Янгиликлар
31
Bir múrájat izinen
Házirgi kúnde puqaralardıń múrajatların tıńlaw hám sheshiw mámleketlik uyımlardıń tiykarǵı wazıypalarınan biri esaplanadı.
Qanlıkól rayónı ádillik bólimi tárepinen múrájatlar menen islesiw tarawında bir qatar jumıslar ámelge asırılıp kelinbekte. Múrájatlardı qabıllawda bólim tárepinen rayon aymaǵındaǵı awıl hám mákan puqaralar jıyınlarında fizikalıq hám yuridikalıq shaxslardıń múrájatların kóshpeli qabıllawlar turaqlı túrde ótkerilip kelinbekte hám puqaralardıń múra`jatlarına orınlarda nızamshılıqqa tiykar huqıqıy túsinikler berilip, qadaǵalawǵa alınatuǵın múrajatler dizimge alınıp, unamlı sheshilip atır.
Ayne usınday Nawrız awıl puqaralar jıyınındaǵı kóshpeli qabıllawda puqara A.A jol qurılısı sebepli turaq jayı janında egilgen miyweli tereklerdiń nabıt bolıwınan saqlawda ámeliy járdem sorap múrájat etken.
Puqaranıń múrájatı ádillik bólimi tárepinen úyrenilip, Ózbekstan Respublikası Prezidentiniń 2021-jıl 30-dekabr kúngi PP-46-sanlı Pármanına tiykar sheklenbegen múddetke terek shabıwǵa moratoriy járiyalanǵanlıǵı hám bólim tárepinen ámeliy isler ámelge asırılǵanlıǵı sebepli puqaranıń turaq jayı janında egilgen miyweli tereklerdiń nabıt bolıwınan saqlanıp qalınıp, múrajat unamlı sheshildi.
Bólim tárepinen sonday-aq, aliment máselesinde, sudqa arza beriw tártibi, mámleketlik bajı muǵdarları haqqında, pensiya, miynet dem alıs beriliwi máselesinde huqıqıy túsinik beriwdi sorap kelip túsken awızeki hám jazba múrájatlarǵa nızamshılıqqa tiykar huqıqıy túsinikler berilip, múrajatlar qanaatlandırıldı.
Bólim tárepinen múrájatler menen islesiw tarawındaǵı jumıslar elede jetilistiriledi.
Qanlıkól rayónı ádillik bólimi