xızmetler portalı arqalı talapkerge jiberiledi.
Tájiriybe sınaǵı talapkeriń tájiriybe sınaǵında qatnasıwı maqsetke muwapıq dep tabılǵan juwmaq tastıyıqlanǵan kúnnen baslap bes kúnnen soń, biraq on bes kúnnen keshiktirmey ótkeriledi.
Tájiriybe sınaǵı kúni hám ótkeriw ornı haqkında talapker tájiriybe sınaǵı ótkeriletuǵın kúnnen keminde bes kún aldın xabardar etiledi.
Tájiriybe sınaǵı ótkeriw kúni hám ornı tájiriybe sınaǵı ótkeriliwinen keminde bes kún aldın Ádillik ministrliginiń rásmiy veb-saytında daǵaza qılınadı.
Tájiriybe sınaǵında alınıwı múmkin bolǵan eń joqarı balldıń eliw bes payızınan joqarı ball toplaǵan talapker tájiriybe sınaǵın nátiyjeli tapsırǵan dep tabıladı.
Tájiriybe sınaǵın nátiyjeli tapsırmaǵan yamasa onda úzirsiz sebeplerge kóre qatnaspaǵan yamasa onnan shetlestirilgen talapkerler tájiriybe sınaǵı ótkerilgen sáneden altı ay ótkennen soń tájiriybe sınaǵında qayta qatnasıwǵa jol qoyıladı.
Komissiya sınak nátiyjeleri boyınsha, sınaq qabıl qılınǵan kúnniń ózinde, nátiyjeleri belgili bolǵannan soń qarar qabıl etiledi.
Tájiriybe sınaǵın nátiyjeli tapsırǵan talapker komissiya májlisinde ant qabıl qıladı hám talapker haqkındaǵı maǵlıwmatlar, ant qabıl qılınǵan sáne hám ornı bayan etilgen tiyisli hújjetke qol qoyadı.
Tájiriybe sınaǵın nátiyjeli tapsırǵan talapker licenziya alıw ushın Mámleketlik xızmetler orayı yamasa BbIMXP arqalı tiyisli ádillik organına bir ay ishinde múráját qılıwı kerek.
Licenziya beriw haqqında qarar licenziyalawshı organ tárepinen úsh jumıs kúninde qabıl qılınadı.
Qarar qabıl qılınǵannan soń onı beriw ushın mámleketlik bajını tólew múddeti kórsetilgen xabarnama licenziyalawshı organ elektron sanlı imzası menen tastıyıqlanıp, tiyisli orayǵa elektron túrde jiberiledi.
Talapker xabarnamanı alǵan kúnnen baslap bir ay ishinde Ózbekstan Respublikasınıń “Mámleketlik bajı haqkında’ǵı Nızamda belgilengen muǵdarda mámleketlik bajı tólemin axborat-kommunikaciya sistemaları arqalı ámelge asıradı.
Talapker tárepinen licenziyanı alıw ushın mámleketlik bajı tólengennen soń, licenziyalawshı organ bir jumıs kúni ishinde QR-kod qoyılǵan licenziyanı rásmiylestiredi hám onı tiyisli Mámleketlik xızmetler orayına jiberedi.
Qanlıkól rayonı ádillik bólimi MXO bólim baslıǵı:
D.Qudenov