Янгиликлар
26
Bilimlendiriw mekteplerine balalardı qabıl etiw, bir klasstan ekinshi klassqa, bir mektepten basqasına ótkeriw tártibi.
Bilimlendiriw mekteplerine balalardı qabıl etiw, bir klasstan ekinshi klassqa, bir mektepten basqasına ótkeriw tártibi.
Ulıwmı orta bilimlendiriwdiń múddeti 11 jıl bolıp, úzliksiz tálim diziminiń májbúriy, ǵárezsiz túri esaplanadı hámde «Bilimlendiriw haqqında»ǵı Ózbekstan Respublikası Nızamına muwapıq ámelge asırıladı.
Mektep jasındaǵı balalardı ulıwma bilimlendiriwge qamrap alıw rayon (qala) hákimlikleriniń qararı menen ulıwma bilimlendiriw mákemelerine biriktirilgen aymaqlar (mikroaymaq) sheńberinde ulıwma bilimlendiriw mákemeleri tárepinen dizimge alıw arqalı ámelge asırıladı. Bunda biriktirilgen aymaqlar (mikroaymaqlar) sheńberinde turaqlı jasaw hám waqtınsha turǵan mánzili boyınsha dizimge alınǵan hám haqıyqattanda jasawshı shańaraq perzentleri itibarǵa alınadı.
Jetim balalar hám ata-ana qaramaǵınan ayrılǵan balalar mámleketlik mekteplerge náwbetke qoyılmaǵan halda jaylastırıladı.
Ulıwma bilimlendiriw mákemesi administraciyası usı mákemege biriktirilgen aymaqtaǵı mektep jasındaǵı balalardı óz waqtında ulıwma bilimlendiriw mákemesine oqıwǵa tartıw ushın juwapker esaplanadı. Mektep jasındaǵı balalardı ulıwma bilimlendiriw mákemelerine tartıw tártibi Ózbekstan Respublikası Xalıq Bilimlendiriw wázirligi tárepinen belgilenedi.
Ulıwma orta bilimlendiriw mákemeleriniń 1-klassına balalar jeti jasqa tolatuǵın jılda medicinalık juwmaqqa muwapıq qabıl etiledi.Balalardı ulıwma bilimlendiriw mákemesiniń 1-klassına qabıl etiw ushın olardıń ata-anaları tárepinen, ulıwma bilimlendiriw mákemesi direktorı atına arza, balanıń salamatlıǵı haqqında medicinalıq maǵlıwmatnama, balanıń 3,5 x 4,5 sm kólemindegi 4 dana fotosúwreti, 2027-2028-oqıw jılınan baslap baslanǵısh bilimlendiriw májbúriy bir jıllıq tayarlıqtan ótkenligi haqqında mámleket úlgisindegi sertifikatı tapsırıladı.
Muzika hám sanaatqa qániygelestirilgen bilimlendiriw mákemelerine tısqarı balalar ulıwa bilimlendiriw mákemesiniń 1 klassına tayarlanıw dárejesinen qátdiy názer tańlawsız qabıl etiledi.
Ulıwma bilimlendiriw mákemeleri administraciyası hár jılı iyun-avgust aylarında oqıwǵa qabıl etiw islerin shólkemlestiriw ushın zárúr sharalar kóredi.
Oqıwshılardı klasstan klassqa, bir mektepten basqa mektepke ótkiziw tártibi Ózbekstan Respublikası Xalıq Bilimlendiriw wázirligi tárepinen belgilenedi. Ata-ana perzentlerin oqıw jılı dawamında yaki ol tamam bolǵannan keyin bir-klasstan basqa klassqa yaki bir mektepten basqa mektepke ótkiziw huqıqına iye.
Mektep oqıwshıların klasstan kalassqa hám bir mektepten basqasına ótkiziw máseleleri ulıwma orta bilimlendiriwdiń májbúriyligi hám Ózbekstan Respublikasında jasawshı shaxslardıń bilim alıw tilin erkin tańlaw huqıqın inabatqa alǵan halda ámelge asıradı. Oqıwshılardı klasstan-klassqa hám bir mektepten basqasına ótkiziw biypul ámelge asırıladı.
Ata-analar perzentlerin klasstan klassqa ótkiziw ushın onıń sebeplerin kórsetken halda mektep direktorı atına arza menen múrájáát etedi. Mektep direktorı arzanı qabıl etip alǵan kúnnen baslap bir is kúni ishinde kórip shıǵadı hám oqıwshını klasstan klassqa otkiziw haqqında buyrıq qabıl etedi. Klasstaǵı oqıwshılar sanı belgilengen normadan artıq bolǵanda, mektep direktorı oqıwshını klasstan klassqa ótkiziw arzasın qanaatlandırmawı múmkin. Klasstan klassqa ótkiziw arzası qanaatlandırılmasa mektep direktorı tárepinen úsh kún ishinde ata-analarǵa jazba ráwishte málim etedi. Mektep direktorınıń oqıwshını klasstan klassqa ótkiziw haqqındaǵı buyrıǵı qabıl etilgennen keyin, úsh kún ishinede klass jurnalı hám oqıwshılar háreketi dápterine kirgiziledi.
Ata-analar perzentlerin bir mektepten basqasına ótkiziw ushın onıń sebeplerin kórsetken halda oqıwshı tálim alıp atırǵan mektep direktorı atına arza menen múrájáát etedi. Arza mektep direktorı tárepinen bir is kúni ishinde hám oqıwdı dawam ettiriw ushın tańlanǵan mektepke usınıw ushın mektepten ketiw talonı beriledi. Oqıwdı dawam ettiriw ushın tańlanǵan mektep direktorına oqıwǵa qabıl etiw ushın arza menen múrájáát etedi hám arzaǵa mektepten ketiw talonı qosımsha qılınadı.
Oqıwdı dawam ettiriw ushın tańlanǵan mektep direktorı arza hám mektepten ketiw talonın qabıl etip alǵan soń, sol kúnniń ózinde ata-analarǵa oqıwshı bilim alıp atırǵan mektepke beriw ushın mektepke keliw talonın beredi. Oqıwshı tálim alıp atırǵan mektep direktorı mektepke keliw talonın qabıl etip alǵan soń, sol kúnniń ózinde oqıwshını mekteptiń oqıwshılar qatarınan shıǵarıw buyrıǵın qabıl etedi. Mektep direktorı usı buyrıq penen ata-analardı tanıstırıp, qol qoydırıp, olarǵa oqıwshınıń mektep oqıwshıları qatarınan shıǵarılǵanlıǵı haqqındaǵı buyrıqtan kóshirme, oqıwshınıń bahalar (ózlestiriw) tabelin, oqıwshınıń medicinalıq kartasın beredi hám hújjetlerdi bergenligi haqqında til xat aladı.
Ata-analar oqıw, islew, uzaq múddetli emleniw yaki basqa maqsetlerde turaqlı yamasa waqtınsha jasaw ushın shet elge ketip baratırǵan bolsa, perzentin turaqlı yaki waqtınsha jasaw ushın ketip baratırǵan mámlekettegi bilimlendiriw mákemesine ótkiziw huqıqına iye.
Ata-analar perzentin shet eldegi bilimlendiriw mákemesine ótkiziw ushın onıń sebeplerin kórsetken halda mektep direktorı atına arza menen múrájáát etedi. Arzaǵa Balalar máseleleri boyınsha rayon (qala) komissiyasınıń er jetpegen balanı oqıwshılar qatarınan shıǵarıw ushın razılıǵı kórsetilgen qarardan kóshirme qosımsha qılınadı.
Arza mektep direktorı tárepinen bir is kúninde kórip shıǵılıp, oqıwshını mektep oqıwshıları qatarınan shıǵarıw haqqında buyrıq qabıl etiledi. Mektep direktorı usı buyrıq penen ata-analardı tanıstırǵanlıǵı haqqında imza qoydırıp, tiyisli hújjetlerdi alǵanlıǵı haqqında til xat aladı.
Mektep direktorı tárepinen shet mámlekettegi bilimlendiriw mákemelerine ótkizgenligi sebepli oqıwshılar qatarınan shıǵarılǵan er jetpegenler haqqındaǵı maǵlıwmatlar bazası qáliplestiriledi hám hár oqıw jılı sherekleri aqırında tiyisli rayon(qala) ishki isler bólimine (basqarmasına) hám balalar máseleleri boyınsha rayon (qala) komissiyasına usınıladı.
Ata-analar shet ellerde tálim alǵan Ózbekstan Respublikası puqarası bolǵan perzentin Ózbekstan Respublikasındaǵı mektepke ótkiziw huqıqına iye. Shet el mámleketinde tálim alǵan balanı Ózbekstan Respublikasındaǵı mektepke ótkiziw ushın ata-analar tárepinen mektep direktorına arza, balanıń shet elde bilim alǵanlıǵı haqqındaǵı hújjettiń (hújjetlerdiń) túp nusqası hám notarial tastıyıqlanǵan awdarması, balanıń den sawlıǵı haqqındaǵı maǵlıwmatnaması usınıladı. Mektep direktorı usınılǵan hújjetlerdi bir kún ishinde kórip shıǵadı hám balanı mektep oqıwshıları qatarına qabıl etiw haqqındaǵı buyrıq shıǵaradı.
Balanıń shet elde tálim alǵanlıǵı haqqındaǵı hújjet bolmaǵan jaǵdayda, mektep direktorı balanı onıń jası hám bilim dárejesine tuwrı keletuǵın klassqa qabıl etiwi lazım. Balanı mektep oqıwshıları qatarına qabıl etiw haqqında buyrıq shıǵarılǵannan keyin, úsh kún múddette klass jurnalı hám oqıwshılar háreketi dápterine tiyisli jazıw kirgiziledi.
Jınayat islegen er jetpegenlerdi mektep oqıwshılardı qatarınan shıǵarıw Balalar máseleleri boyınsha rayon(qala) komissiyasınıń razılıǵı menen ámelge asırıladı.
Nókis rayonı Ádillik bólimi Yuridikalık xızmet kórsetiw orayı bas yuristkonsulti G.Izekeeva