Янгиликлар
29
Mámleketlik puqaralıq xızmetshileri tárepinen ádep-ikramlılıq qaǵıydaları
Ózbekstan Respublikası Ministrler Kabinetiniń 2022-jıl
14-oktyabrdegi «Mámleketlik puqaralıq xızmetshileri tárepinen ádep-ikramlılıq qaǵıydalarına ámel etiliwin támiyinlew boyınsha qosımsha is-ilajlar haqqında»ǵı qararına muwapıq Mámleketlik puqaralıq xızmetshileriniń ádep-ikramlılıǵınıń úlgili qaǵıydaları tastıyıqlandı.
Mámleketlik xızmetshileri xızmet iskerligi dawamında tómendegilerge májbúr:
- Ózbekstan Respublikasınıń Konstituciyası, nızamları hám basqa nızamshılıq hújjetlerine sózsiz ámel etiwi;
- Mámleket húrmetin qádirlew, mámlektlik siyasatqa sadıq bolıw;
- Oziniń xızmet wazıypaların hújdan menen, xadal hám joqarı professionallıq dárejede atqarıw, rásmiyatshılıq, qálbekilik hám keri paydalanıwǵa jol qoymaw;
- Xızmet saparları, qadaǵalaw ilajları dawamında miynet iskerligi menen baylanıslı bolǵan hár qıylı sarp-qarejetlerdi basqa shaxslar esabınan ámelge asırmaw;
- Óziniń xızmet májbúriyatların atqarıp atırǵanda puqaralar hám basqa shaxslardı kemsitpew, olardıń tásirinen saqlanıw, puqaralardıń huqıqların, májbúriyatların hám nızamlı máplerin esapqa alıw;
- Sociallıq tarmaqlarda mámlekette ámelge asırılıp atırǵan reformalarǵa tiyisli isenimsizlik keypiyatın júzege keltiriwi múmkin bolǵan materiallardı jaylastırmaw sıyaqlı qásiyetlerge iye bolıwı kerek;
Basshılar ózleriniń boysınıwındaǵı mámleketlik xızmetshilerine qopal qatnasta bolıwı, qorlaw, shaxsiyatına tiyiw, olardı tiykarsız ayıplaw hámde kemsitiw múmkin emes.
Mámleketlik xızmetshileri jumıstan tısqarı wakıtta tómendegilerge májbúr:
- milliy úrip-ádet, qádiriyat hám dástúrlerge húrmet penen múnásibette bolıwı kerek;
- jámiyetlik orınlarda (kafe, restoran hám basqa kóńil kóteriw orınlarda) ózin tutıw qaǵıydalarına ámel etiwi, átiraptaǵılardıń dıqqatın tartıwshı artıqsha hám unamsız háreketlerge jol qoymawı lazım;
- xızmet májbúriyatların atqarıw menen baylanıslı bolǵan mekeme hám shólkemler basshı hám xızmetkerlerden, basqa mánsapdar shaxslardan qımbat bahalı sawǵa alıwı múmkin emes;
- xızmet gúwahnamaların saqlaw hám paydalanıw tártibine qatan ámel etiw, olardan xızmetke baylanıslı bolmaǵan jaǵdaylarda paydalanbaw, sonıń ishinde, wákillikli shaxslarǵa xızmet gúwahnamasın kórsetip, lawazımın keri paydalanbaw kerek;
- xızmet avtotransport qurallarınan xızmet iskerliginen tısqarı jeke hám baska maqsetlerde paydalanbaydı;
- jeke transport qurallarınan paydalanıwda belgilengen tártipte ámel qılıwı, jol háreketi qaǵıydalarǵa qatan ámel etiwi zárúr;
- Sırtqı kórinisin belgilengen normalar sheńberinde saqlawı, kemtarın kiyiniwi, átiraptaǵılardıń dıqqatın ózine artıqsha qaratıp kiyinbewi shárt.
Ádep-ikramlılıq qaǵıydalarına ámel etpegen ushın ádep-ikramlılıq komissiyası tárepinen mámleketlik xızmetshilerine tómendegi morallıq tásir sharaları qollanıladı:
- eskertiw;
- keshirim soraw yaki rásmiy keshirimnama keltiriwin talap etiw;
- mámleketlik organları hám shólkemleriniń kollegiya jıynalıslarında eskertpe beriw.
Mámleketlik xızmetshileri ǵalaba-xabar quralları wákileri menen óz-ara sheriklik qılıwı, óziniń iskerligin ǵalaba-xabar qurallarında jarıtılıwǵa kómeklesiwi kerek.
Mámleketlik siyasatı yaki mámleketlik organları hám shólkemleri iskerligi haqqındaǵı ǵalabalıq bayanatlar basshı yaki usı jónelis boyınsha wákillikli mánsapdar shaxs tárepinen ámelge asırıladı.
Tómendegi jaǵdaylarda ǵalabalıq bayanatlar beriliwi múmkin emes:
- ǵalabalıq bayanatlar teksti hám mazmunı mámleketlik siyasatı yaki mámleketlik organları hám shólkemleri iskerligine baylanıslı bolmasa;
- ǵalabalıq bayanatlarda keltirilgen málimlemeler mámleketlik sırları menen baylanıslı bolsa;
- ǵalabalıq bayanatlar basqa mámleketlik organları hám shólkemleriniń tásirin páseyttiriw yaki olardıń mansápdar shaxsların kemsitiwge qaratılǵan bolsa.
Mámleketlik xızmetinde jámiyetshilik qadaǵalıwın támiynlew maqsetinde mámleketlik organları hám shólkemleri iskerligine tiyisli ayıplaw hám kritika bildirilgen jaǵdayda, oǵan bildirilgen ayıplaw yaki kritikaǵa ǵalabalıq qosımsha yamasa biykarlaw xabarın beriw lazım.
Eger ǵalabalıq bayanatta puqaralardıń húrmetin, abırayın kemsitetuǵın ǵápler bolsa, mámleketlik xızmetshisi óz pikirleriniń natuwrılıǵın tán alıwı hámde húrmetine, abırayına tiyilgen puqaradan keshirim sorawı shárt.
Ádep-ikramlılıq qaǵıydalarına ámel etiliwin qadaǵalaw:
- Mámleketlik xızmetshileriniń ádep-ikramlılıq qaǵıydalarına ámel etiliwi ústinen qadaǵalaw shólkemlerdiń insan resursların basqarıw bólimleri yaki ádep-ikramlılıq komissiyaları tárepinen ámelge asırıladı;
- lawazımǵa tayınlanǵan mámleketlik xızmetshileri
ádep-ikramlılıq qaǵıydaları menen til xat tiykarında imza qoydırılıp tanıstırıladı;
- usı ádep-ikramlılıq qaǵıydaların buzıw boyınsha xızmet tekseriwi basshınıń kórsetpesine muwapıq ádep-ikramlılıq komissiyası tárepinen ótkeriledi;
- xızmet tekseriwin ótkeriw tártibi mámleketlik organları hám shólkemleri tárepinen belgilenedi.
Mápler soqlıǵısıwına jol qoymaw:
Mámleketlik xızmetshileri májbúriyatların atqarıw waqtında mápler soqlıǵısıwına alıp keletuǵın jeke mápdarlıqqa jol qoymawı kerek.
Mápler soqlıǵısıwı júzege kelgen jaǵdayda xızmetkerler óziniń basshısına dárhal xabar beriwi shárt.
Mápler soqlıǵısıwı haqqında maǵlıwmatlar alǵan basshı onıń aldın alıw yaki onı jónge salıw boyınsha óz waqıtında ilajlar kóriwge májbúr.
Shımbay rayonı ádillik bólimi
mámleketlik xızmetleri orayınıń
direktorı wazıypasın waqtınsha
atqarıwshısı B.Tokumbetov