Янгиликлар

My.gov.uz portalınıń abzallıqları!

My.gov.uz portalınıń abzallıqları!

Búgingi kúnde múrájatlardıń nátiyjeli formalarınan biri sıpatında elektron múrájatlardı aytıwımız múmkin. Atap aytqanda, házirgi kúnde Mámleketlik xızmetler orayları tárepinen kórsetiletuǵın mámleketlik xızmetler túri 170 ten aslam bolıp, bul mámleketlik xızmetlerdiń bárshesinen aralıqtan (distancion) turıp internet tarmaǵı arqalı onlayn tárizde yaǵnıy, Birden-bir interaktiv mámleketlik xızmetler portalınan (my.gov.uz) arqalı paydalanıwıńız múmkin.

Bunda Siziń waqtıńız, finanslıq qárejetlerińiz hámde artıqsha áweregershilikler de bolmaydı, sonday-aq, mámleketlik xızmetten paydalanıwıńız ushın tólemińiz 10 payızǵa shegirme beriledi.

Bunıń ushın eń aldı menen Sizde my.gov.uz portalı arqalı mámleketlik xızmetlerinen paydalanıw ushın elektron múrájatlardı jiberiwde elektron sanlı imza bolıwı tiyis.

Bunnan tısqarı, Ózbekstan Respublikasınıń “Elektron húkimet haqqında”ǵı Nızamına tiykar, elektron sanlı imza menen bárshe mámleketlik hákimiyatı hám basqarıw organları sonday-aq, bank xızmetleriniń barlıq túrlerinen erkin paydalanıw imkániyatın támiyinleydi.

Sonday-aq, qaǵaz hújjetke qolda ózi qoyǵan imza menen birdey áhmiyetke iye ekenligi belgilengen.

Bulardıń bárshesi puqaralarımızdıń paydası, olardıń sharayatların jaqsılaw hám waqıtların tejew ushın xızmet qıladı. 

Húrmetli puqaralar!

Mámleketlik xızmetlerinen onlayn tárizde my.gov.uz elektron portalı arqalı paydalanıń.