Янгиликлар
19
Nızamlı nekeden aldın medicinalıq kórikten ótiwdiń áhmiyeti
Nızamlı nekeden aldın medicinalıq kórikten ótiwdiń áhmiyeti
Turmıs qurıp, keleshek ómirin bir-birine baylanıstırıp, baxıtlı ómir keshiriwge bel baylaǵan eki jas kelesheginde olardıń salamatlıǵı áhmiyetli orın tutadı. Salamat shańaraqtı qáliplestiriw ushın shárayatlar jaratıw irsiyatlar menen baylanıslı hám tuwma keselliklerge shalınǵan balalar tuwılıwınıń aldın alıw nekeleniwshi shaxslardı medicinalıq kórikten ótkeriwdiń maqseti esaplanadı. Ózbekstan Respublikası Ministrler Kabinetiniń 2003-jıl 25-avgusttaǵı 365-sanlı qaraqǵa tiykar nekeden ótiwshi hár bir shaxs medicinalıq kórikten ótiwi shárt delingen. Nekeleniwshi shaxslar eliw jastan asqan bolsa, sonday-aq Shańaraq kodeksiniń 13-statyasınıń besinshi bántinde kórsetilgen ayrıqsha jaǵdaylar (hámiledarlıq, balanıń tuwılıwı, bir táreptiń keselligi) bolǵanda medicinalıq kórikten óz razılıǵı menen ótkeriledi. Sonlıqtanda nekeden ótip, turmıs qurmaqshı bolǵan jaslar emlewxana poliklinikasında medicinalıq kórikten ótiwge shólkemlestirilgen. Nekeleniwshi shaxslar mámleketlik den-sawlıqtı saqlaw shólkemlerde biypul tiykarda kórikren ótedi. Nekeleniwshi shaxslar psixikalıq, narkologiyalıq, teri venerik kesellikleri, tuberkulez keselligi hám AIV/AIJS kóriginen ótiwi belgilep qoyılǵan.
Rayonımızda usı jıl 8 ay dawamında PHAJ bólimi tárepinen neke rásmiylestirilgen 213 jas-jubaylardıń bárshesi medicinalıq kórikten ótkerildi. Sonday-aq, den-sawlıǵın saqlaw, salamat perzentlerdi dúnyaǵa keltiriw baǵdarında túsinik beriledi. Rayonımızda bul jumıs jıl dawamında turaqlı túrde ámelge asırılıp barılmaqta. Óz salamatlıǵı haqqında oylasa shańaraǵınıń keleshegin oylaǵanı bolıp sanaladı.
Bul másele tek ǵana PHAJ bólimi xızmetkerleriniń emes, pútkil xalqımızdıń aldında turǵan áhmiyetli másele. Sonlıqtanda hár bir shańaraqta medicinalıq kórikten ótiw, salamat turmıstı qáliplestiriw haqqında túsinik berip barılsa jas-jubaylardıń keleshek turmısı bekkem hám baxıtlı boladı.
Medicinalıq kórik-salamat shań`raq girewi ekenin umıtpawımız kerek.
Shomanay rayonı ádillik bólimi
PHAJ bólimi 1-dárejeli inspektorı: P.Ibraimova