Янгиликлар
25
Xojeli rayonı ádillik bóliminiń yuridikalıq xızmet kórsetiw orayı tárepinen ámelge asırılıp atırǵan jumıslar
Xojeli rayonı ádillik bóliminiń yuridikalıq xızmet kórsetiw orayı tárepinen ámelge asırılıp atırǵan jumıslar
Ózbekstan Respublikası Prezidentiniń 2021-jıl 29-iyun kúngi «Mámleketlik organları hám shólkemlerine yuridikalıq xızmet kórsetiw iskerligin jáne de jetilistiriw is-ilajları haqqında»ǵı PQ-5168-sanlı qararına tiykarlanıp Respublikamız boylap barlıq rayon hám qalalarda yuridikalıq xızmet kórsetiw orayları shólkemlestirildi.
Búgingi kúnde hár bir tarawda jańa Ózbekstanǵa say túrde ózgerisler hám rawajlanıwlar bolıp atırǵanlıǵınıń gúwası bolmaqtamız. Usı orında Ózbekstan Respublikası Prezidentiniń 2022-jıl 18-mart kúngi “Puqaralardıń huqıq hám erkinliklerin támiyinlew hám de huqıqıy xızmet kórsetiwde ádillik organları hám mákemeleri iskerligin jáne de asırıw is-ilajları haqqında”ǵı 89-sanlı pármanına tiykar 2022-jıldıń iyun ayınan baslap yuridikalıq xizmet kórsetiw orayları, rayon (qala) mámleket xızmetler orayları hám olardıń filialları hám de PHAJ organları barlıq huqıq hám wákilliklerin saqlaǵan halda rayon (qala) ádillik bólimleri strukturasına hám boysınıwına ótkizildi.
Joqarıda atap ótilgen qarar menen tastıyıqlanǵan «Yuridikalıq xızmet kórsetiw orayları haqqında»ǵı Rejede Oraylardıń wazıypaları, funkciyaları, minnetlemeleri, huqıqları belgilep berildi. Usı talaplar tiykarında búgingi kúnde óz iskerliklerin júritip atırǵan Oraylar qatarında Xojeli rayonı ádillik bóliminiń yuridikalıq xızmet kórsetiw orayı da bir qansha unamlı jumıslardı ámelge asırıp kelmekte.
Atap aytatuǵın bolsaq, Orayımız 2021-jıldıń oktyabr ayında óz jumısın baslaǵan bolsa, 2022-jıldıń 23-avgust halatına 8758 hújjet joybarların huqıqıy ekspertizadan ótkerip, olarǵa nızam hújjetlerine muwapıqlıǵı barısınan yuridikalıq juwmaqlar berildi. Al, 2022-jıldıń yanvar ayınan búgingi kún halatına 6678 hújjet kelip tústi. Sonıń menen birge, óz lawazımlıq wazıypalarınan kelip shıǵıp, yuridikalıq xızmet kórsetilip atırǵan mákeme hám shólkemleri xızmetkerleriniń huqıqıy sanası hám huqıqıy mádeniyatın asırıw maqsetinde bir qansha úgit-násiyat jumısların ámelge asırıw jumısları turaqlı túrde ámelge asırılıp kelinbekte.
Orayımız tárepinen yuridikalıq xızmet kórsetilip atırǵan mákemelerdıń máplerin kózlep, sudlarǵa kirgizilgen dawa arzaları barısınan 54.920.925 sum muǵdarındaǵı qarjılar xızmet kórsetiletuǵın mákemeler paydasına sheshilgen túrde sud qararlar qabıl etildi.
Ámelge asırılıp jumıslar qatarında, ǵalaba xabar quralları arqalı da miynet nızamshılıǵı tarawınan kelip shıǵıp reportajlar, radio esittiriwler tayarlanıp, sonıń menen birge maqalalar jazıw arqalı xalıqtıń huqıqıy sanasın asırıp, qızıqlı maǵlıwmatlardı jarıtıw arqalı úgit-násiyat jumısları da islenip atır. Bunnan tısqarı, nızamshılıǵımızda qabıl etilgen sońǵı jańalıqlardı xalqımızǵa jetkiziwde «Assalawma aleykum Qaraqalpaqstan» kórsetiwiniń «Huqıqıy másláhát» rubrikası arqalı bir qansha kórsetiwler tayarlandı. Bulardıń ishinen anıq statistikalıq maǵlıwmatlar tiykarında kórsetip beretuǵın bolsaq, segiz ay dawamında Orayımız tárepinen ulıwma 165 mártebe huqıqıy úgit-násiyat ilajları shólkemlestirilip, sonnan ǵalaba xabar quralları arqalı 40 mártebe, awız eki túrde 58 mártebe, zamanagóy málimleme kommunikaciya texnologiyaları arqalı 67 mártebe huqıqıy ilajlar ámelge asırıldı.
Sonı da aytıp ótiw lazım, Orayımız tárepinen yuridikalıq xızmet kórsetilip atırǵan mákeme hám shólkemlerge miynet nızamshılıǵı qatnasıqları tarawında qáte-kemshiliklerdi boldırmaw barısınan «E-huquqshunos» elektron sisteması arqalı usınıslar da kirgizilip, keyinshelik bul tarawda islenetuǵın jumıslar rejelestirlip kelinbekte.
Xojeli rayonı ádillik bóliminiń yuridikalıq xızmet kórsetiw orayı baslıǵı Nurya Berdiniyazova