Янгиликлар
13
Hákim járdemshileri qanday wákilliklerge iye.
Húrmetli Prezidentimizdiń baslaması menen isbilermenlikti rawajlandırıw, kámbaǵallıqqa qarsı gúresiw hám orınlarda xalıqtıń ómirin tikkeley jaqsılıw maqsetinde 2021-jıl 03-dekabrde Máhellede isbilermenlikti rawajlandırıw, xalıqtıń bántligin támiyinlew, kámbaǵallıqtı qısqartıw boyınsha mámleket siyasatınıń baslı jónelisleri haqqında»ǵı PP-29-sanlı Pármanı qabıl etilip, 2022-jıl 01-yanvardan baslap hár bir qalada, qalashalarda, awılda hám awıllardaǵı hár bir máhállede isbilermenlikti rawajlandırıw, xalıqtıń bántligin támiyinlew, kámbaǵallıqtı qısqartıw máseleleri boyınsha rayon, qala hákim járdemshiler shólkemlestirildi. Mámleketimizde 2022-jıldı «Insan qádirin ulıǵlaw hám belsendi máhálle jılı» dep járiyalanıwı, insan qádirin ulıǵlaw – elimizde jasap atırǵan hár bir adamnıń huqıq hám erkinliklerin, nızamlı máplerin támiyinlew bolıp esaplanadı, jámiyetimizdiń tiykarı bolǵan máhálle sheshiwshi orın tutadı, máhálle tınısh bolsa, el tınısh boladı. Máhálle abat bolsa, mámleket abat boladı. Hákim járdemshileri lawazımı engiziliwi máhállede jasap atırǵan hár bir puqara hám mámleket ortasında óz-ara baylanıstıń ornatılıwı, olardıń pikirin, mashqalaların hám kemshilikleri boyınsha jaqqınnan tanısıw hámde tuwrıdan-tuwrı islew imkanı jaratıldı, olar úyme-úy júrip, hár bir shańaraqtıń, úydiń jaǵdayın óz kózi menen kórip, sociyallıq jaǵdayı boyınsha analiz etip, haqıqıy mútajlikke iye hám baǵıwshısın joǵaltqan shańaraqlar, jumıssız puqaralardıń bántligin támiyinlew ásirese jaslar hám hayallardı jumısqa jaylastırıw hámde jeńilliklerdi tuwrı ashıqlılıq tiykarında jetkeriwdi jolǵa qoyıw boyınsha úlken tájiriybege iye bolıwı, hár bir insannıń aldıǵa qoyǵan maqseti, birinshi náwbette xalıq tınıshlıǵın asırıw boyınsha tereń túsinikke iye bolıwı kerek. Hákim járdemshileri – Prezidenttiń máhálledegi wákilleri esaplanadı. Olardıń tiykarǵı wazıypası - óz máhállesinde isbilermenlikti rawajlandırıw, jumıs orının jaratıw, kámbaǵallıqtı qısqartıw hám shańaraq daramatın kóbeyttiriwden ibarat.
Hákim járdemsileriniń tiykqrǵı wazıypaları máhálledegi sociyallıq ekonomikalıq jaǵdayın úyme-úy úyreniw, sonnan xalıqtıń bántlik dárejesin, shańaraqlardıń daramat deregi, qıytaq jerlerininen paydalanıw jaǵdayın hámde daramatlı miynetke bolǵan háreketin hám zárúrligin anıqlaw, isbilermenlikti rawajlandırıwdıń ishki imkaniyatların, isbilermenlik boyınsha qáliplesiw hám miynet resursların esapqa alǵan halda, onı rawajlandırıwǵa túrtki beretúǵın sebepler hám jónelislerdi belgilew, olardı iske salıw arqalı máhállede ekonomikalıq rawajlanıwdı támiyinlew, turaqlıq daramat deregine iye bolmaǵan hám jumıssız, ásirese, jaslar hám hayal-qızlardı úyreniw arqalı olardı kásip-ónerge, isbilermenlikke úyretiwshi oqıw oraylarına jollaw hámde oqıwdı tamamlaǵan pitkeriwshilerdiń bántligin támiyinlewge járdem beriw, máhállede bos jumıs orınların hámde xojalıq júrgiziwshi subektler máwsimli jumıslarǵa bolǵan talabın anıqlaw arqalı jumıssızlardı, birinshi náwbette, «temir dápter», «hayallar dápteri» hám «jaslar dápteri»ne kirgizilgen jaslar, hayal qızlardı bos jumıs orınlarıǵa jaylastırıw hámde haq tólenetuǵın jámiyetlik islerge tartıw, máhállede jasawshı xalıqtıń shańaraq isbilermenligin rawajlandırıw, olardıń ónermentshilik, toqımashılıq, qıytaq jerden nátiyjeli paydalanıw, kishi islep shıǵarıw, xızmet kórsetiw hám basqa túrdegi iskerlikti jolǵa qoyıw ushın shańaraq isbilermenlik dástúri sheńberinde kreditler alıwǵa kómeklesiw, máhálleniń qáliplesiwinen kleip shıǵıp, kooperaciya tiykarında isbilermenlik iskerligin jolǵa qoyıw tilegin bildirgen jetekshi isbilermenlerge jeńillettirilgen kreditler ajıratıwdı shólkemlestiriw, olarǵa isbilermenlik penen erkin shuǵıllanıw tájiriybege iye bolmaǵan puqaralardı óz iskerligin jolǵa qoyıw ushın olarǵa biriktiriw, xalıq qıytaq jerlerden nátiyjeli paydalanıwın shólkemlestiriw, úy sharayatında diyxanshılıq, sharwashılıq, qusshılıq, pal hárreshilik, qoyan baǵıwshılıq, násilshilik, nálshilik, gúlshilik sıyaqlı iskerlik túrleri jolǵa qoyıwǵa kómeklesiw, máhálledegi jumıs penen bánt bolmaǵan xalıqtıń isbilermenlik hám turaqlı daramat keltiriwshi iskerlik penen shuǵıllanıwdı jolǵa qoyıw maqsetinde olarǵa ıssıxana qurıw, qıytaq jerdi suwǵarıw ushın vertikal suwǵarıw ǵudıqların shıǵarıw, awıl xojalıq kooperativine aǵza bolıw, asbab-úskene hám miynet quralların aldı-sattı qılıw, imaratlardıń ijara tólemi hámde kásip-óner hám isbilermenlikke oqıw ushın subsidiyalar alıwǵa kómeklesiw, máhálledegi bos imarat hám jer maydanlardı anıqlap, olardı belgilengen tártipte isbilermenlik subektlerge ajıratıw boyınsha tiyisli shólkemlerge usınıslar kiritiw, isbilermenlik iskerligin ámelge asırıwǵa tosıq bolatuǵın mashqalalar injenerlik-kommunikaciya sistemalarına jalǵanıw hám olardan paydalanıw, hár qıylı iskerlikti jolǵa qoyıw ushın ruxsatnamalar hám litsenziyalar alıw, bos imaratlar hám jer maydanların isbilermenlik penen shuǵıllanıw ushın ajıratıw hám basqalar) tiyisli shólkemler tárepinen sheshiwdi shólkemlestiriw bolıp esaplanadı.
Mámleketimiz tárepinen hákim járdemshilerine bir qansha imkanyatlar jaratıp berilmekte máselen Ózbekstan Respublikası Ministrler Kabinetiniń 2022-jıl 16-fevralda «Hákim járdemshileri iskerligin qollap-quwatlaw fondın shólkemlestiriw haqqında»ǵı qararına tiykar basqa aymaqtan kelip islep atırǵan hákim járdemshileri ushın bazalıq esaplaw muǵdarınıń eki ese muúdarında turaq jay ijara qárejetleri ushın kompensacya tólew, jumıs babında jaqsı nátiyjelerge erisken ushın hár ay -xoshametlew, hákim járdemshileri is-haqısınıń aldınǵı jumıs ornı boyınsha ortasha aylıq is-haqı muǵdarınan kem bolǵan bólegin kompesacya etip barıw, óziniń jeke avtotransport quralınan paydalanıp atırǵanı uhın transport qárejetlerin sonday-aq, bir ayda bir márte turaqlı jasaw ornına temir jol transportında barıp keliw ushın kompensacya tólew, jıl juwmaǵı boyınsha ózine biriktirilgen aymaqta joqarı nátiyjege erisken hákim járdemshilerine ipoteka krediti tiykarında úy-jay satıp alıw ushın úy-jaydıń bahasınıń 50 payızına shekem subsidya tólep beriwde názerde tutılǵan.
Hákim járdemshileri máhellede isbilermenlikti rawajlandırıw hám jańa jumıs orınların jaratılıwǵa juwapker boladı, jer, kredit, infrastruktura, kásipke oqıtıw hám basqa zárúrli kómek beriw sistemasın jolǵa qóyadı. Óz “byudjeti” bolıp, mútajligi bar shańaraqlarǵa subsidiyalar ajıratıw, jámiyetlik jumıslarına tartıwdı shólkemlestiredi, isbilermenlik subektleriniń biznes joybarların ámelge asırıwǵa kómeklesiw, bar bolǵan mashqalaların úyreniw hám de sheshiw arqalı isbilermenlik iskerligin keńeytiwgede ámeliy járdem kórsetedi, shańaraqqa tiyisli isbilermenlik dástúrler sheńberinde hár bir máhálledegi xojalıqlarǵa hám jańa shólkemlestiriletuǵın isbilermenlik subektlerine qarjılıq jaqtan kómek beriw ushın ajıratılǵan kredit resursları (limit) hákim járdemshileriniń wákilliginde boladı, ajıratılǵan qarjılar esabınan mútájligi bar shańaraqlarǵa subsidiyalar beredi, qıytaq jerden nátiyjeli paydalanıw ushın, eginlerdi egiwde nál, tógin, ıssıxana, suw máselelerin sheshiwge yamasa háwlisinde qusshılıqtı jolǵa qoyıwǵa kómeklesedi.
Búgingi kúnde hákim járdemshileriniń óz iskerligin baslaǵanına kóp waqıt bolmasada olar tárepinen alıp barılıp atırǵan unamlı jumıslarınıń nátiyjesi ǵalaba xabar quralları hámde sociyallıq tarmaqlarda tastıyǵın tappaqta. Hákim járdemshileri mámlekettiń ekonomikalıq hám sociyallıq jaqtan rawajlıwına, xalıqtıń bántligin támiyinlewde olardıń turmısın, jasaw shárayatın jaqsılawǵa óz úleslerin qosıp kelmekte.
Taxtakópir rayonı Yuridikalıq xızmet
kórsetiw orayınıń bas yuriskonsultı: Shaxanov Dauletbay Azatullaevich