Янгиликлар
21
Awıllıq aymaqlarında shet tillerdi oqıtıw jumısların shólkemlestiriw ushın mámleketlik emes bilimlendiriw shólkemleri qollap-quwatlanadı hám xalıqtıń shet tillerdi úyreniwge bolǵan umtılıwları xoshametlenedi
Awıllıq aymaqlarında shet tillerdi oqıtıw jumısların shólkemlestiriw ushın mámleketlik emes bilimlendiriw shólkemleri qollap-quwatlanadı hám xalıqtıń shet tillerdi úyreniwge bolǵan umtılıwları xoshametlenedi.
Ózbekstan Respublikası Ministrler Kabinetiniń 2022-jıl 20-sentyabr kúni “Awıllıq aymaqlarında shet tillerdi oqıtıw iskerligin shólkemlestiriw ushın mámleketlik emes bilimlendiriw shólkemlerin qollap-quwatlaw is-ilajları haqqındaǵ”ı 513-sanlı Qararı qabıl etildi
Qararǵa kóre, аwıllardaǵı shet tillerin úyretiwshi mámleketlik emes bilimlendiriw shólkemlerine subsidiya ajıratıw tártibi belgilendi
Húkimet qararı (513-san, 20.09.2022-j.) menen Awıl aymaqlarında shet tillerdi oqıtıw jumısların shólkemlestiriw ushın mámleketlik emes bilimlendiriw shólkemlerine jergilikli byudjet qárejetleri esabınan bir mártelik subsidiya ajıratıw boyınsha mámleketlik xızmetlerin kórsetiwdiń hákimshilik reglamenti tastıyıqlandı
Reglamentte, subsidiya mámleketlik emes bilimlendiriw shólkemlerine tómendegi maqsetlerde ajıratıladı:
imarat hám oqıw bólmelerin zamanagóy málimleme kommunikaciya texnologiyaları, mebel, ásbap-úskeneler, oqıtıwshınıń texnikalıq quralları hám basqa ánjamlar menen úskenelewge;
zárúr oqıwlıqlar, oqıw-metodik ádebiyatlar hám basqa kitapxana-málimleme resursları hámde quralları menen támiyinlew, tálim processin shólkemlestiriwge qatnastırılatuǵın pedagog kadrlar miynetine haqı tólewge.
Mámleketlik emes bilimlendiriw shólkemi subsidiya alıw ushın kalendar jıldıń hár sheregi birinshi ayınıń 10 sánesine shekem Birden-bir Interaktiv Mámleketlik xızmeti portalında elektron dizimnen ótken halda múrájat etedi.
Múrájatqa tómendegiler qosımsha etiledi:
2 jılǵa mólsherlengen biznes reje;
ónim jetkerip beriw yaki jumıslardı, xızmetlerdi orınlaw haqqında dúzilgen xojalıq shártnamaları;
pedagog kadrlar menen dúzilgen miynet shártnamaları;
pedagog kadrlardıń shet tildi biliw dárejesin tastıyıqlawshı sertifikatları;
tálim processinde paydalanıp atırǵan imarat yaki oqıw bólmeleriniń ijara shártnaması (kóshpes múlk ijarası tiykarında jumıs alıp barıp atırǵan mámleketlik emes bilimlendiriw shólkemleri ushın).
Subsidiya talapkerlerinen joqarıda kórsetilmegen maǵlıwmat hám hújjetlerdi talap etiw qatań qadaǵan etiledi.
Talapker tárepinen mámleketlik xızmetlerinen paydalanıw ushın tólem ámelge asırılmaydı
Usı tártip 2022-jıl 1-oktyabrden ámelge kirgiziledi.
Qaraqalpaqstan Respublikası Ádillik ministrligi Abilkasim Oteuliev 21.09.2022-jıl