Янгиликлар
29
#bir_múrájat_izinen
Prezidentimizdiń baslaması menen «Insan qádiri ushın» principi tiykarında alıp barılıp atırǵan ámeliy jumıslar negizinde Qaraqalpaqstan Respublikası Joqarǵı Keńesiniń Baslıǵınıń qabıllawına Nókis qalasında jasawshı puqara Djanibekova Jumagúl Nókis qalası 30-sanlı ulıwmalıq orta bilim beriw metebinde oqıp bilim alǵanlıǵı haqqındaǵı attestatın ayırım sebeplerge tiykar ala almaǵanlıǵın bildirip, nátiyjede kásip-óner kolledji yaki joqarı oqıw orınına hújjet tapsırıw imkanı bolmay, bul mashqala boyınsha qay jerge barmasın tiykarlı juwap berilmesten 20 jıldan berli áwere bolǵanlıǵın aytıp múrájat etken.
Bul puqaranıń múrájatı Joqarı Keńes baslıǵı tapsırması menen Qaraqalpaqstan Respublikası Ádillik Ministrliginiń jeke qadaǵalawına alınıp, tez waqıt ishinde unamlı sheshim tawıwdı, yaǵnıy ulıwmalıq orta bilim beriw metebinde oqıp bilim alǵanlıǵı haqqında attestat dublikatın alıp beriliwine járdem berildi.
Ashıǵı, men joqarı oqıw ornına hújjet tapsırıw imkanı bolatuǵınınan álleqashan úmitimdi úzgen edim deydi puqara Djanibekova Jumagúl.-Nókis qalası ádillik bólimi mámleketlik xızmetler orayına múrájat ettim hám oray qánigeleri onlayn múrájat jollawıma hám tez waqıt ishinde attestatımnıń dublikatın alıwıma jardemlesti.
Búgin húrmetli Prezidentimiz tárepinen belgilep berilgen «Xalıq mámleketlik organlarǵa emes, mámleketlik organları xalıqqa xızmet etiwi kerek» degen princip bárshe buwındaǵı mámleketlik uyım hám shólkemlerdiń tiykarǵı qaǵıydasına aylanǵan desek asıra aytqan bolmaymız.
Jámiyetshilik penen baylanıslar bólimi.