Янгиликлар
28
Jer uchastkaların menshiklestiriw jánede ápiwayılastırıldı
Jer uchastkaların menshiklestiriw jánede ápiwayılastırıldı
2022-jılı 14-fevral kúni «Awıl xojalıǵına mólsherlenbegen jer uchastkaların menshiklestiriw haqqında»ǵı Ózbekstan Respublikası Ministrler Kabinetiniń 71-sanlı qararı qabıl etilgen edi.
Oǵan kóre Ózbekstan Respublikası puqaraları hám yuridikalıq shaxslarǵa turaqlı paydalanıw (iyelik etiw), ijara hám miyras etip qaldırılatuǵın ómirlik iyelik etiw huqıqı tiykarında tiyisli bolǵan jer uchastkaların menshiklestiriw ushın arza beriwshiler jer uchastkaları jaylasqan tiyisli aymaqtaǵı Mámleketlik xızmetler oraylarına ózi kelgen halda yamasa mámleketlik xızmetten elektron paydalanıw ushın my.gov.uz portalı arqalı dizimnen ótedi.
Arza beriwshi mámleketlik xızmetten paydalanǵanda sorawnama toltırıladı hám arza sol kúnniń ózinde «Yerxususiylashtirish» AAT arqalı rayon qurılıs bólimi hám Mámleketlik kadastr palatası rayon (qala) filialına kelip túsedi.
Wakillikli organlar bes jumıs kún dawamında arzanı úyrenip shıǵadı hám birden bir billing sistemasında «Yerxususiylashtirish» AAT maǵlıwmatları tiykarında menshiklestirilip atırǵan jer uchastkasın satıp alıw ushın esap betin payda etedi hám xabarnamaǵa qosımsha etedi.
Arza beriwshi tólem boyınsha xabarnama kelip túskennen baslap 10 jumıs kúni ishinde jer uchastkasın menshiklestiriw ushın tólemdi ámelge asırıwı zárúr.
Tólem tolıq ámelge asırılǵannan soń 3 jumıs kúninde mámleketlik order menen birgelikte kóshpes múlkke bolǵan huqıqtıń mámleketlik reestrden kóshirmeni arza beriwshiniń elektron mánziline jiberedi hám bul haqqında onı xabardar etedi.
Usı reglament kishi sanaat, jaslar sanaat hám isbilermenlik zonaları qatnasıwshılarına berilgen jer uchastkalarına engizilmeydi.
Qanlikól rayonı Ádillik bólimi Mámleketlik
xızmetler orayı bólim baslıǵı- D.Qudenov