Янгиликлар
16
Abiturientler ushın orayımızda xızmet kórsetildi
Abiturientler ushın orayımızda xızmet kórsetildi
Búgingi kúnde orayımız tárepinen jıl basınan usı kúnge shekem jámi 8 mıńnan aslam mámleketlik xızmetler kórsetilgen bolıp, óz gezeginde 2022-2023-oqıw jılı ushın joqarı oqıw orınlarına hújjet tapsırıw maqsetinde kelgen abiturientlerdıń hújjetleri qabıllandı. Usı dáwir ishinde mıńnan aslam abiturient orayımızǵa kelgen halda joqarı oqıw orınlarına test sınaqlarına qatnasıw ushın hújjet tapsırdı. Sonday-aq orayımızda abiturientlerge júda keń qolaylıqlar jaratılǵan bolıp, atap aytqanda orayda internet tarmaǵına jalǵanǵan zamanagoy kompyuter hám printer texnikaları menen úskenelengen óz-ózine xızmet kórsetiw múyeshi shólkemlestirilgen bolıp onnan orayımızǵa kelgen jaslar nátiyjeli paydalanbaqta. Sonıń menen birge rayon orayınan alıs aymaqta jaylasqan orayǵa keliw imkaniyatı bolmaǵan abiturientler ushında orayǵa ajratılǵan Damas markalı avtokólik járdeminde orınlarǵa barǵan halda kóshpeli turde hújjetler qabıllandı. Jaratılıp atırǵan bunday qolaylıqlar “Xalıq mámleketlik uyımlarǵa emes mámleketlik uyımlar xalıqımızǵa xızmet kórsetiwi kerek” degen ullı maqsettiń ámeldegi ayqın dáliyli bola aladı.
Abdixanova Gulshaxar,
Moynak rayonı MXO bas qánigesi