Янгиликлар
21
Diplom dublikatın beriw tártibi ápiwayılaspaqta
Diplom dublikatın beriw tártibi ápiwayılaspaqta
Ózbekstan Respublikası Prezidentiniń ««Sanlı Ózbekstan-2030» baǵdarlamasın tastıyıqlaw hám onı nátiyjeli ámelge asırıw is-ilájları haqqında»ǵı 2020-jıl 5-oktyabr kúngi PF-6079 sanlı pármanına muwapıq Ministrler Kabinetiniń 2022-jıl 21-iyul kúngi 395-sanlı qararı menen Joqarı, orta arnawlı hám professional tálim haqqındaǵı hújjetlerdiń dublikatin beriw boyınsha mámleketlik xızmetlerin kórsetiwdiń hákimshilik reglamenti tastıyıqlandı.
Bul hákimshilik reglamentke muwapıq, Ózbekstan Respublikasında iskerlik júritiwshi mámleketlik hám mámleketlik emes joqarı, orta arnawlı, kásip-óner hám professional bilimlendiriw shólkemlerin tamamlaǵan maǵlıwmatın tastıyıqlaytuǵın hújjeti (diplom, sertifikat) joytılǵan yamasa jaramsız halǵa kelgen, familiyası, atı, ákesiniń atı ózgergende fizikalıq shaxslar hújjettiń dublikatin alıw ushın mámleketlik xızmetler orayları yamasa Birden bir interaktiv mámleketlik xızmetler portalı yaǵnıy my.gov.uz arqalı múrájat etiwi múmkin.
Reglamentde joqarı, orta arnawlı, kásip-óner hám professional bilim alǵanlıǵı tuwrısında mámleketlik úlgidegi rásmiy hújjetler hám onıń dublikatı birdey yuridikalıq kúshke iye dep belgilep ótilgen.
Mámleketlik xızmet kórsetilgenlgi ushın bazalıq esaplaw muǵdarınıń bir esesi muǵdarında jıyım óndiriledi.
Sorawnama túskennen baslap 10 jumıs kúninde hújjet dublikati rásmiylestiriledi jáne bul haqqında arza beriwshige xabar beriledi.
Arza beriwshi oqıǵanlıǵı haqqındaǵı hújjet dublikatin wákillikli organnan alıp ketedi. Arza beriwshiniń qálewine kóre, oqıǵanlıǵı haqqındaǵı hújjet dublikati wákillikli organ tárepinen pochta xızmeti arqalı jiberiliwi múmkin. Bunda pochta ushın tólemlerdi arza beriwshi tóleydi.
Qarardan gózlengen maqset «Puqaralar emes xújjetler háreketlenedi» principi tiykarında qaǵazbazlıqtıń aldın alıw puqaralardıń waqtın tejew hámde mámleketlik uyımlarǵa puqaralardıń isenimin elede arttırıw bolıp tabıladı.
Qaraózek rayonı Ádillik bólimi,
Mámleketlik xızmetler orayı
bólim baslıǵı A.Dosımbetov