Янгиликлар
09
Sapar qárejetleri óndirilip berildi.
Sapar qárejetleri óndirilip berildi.
Xojeli rayon ádillik bólimi tárepinen rayonda jasawshı puqara B.U. Balalar sport mektebi tárepinen sport jarıslarına barǵan xızmet saparları ushın tóleniwi tiyis bolǵan sapar qárejetleri mektep administraciyası tárepinen tólenilmey kiyatırǵanlıǵınan narazı bolıp, xızmet saparları qárejetleriniń tolıq tóleniwin támiyinlep beriwdi sorap qılǵan múrájatı úyrenilip shıǵıldı.
Úyreniw nátiyjelerine kóre, Balalar sport mektebi tárepinen, usı mektep treneri B.U buyrıq tiykarında fevral ayında Nawayı wálayatına, mart ayında Samarqand wálayatına hám Tashkent qalasına may ayında xızmet saparına jiberilgen.
Usıǵan qaramastan, mektep direktorınıń buyrıqları boyınsha xızmet saparında bolǵan dáwir ushın mektep treneri B.U.ǵa, xızmet saparları qárejetleri tólep berilmegenligi anıqlandı.
Ózbekstan Respublikası Miynet kodeksiniń 171–stat’yası hámde mekteptiń 2021-2023-jıllarǵa mólsherlengen jámáátlik shártnamasınıń 5.12.4.–bántine tiykar Ózbekstan Respublikası boylap xızmet saparları ushın hám Is beriwshiniń máplerinde, sonday–aq, lokal hújjetlerde názerde tutılǵan jaǵdaylarda májbúriy mamanlıq asırıw kurslarında mamanlıq asırıw dáwirine tólenetuǵın kompensaciyalar kórsetilgen.
Joqardaǵılarǵa tiykar Balalar sport mektebine usınıs kiritilip, múrájatshınıń sapar qárejetleri tolıq óndirilip berilip, múrájaat tolıq qanaatlantırıldı.
A.Gulimbetov,
Xojeli rayonı insan huqıqların qorǵaw hám huqıqtı
qollaw ámeliyatın úyreniw bólimshesi bas másláhátshisi