Янгиликлар
27
“Konstituciyalıq reformalar: ekologiyalıq mashqalalardı sheshiw, qorshaǵan ortalıqtı qorǵaw sistemasınıń jańa basqıshı – jańa Konstituciyada ekologiya máselesi”.
Mámleketimizde bolıp atırǵan áhmiyetli siyasiy process - Ózbekstan Respublikası Konstituciyasına ózgeris hám qosımshalar kirgiziw boyınsha ámelge asırılıp atırǵan konstituciyalıq reformalarda puqaralarımız, keń jámiyetshiligimiz wákilleriniń, ásirese jaslardıń bıyparwa bolmastan, óz usınıs hám oy-pikirleri menen aktiv qatnasıp atırǵanı da jámiyetimizde insanpárwarlɪq ortalıǵınıń mıywesi dewimiz múmkin. Búgin bıyparwa bolmastan, Bas nızamɪmɪzǵa óziniń usınısları menen qatnasıp atırǵan qatlam erteń onıń orɪnlanɪwɪ ushın da qatań poziciyada turadı. Bul bolsa mámlekette nızam ústinliginiń áhmiyetli kórinisin ańlatadı.
Xabarıńız bar, Konstituciyalıq nızam joybarına húkimettiń tábiyattı, ekologiyanı asıraw boyınsha wákilliklerin keńeytiwdi názerde tutatuǵın normalardı kirgiziw boyınsha konceptual usınıslar da kelip túsken edi.
Usı usınıslardan kelip shıǵıp, Konstituciyamızdıń ayırım statyalarɪna qosımsha hám ózgeris kiritiliwi názerde tutılmaqta.
Atap aytqanda :
98-statyasınıń 2-bólimi tómendegi mazmundaǵı norma menen toltırılıwı rejelestirilmekte:
3) átirap-ortalıqtı qorǵaw, tábiyıy baylıqlardı hám biologiyalıq hár túrlilikti saqlap qalıw, ıqlım ózgerislerine, epidemiyalar, pandemiyalarǵa qarsı gúresiw hám de olardıń aqıbetlerin jumsatɪw tarawlarındaǵı mámleket siyasatınıń ámelge asırılıwın támiyinleydi.
Mámleketimiz Prezidenti Shavkat Mirziyoev Ózbekstan Respublikası Konstitusiyasına ózgeris kirgiziw hám shólkemlestirilgen ilajlardı ámelge asırıw boyɪnsha Konstituciyalıq komissiya aǵzaları menen ótkergen ushırasıwında bul máselege ayrɪqsha toqtalıp ótti.
Prezidentimiz aytıp ótken ústin turatuǵın baǵdarlardɪń negizin quraytuǵın “Insan qadri ushın” ideyası hám de házirgi reformalarımızdıń bas principi bolǵan
“Insan - jámiyet - mámleket” degen jandasıw Konstituciyamızdıń mazmunına tereń sińdirilip atır. Jańa jámiyet - jańa Ózbekstan turmısında insan qádir qɪmbatɪ, abɪrayɪ hám ar namısı bunnan bɪlay barlıq tarawlarda birinshi orında turıwı joqarı dárejede óz kórinisin tawɪp atɪr.
Bolıp ótken ushırasıwda da mámleketimiz basshısı bul máselege jáne bir mártebe toqtalıp, ekologiyalıq máseleler tiykarǵı nızamda keń sawleleniwi qanshelli turmıslıq zárúrlik ekenligin tiykarlap berdi. “Tábiyatdaǵı global ıqlım ózgerisleri, Aral teńiziniń qurıwı menen baylanıslı jaǵdaydıń barǵan sayın keskin tús alıp atırǵanı ekologiyalıq qawipsizlikti oǵada aktual máselege aylandırdı. Sol sebepli, Konstituciyamızda bul baǵdarǵa tiyisli ekologiyalıq-huqıqıy normalar óz kórinisin tabıwı kerek. Bunday konstituciyalıq ózgerisler jámiyetimizde puqaralardıń ekologiyalıq huqıqları hám minnetlemeleri, ásirese, lawazımlı shaxslardɪń tábiyattɪ qorǵawı ushın juwapkershiligin keskin asırıw, xalıqtıń ekologiyalıq mádeniyatın qáliplestiriwge xızmet etedi. Bul, óz gezeginde, mámleketimizde ámelge asırılıp atırǵan “Jasɪl mákan” ulıwma milliy joybarı sheńberindegi islerdi jáne de kúsheytiw imkaniyatın beredi”,- dep aytıp ótdi Shavkat Mirziyoev.
Bas Nɪzamɪmɪzǵa ekologiya hám átirap ortalıqtı qorǵaw tarawı boyınsha usınılıp atırǵan ózgeris hám qosımshalardı sońǵı jıllarda mámleketimizde usı tarawda ámelge asırılıp atırǵan reformalardıń ámeliy sheshimi retinde kóriw múmkin.
Ornı kelgende aytɪw kerek, jaqın bes jıl dawamında qayta tiklenetuǵın energiya derekleri úlesin ulıwma energiya balansında úsh ese kóbeyttiriliwi mámleketimiz xalqı hám ekonomika tarmaqlarınıń elektr energiyaǵa bolǵan zárúrligin támiyinlew jáne de jaqsılanıwına múmkinshilik jaratıw menen bir qatarda, regionda energetikalıq turaqlılıqtı támiyinlewge hám de respublikamɪzdɪń ɪqlım ózgerisleri boyınsha Parij pitimi sheńberinde alǵan minnetlemeleriniń orɪnlanɪwɪn támiyinlewge xızmet etedi.
Juwmaq ornında aytɪp ótiw kerek, Konstituciyada ekologiyalıq - huqıqıy normalardıń óz kórinisin tabıwı jańa Ózbekstanda insan qádirin kótermelew, puqaralardıń ekologiya hám átirap -ortalıq qáwipsizligi tarawɪndaǵɪı nızamlı huqıq hám máplerin támiyinlewge, xalıqtıń qolay tábiy ortalıqta turmıs keshiriwi ushın barlıq zárúr shárt-shárayatlardıń jaratılıwɪna, tábiyiy resurslardan aqılǵa uǵras hám nátiyjeli paydalanıwǵa hám de ekologiyalıq mashqalalardıń aldın alıwǵa xızmet etedi.
Xojeli rayonɪ Adillik bóliminiń yuridikalɪq
xɪzmet kórsetiw orayɪnɪń bas yuriskonsultɪ R.Tajibayev