Янгиликлар
30
Mánzil-maǵlıwmat málimlemelerin usınıw tártibi
Mánzil-maǵlıwmat málimlemelerin usınıw tártibi
Búgingi kúnde Ministrler Kabinetiniń 2018-jıl 4-oktyabrdegi “Ishki isler uyımları tarawında mámleketlik xızmetleri kórsetiwdiń ayırım hákimshilik reglamentlerin tastıyıqlaw haqqında”ǵı 797-sanlı qararına tiykar fizikalıq shaxslarǵa Mánzil-maǵlıwmat málimlemelerin usınıs etiw boyınsha mámleketlik xızmetlerin kórsetiw iske tústi.
Bul hákimshilik reglament fizikalıq shaxslarǵa Mámleketelik xızmetler orayları arqalı mánzil-maǵlıwmat málimlemelerin (turaqlı jasaw ornı boyınsha dizimge alınǵanlıǵı, dizimnen shıqqanlıǵı, waqtınsha turǵan ornı boyınsha dizimge alınǵanlıǵı, sonday-aq, maǵlıwmat joq ekenligi haqqında maǵlıwmatlar) usınıs etiw boyınsha mámleketlik xızmetin kórsetiw tártibin belgileydi.
Mámleketlik xızmeti Mámleketlik xızmetler orayları yaki Ózbekstan Respublikası Birden-bir interaktiv mámleketlik xızmetleri portalı (BIMXP) arqalı Qaraqalpaqstan Respublikası Ishki isler ministrligi, wálayatlar Ishki isler basqarmaları hám Tashkent qalası Ishki isler bas basqarması janındaǵı Mánzil-maǵlıwmat byuroları (wákillikli organlar) tárepinen kórsetiledi.
Arza beriwshiler tek ǵana ózlerine tiyisli manzil-maǵlıwmat málimlemelerin alıwları múmkin. Basqa shaxslarǵa tiyisli mánzil-maǵlıwmat berilmeydi.
Kegeyli rayonı ádillik bólimi,mámleketlik xızmetler orayı direktorı A.Dauekeev