Янгиликлар
26
Bir múrájat izinen
Bir múrájat izinen
Qanlıkól rayonı ádillik bóliminiń múrájatlar menen islesiw tarawındaǵı ámelge asırılıp atırǵan jumısları mısalında
Sońǵı jıllarda mámleketimizde kóplegen reformalar ózgerisler bolıp, bárshe reformalar Insan qádiri ushın ideyası tiykarında ámelge asırılmaqta.
Xalıqtıń sociallıq qorǵawǵa mútaj qatlamlarına “Temir dápter” “Hayallar dápteri” “Jaslar dápteri” tiykarında járdem beriw hámde qollap-quwwatlaw ámeliyatı jolǵa qoyılǵan.
Nızamshılıqtaǵı jańalıqlarǵa názer taslasaq basım kópshilik qabıl etilip atırǵan jańa nızam hújjetleri hám nızamshılıqqa kiritilip atırǵan ózgeris hám qosımshalarda insan qádiri puqaralar huqıqlarınıń ústinligi prinsiplerine tiykarlanbaqta.
Ásirese puqaralardıń múrájatların tın`law, olardıń táshwishlerin hámde mashqalaların esitiw, unamlı sheshimin tabıw mámleketlik uyımlardıń tiykarǵı wazıypalarınan birine aylanǵan.
Qanlıkól rayónı ádillik bólimi tárepinen múrájatlar menen islesiw tarawında bir qatar jumıslar ámelge asırılıp kelinbekte. Múrájatlardı qabıllawda bólim tárepinen rayon aymaǵındaǵı awıl hám mákan puqaralar jıyınlarında fizikalıq hám yuridikalıq shaxslardıń múrájatların kóshpeli qabıllawlar turaqlı túrde ótkerilip hám puqaralardıń múra`jatlarına orınlarda nızamshılıqqa tiykar huqıqıy túsinikler berilip, qadaǵalawǵa alınatuǵın múrájatler dizimge alınıp, unamlı sheshimlerin tawıp atır.
Atap aytqanda Qosjap APJ turǵını D.A jasaw jayınıń suw tarmaqları boyınsha tiykarsız qarızdarlıq esaplanıp atırǵanlıǵınan narazılıǵın bildirip bólimge múrájat etti.
Puqaranıń múrájatı úyrenilip, suw tarmaqlarınan texnik sebeplerge kóre tiykarsız qarızdarlıq esaplanǵanlıǵı anıqlandı hámde qáte-kemshilikler saplastırılıp, tiykarsız qarızdarlıq esaplanıwi hámde tólem ámelge asırılıwı aldı alınıp, múrájat unamlı sheshildi.
Sonday-aq, bólimge ótken dáwirde puqaralardan miynet múnásibetlerinen narazılıǵı bildirilgen bir qansha múrájatlar kelip tústi.
Atap aytqanda, puqaralar R.I, N.T, G.A lar rayonlıq Medicina birlespesinde islep aylıq is haqısınıń azlıǵınan hám qosımsha ústeme pulları tólenbegenliginen narazılıǵın bildirip múrájat etken. Puqaralardıń múrájatları úyrenilip, qáte-kemshilikler anıqlanıp, qarızdarlıq summaları bólim tárepinen kiritilgen usınıslarǵa tiykar tólep beriliwi támiyinlendi.
Puqara G.A hám t.b puqaralar rayonlıq Sanitariya-epidemiologiya tınıshlıq hám jámiyet salamatlıǵı bóliminde islewshi xızmetkerler tóleniwi lazım bolǵan qosımsha ústeme pulları tólenbey qalǵanlıǵınan narazılıǵın bildirip, ústeme pulların óndirip beriwde nızmlı járdem soraǵan múrájatı úyrenilip shıǵıldı. Úyreniw nátiyjesine kóre anıqlanǵan nızam buzıw jagdayları boyınsha, bólim tárepinen puqaralıq isleri boyınsha Qońırat rayonlararalıq sudına ústeme pulların óndirip beriwdi sorap, 43 puqaranıń mápin gózlep jámi 69 mln 375 mıń sumlıq arza kiritilip, nátiyjede arzalar sud tárepinen qanatlandırılıp, ústeme pulların óndiriw boyınsha sud buyrıqları shıǵarıldı.
Múrájatler menen islesiw puqaralardıń tashwishlerin hám mashqalaların esitiw, olardı mámleketlik uyımlardan razı qılıw, olardıń unamlı sheshimin taptırıw bólimniń tiykarǵı wazıypası bolıp qaladı hámde bul tarawdaǵı jumıslar jánede rawajlandırıladı.
Qanlıkól rayónı ádillik bólimi
Insan huqıqların qorǵaw hám huqıqtı qollaw
ámeliyatı bólimshesi bas másláhátshisi
2-da`rejeli yurist B.Matjanova