Янгиликлар
06
Mámleketlik tilde is-júritiwge baǵdarlanǵan oqıw seminarı shólkemlestirildi
Mámleketlik tilde is-júritiwge baǵdarlanǵan oqıw seminarı shólkemlestirildi
Búgin Mámleketlik tilde is-júritiw tiykarların oqıtıw hám mamanlıq asırıw orayınıń Qaraqalpaqstan Respublikası aymaqlıq bólimshesinde mámleketlik tilge baǵıshlanǵan oqıw seminarı ótkerildi. Ushrasıwǵa Ministrler Keńesi baslıǵınıń másláhátshisi – departament baslıǵı P.Dabılov, Qaraqalpaqstan Respublikası Ádillik ministrligi Huqıqıy úgit-násiyat hám aǵartıwshılıq bólimi baslıǵı A.Oteuliyev, Mámleketlik tilde is-júritiw tiykarların oqıtıw hám mamanlıq asırıw orayınıń Qaraqalpaqstan Respublikası aymaqlıq bólimshesi baslıǵı F.Bobojonov, sonday-aq, rayon hákimleriniń másláhátshileri hám mamanlıq asırıw tıńlawshıları qatnastı.
Seminarda búgingi kúnde mámleketlik tilge qaratılıp atırǵan itibar, bul baǵdarda ámelge asırılıp atırǵan reformalar haqqında sóz júritilip, Qaraqalpaqstan Respublikasında mámleketlik til sıpatında qaraqalpaq hám ózbek tilleri belgilengenligin, hámde bul eki tilge birdey itibar qaratılıp kiyatırǵanlıǵı, elimiz nızamshılıǵındaǵı “Mámleketlik til haqqında”ǵı nızamı hám nızam astı hújjetlerine keńnen toqtalıp ótildi.
Seminar dawamında Ministrler Kabinetiniń 2021-jıl 10-fevral kúngi 61-sanlı qararına kóre 2023-jıl 1-yanvardan baslap tolıq latın grafikasına ótiliwi haqqında da atap ótildi.
Oqıw seminarı ózara pikir almasıw hám soraw juwap kórnisinde dawam ettirildi.
Qaraqalpaqstan Respublikası Ádillik ministrligi Huqıqıy úgit-násiyat hám aǵartıwshılıq bólimi baslıǵı A.Oteuliyev