Янгиликлар
26
Ishki isler tarawı menen baylanıslı bolǵan mámleketlik xızmetler haqqında
Ishki isler tarawı menen baylanıslı bolǵan mámleketlik xızmetler haqqında
Ózbekstan Respublikası Ministrler Kabinetinń 2018 jıl 4-oktyabr kúngi 797-sanlı qararına tiykar Mámleketlik xızmetler orayları hámde Birden bir interaktiv mámleketlik xızmetler protalı arqalı puqaralarǵa sudlanǵanlıq yaki sudlanbaǵanlıq haqqında maǵlıwmatnama beriw hám Mánzil-maǵlıwmat málimlemelerin beriw boyınsha mámleketlik xızmetlerin kórsetiwdiń hákimshilik reglamentleri tastıyıqlandı.
Mámleketlik xızmetlerden paydalanıw ushın arza beriwshi Mámleketlik xızmetler oraylarına ózi kelip yaki Birden bir interaktiv mámleketlik xızmetler portalı arqalı onlayn múrájat etedi.
Tastıyıqlanǵan hákimshilik reglamentke muwapıq sudlanǵanlıq yaki sudlanbaǵanlıq haqqında maǵlıwmatnama alıw boyınsha jiberilgen múrájatler Ózbekstan Respublikası Ishki isler ministrliginiń Operativ-maǵlıwmatlar basqarması hám onıń aymaqlıq bólimleri tárepinen, al Mánzil-maǵlıwmat málimlemelerin alıw boyınsha jiberilgen múrájatler Qaraqalpaqstan Respublikası Ishki isler ministrligi, wálayatlar Ishki isler basqarmaları hám Tashkent qalası Ishki isler bas basqarması janındaǵı Mánzil-maǵlıwmat byurolari tárepinen kórip shıǵıladı.
Arza beriwshi yamasa ózi orayǵa barıp múrájat etkende, Mámleketlik xızmetler orayı xızmetkeri arza beriwshi atınan sorawnamanı toltıradı hámde sorawnama toltırılǵannan keyin, arza beriwshi maǵlıwmatlardıń durıslıǵın tekserip sorawnamanı óz ESIsi menen tastıyıqlaydı. Egerde sorawnamanı ESI menen tastıyıqlaw múmkinshiligi bolmaǵan jaǵdayda, tiyisli qol tańbalardı identifikaciya qılıwdıń basqa qurılmaları (daktiloskopiya, elektron qol tańba hám basqalar) menen de tastıyıqlanıwı múmkin.
Sudlanǵanlıq yaki sudlanbaǵanlıq haqqında maǵlıwmatnama alıw boyınsha arza beriwshiniń jaqın tuwısqanları (ata-anası, kúyewi yamasa hayalı hám balaları) múrájat etiwi múmkin.
Mánzil-maǵlıwmat málimlemeleri tek ǵana arza beriwshge tiyisli bolǵan mánzil-maǵlıwmat málimlemeleri beriledi. Basqa shaxslarǵa tiyisli mánzil-maǵlıwmat málimlemeleri berilmaydi.
Úshinshi shaxslar mápi ushın háreket qılıp atırǵanda, sorawnamaǵa notarial tastıyıqlanǵan isenim xatı qosımsha etiledi.
Birden bir interaktiv Mámleketlik xızmetler portalı arqalı múrájat etkende, ǵárezsiz túrde sorawnamanı elektron tárizde toldıradı.
Mámleketlik xızmetin kórsetkeni ushın bazalıq esaplaw muǵdarınıń 3 payızı muǵdarında jıyın tólenedi. Birden bir interaktiv Mámleketlik xızmetler portalı arqalı múrájat etilgende oray aqalı kórsetilgen xızmetke tólenetuǵın jıyımnıń 90 payızı tólenedi.
«Sociallıq qorǵawdıń birden-bir reestri» málimleme bazasına kiritilgen shaxslarǵa, sonıń menen birge, I hám II topar mayıplıǵı bolǵan shaxslarǵa belgilengen jıyınıń 50 payızı muǵdarında shegirme qollanıladı.
Arza beriwshiler mámleketlik xızmetlerden paydalanıwda hár qanday basqıshta bas tartıw huqıqına ie bolıp, bunda olardıń sorawnaması kórmesten qaldırıladı hám tólengen jıyım summası qaytarılmaydı.
Sudlanǵanlıq yaki sudlanbaǵanlıq haqqında maǵlıwmatnama alıw boyınsha múrájat kelip túsken waqıttan baslap wákillikli organ tárepinen 2 jumıs kúni dawamında, al Mánzil-maǵlıwmat málimlemelerin alıw boyınsha múrájat kelip túsken waqıttan baslap 1 jumıs kúni dawamında kórip shıǵadı hám QR-kod (matrik shtrıxlı kod) qoyılǵan maǵlıwmatnamanı rásmiylestiredi hámde onı óz ERIsi menen tastıyıqlap elektron túrde jiberedi.
Ózbekstan Respublikası Prezidentiniń 2021 jıl 23 mart kúngi “Xalıq hám isbilermenlik sub'ektleri mámleketlik xızmetlerden paydalanıwda jáne de qolay sharayatlar jaratıw, usı tarawda byurokratik tosqınlıqlardı kemeytiw boyınsha qosımsha ilajlar tuwrısında”ǵı PP-6191-sanlı Pármanına tiykar 2021 jıl 1 iyunnan baslap mámleketlik uyımları, xojalıq birlespeleri, jergilikli atqarıw hákimyatlar, mámleketlik shólkemler hám mákemeleri tárepinen xalıqtan, sonday-aq isbilermenlik sub'ektlerinen Sudlanǵanlıq yaki sudlanbaǵanlıq haqqında hámde Mánzil-maǵlıwmat málimlemelerin talap qılıw biykar etiledi.
Nókis rayonı Mámleketlik xızmetler orayı direktorı B.Auezov