Янгиликлар
28
bilesizbe
Mámleketimizde puqaralar hám isbilermenlerge mámleketlik xızmetlerdi kórsetiw sisteması basqıshpa-basqısh reforma etilip, qolay isvesticiyalıq hám isbilermenlik ortalıǵın jaratıw, artıqsha byurokratik tosıqlardı saplastırıw hámde mámleketlik xızmetlerdi kórsetiw sıpatın túpten jaqsılaw barısında sistemalı is-ilájlar ámelge asırılmaqta.
Sonday-aq, tarawda alıp barılıp atırǵan reformalar nátiyjesinde 70 ten aslam mámleketlik xızmetler ápiwayılastırıldı, mámleketlik xızmetler orayı tárepinen qamtıp alınǵan xızmetlerdi kórsetiw múddeti hám talap etiletuǵın hújjetler sanı ortasha eki esege qısqartıldı.
Xalıqtıń sociallıq qorǵawǵa mútáj qatlamların qollap-quwatlaw boyınsha jumıslardı jetilistiriw, mámleketlik xızmetlerdiń sıpatlı kórsetiliwin támiyinlew, túrli kategoriyadaǵı mámleketlik xızmetlerdi kórsetiw sistemasın sanlastırıw processlerin jedellestiriw maqsetinde:
1. 2021-jıl 1-noyabrden baslap:
a) “Sociallıq qorǵaw birden-bir reestri” axborot sistemasında dizimge alınǵan shaxslarǵa, sonday-aq I hám II topar mayıplıǵı bolǵan shaxslarǵa mámleketlik xızmetler orayları hám (yáki) Birden-bir interaktiv mámleketlik xızmetler portalı arqalı mámleketlik xızmetlerdi kórsetiwde nızamshılıq hújjetlerinde belgilengen mámleketlik bajıları, jıyımlar hám basqa hár qanday tólemler boyınsha 50 payız muǵdarda shegirme qollanıladı (isbilermenlik xızmeti máqsetlerinde yaki yuridik shaxslar sıpatında múrájat etilgen halatlar bunnan tısqarı);
b) Mámleketlik xızmetleri orayları, “Litsenziya” xabar sisteması hámde Birden-bir interaktiv mámleketlik xızmetler portalı arqalı kórsetilip atırǵan mámleketlik xızmetler nızamshılıq hújjetlerinde belgilengen múddetlerden úsh jumıs kúninen artıq waqıtqa keshiktirilgende, arza beriwshilerdiń múrájatlerine tiykar, xızmetten paydalanıw ushın tólegen mámleketlik bajılar, jıyımlar hám basqa hár qanday tólemlerdiń 50 payızı olarǵa bir jumıs kúninde qaytarıladı. Bunda:
arza beriwshige tólemler Ádillik ministrliginiń Mámleketlik xızmetlerdi rawajlandırıw qorı qarjıları esabınan qaytarıladı hám Ádillik ministrligi tárepinen mámleketlik xızmetin kórsetiw múddetin keshiktirgen mámleketlik organ hám shólkemlerdiń byudjetten tısqarı hám basqa qarjıları esabınan sózsiz (akseptsiz) tártipte óndirip alınadı.
Arza beriwshige tiyisli mámleketlik xızmet tolıq kórsetiledi.
Qaraqalpaqstan Respublikası Ádillik
ministrligi jetekshi másláhátshisi F.Seytimbetov