Янгиликлар
14
Terekler hám putalardı kesiwge ruxsatnama alıw kerek ekenligi haqqında bilesizbe?
Ózbekistan Respublikası Ministrler Kabinetiniń 2022-jıl 22 fevraldaǵi 86-sanli «Arnawlı elektron sistema arqalı ruxsat etiw qásiyetine iye ayırım hújjetlerdi beriw tartip-qaǵıydaları haqqındaǵı birden-bir Rejeni tastıyıqlaw haqqında»ǵı qararına muwapıq tártipke salınadı.
Mámleketlik xızmetlerden paydalanıwshılar yuridikalıq hám fizikalıq shaxslar bolıp, xızmetten paydalanıw ushın arza beriwshi ruxsatnama alıw ushın ózine jaqın bolǵan qálegen MXOǵa ózi kelip múrajat etedi yaki, mámleketlik xızmetin elektron formada aliw ushın Birden-bir interaktiv mámleketlik xızmetler portalınan dizimnen ótedi.
Sorawnama toltırılıp, Ózbekistan Respublikası Ekologiya hám qorshaǵan ortalıqtı qorǵaw mámleketlik komitetiniń aymaqlıq uyımlarına jiberiledi.
Arzada tómendegiler kórsetiledi:
-yuridikalıq shaxs ushın ataması, STIS, pochta mánzili, elektron pochta mánzili (eger bar bolsa), xızmet kórsetuwshi banktiń atı hám esap beti, telefon nomeri;
-fizikalıq shaxslar ushın-F.A.Á.a, JSHIN, pochta mánzili, elektron pochta mánzili (eger bar bolsa), telefon nomeri;
-kesiletuǵın terekler hám putalardıń turi hám sanı; terekler hám putalar jaylasqan mánzil (rayon, kóshe, uy);
-kesiwdegi maqseti.
Ózbekistan Respublikası Ekologiya hám qorshaǵan ortalıqtı qorǵaw mámleketlik komitetiniń aymaqlıq uyımları tárepinen 5 jumıs kúni ishinde terekler hám putalardıń halatı, sonday-aq, olardıń kelisiwi boyınsha muwapıqlıǵın úyrenip, rayon (qala) hákimligine, MXOna yaki arza beriwshige Birden-bir interaktiv mámleketlik xızmetler portalı arqalı ruxsatnama beriw ushın tólem muǵdarı kórsetilgen haldaǵı juwmaqtı juberedi.
Arza beriwshi 4 jumıs kúni ishinde unamlı juwmaq alınǵannan soń juwmaqta kórsetilgen muǵdarda ruxsatnamanı beriw ushın tólemdi ámelge asırıwı zarúr.
Ekologiya hám qorshaǵan ortalıqtı qorǵaw mámleketlik komitetiniń aymaqlıq uyımları 1 jumıs kúni ishinde unamlı juwmaǵı bar bolǵanda ruxsatnamanı beriw ushın tólem tólengennen soń ruxsatnamanı rásmiylestiredi.
Zıyanlanǵan, quwrap kiyatırǵan yaki quwrap qalǵan, sonday-aq, adamlardıń ómiri hám salamatlıǵına, yuridikalıq hám fizikalıq shaxslardıń mal-mulkine qáwip salatuǵın terekler hám putalardı kesiw ushın ruxsatnama tólemin ámelge asırmastan beriledi.
Yuridikalıq yaki fizikalıq shaxslardıń múlki bolǵan hám olar tárepinen aǵash-taxta hám ónim alıw ushın egilgen terekler hám putalardı kesiwge ruxsatnama talap etilmeydi.
Múrájat 5 jumıs kúninde kórip shıǵıladı. Arzanı kórip shıǵıw ushın bazalıq esaplaw muǵdarınıń 30 payızı mugdarında jıyım tólenedi, eger Birden-bir interaktiv mámleketlik xızmetler portalı arqalı onlayın kórniste ámelge asırılsa 10 payız shegirme qollaniladı.
Shomanay rayonı ádillik bólimi Mámleketlik xizmetler orayı direktorı Dawletmuratov Bahadir Erpolatovich