Янгиликлар
27
Avtomobil transportında jolawshılardı hám júklerdi tasıwdı licenziyalaw tártibin bilesizbe?
2020 jıl 1 yanvardan baslap avtomobil transportında jolawshılardı hám de júklerdi qalada, qala átirapında, qalalar aralıq hám xalıq aralıq jónelisler boyınsha tasıw iskerligin ámelge asırıw ushın licenziya hám licenziya kartochkaların elektron formada rásmiylestiriw sisteması tolıq iske túsirilgen edi.
Bunda ózin-ózin bánt qılǵan hám yuridikalıq shaxslar licenziya hám licenziya kartochkaların alıw ushın Mámleketlik xızmetler orayları yamasa Birden-bir interaktiv mámleketlik xızmetler portalı arqalı múrájáát etiwleri kerek.
Ózbekstan Respublikası Ministrler Kabinetiniń 2019 jıl 30 iyuldagi 636-san qararı menen tastıyıqlanǵan “Avtomobil transportında jolawshılardı hám júklerdi qalada, qala átirapında, qalalar aralıq hám xalıq aralıq jónelisler boyınsha tasıw iskerligin licenziyalaw boyınsha mámleketlik xızmetlerdi kórsetiwdiń hákimshilik reglamenti” arqalı avtomobil transportında jolawshılardı hám júklerdi qalada, qala átirapında, qalalar aralıq hám xalıq aralıq jónelisler boyınsha tasıw iskerligin licenziyalaw tártibi jáne de ápiwayılastırıldı. Bul hákimshilik reglamentke muwapıq endi ózin-ózin bánt qılǵan hám yuridikalıq shaxslar kórsetiletuǵın mámleketlik xızmetlerden paydalanıw ushın tek ǵana Mámleketlik xızmetler orayları yamasa Birden-bir interaktiv mámleketlik xızmetler portalı arqalı múrájáát etedi. Arza beriwshiler hám licenziyalawshı organ ortasındaǵı barlıq maǵlıwmatlar almasınıwı tolıq elektron kóriniste ámelge asırıladı.
Mámleketlik xızmetlerdi kórsetkenlik ushın bazalıq esaplaw muǵdarınıń bir esesi muǵdarında jıyım hám licenziya kartochkaların beriw ushın Ózbekstan Respublikası Ministrler Kabineti tárepinen belgilengen muǵdarlarda mámleketlik bajı tólenedi.
Avtomobil transportında jolawshılardı hám júklerdi tasıwǵa licenziya beriw yamasa licenziya beriwdi biykar etiw haqqındaǵı qarar arza beriwshiniń sorawnamasında barlıq zárúr maǵlıwmatlar menen birgelikte, arza berilgen kúnnen baslap bir jumıs kúninen aspaǵan múddette qabıl etiledi.
Qanlıkól rayonı ádillik bólimi Mamleketlik xızmetler orayı bólim baslıǵı
D.Qudenov