Янгиликлар
24
Kontituciyalıq reformalar: isbilermenlik iskerligi erkinliginiń hámde jeke múlk qol-qatılmaslıǵınıń jańa konstituciyalıq kepillikleri.
Kontituciyalıq reformalar: isbilermenlik iskerligi erkinliginiń hámde jeke múlk qol-qatılmaslıǵınıń jańa konstituciyalıq kepillikleri.
Búgingi kúnde isbilermenlik iskerligi menen shuǵıllanıw mámleket ekonomikasınıń rawajlanıwına tiykar bolatuǵınınlıǵı belgili. Bul óz náwbetinde jańa jumıs orınlarınıń kóbeyiwine, puqaralardıń jaqsı jasawına hámde jańa infrastrukturalardıń payda bolıwına alıp keleri sózsiz. Biraq, búginligimizde isbilermenlik iskerliginiń, sonıń menen birge jeke múlk qol-qatılmaslıǵınıń kepilligi berilmese, joqarılaw, alǵa ilgerilew, ekonomikanıń ósiwi, jańa jumıs orınlarınıń kóbeyiwine úmit etpesekte boladı. Qashan bul kepillikler nızam menen bekkemlep qoyılmaǵanınsha, bunday rawajlanıwlar bolmaydı.
Sonday maqset penen, Ózbekstan Respublikasında isbilermenlik iskerligi erkinliginiń hámde jeke múlk qol-qatılmaslıǵınıń kepillikleri jańa konstituciyalıq reformalarda ámelge asırıw belgilengen. Ózbekstan Respublikasınıń Konstituciyalıq nızam joybarı xalıq dodalawına qoyılǵan bolıp, onda bir qatar ózgerisler názerde tutılǵan.
Atap aytqanda, konstituciyalıq nızam joybarınıń 53-statyasında Bazar qatnasıqların rawajlandırıwǵa qaratılǵan Ózbekstan Respublikasınıń negizin hár túrli formalardaǵı múlk payda etewi, mámleket tutuınıwshılardıń huqıqları ústemligin esapqa alǵan halda, ekonomikalıq iskerlik, isbilermenlik hám miynet qılıw erkinligin, halal erkin básekini, barlıq múlk formaları huqıqıy jaqtan teń ráwishte qorǵalıwı kepilleniwi belgilengen.
Sonday-aq, jeke múlkke qol qatılmaydı hám mámleket tárepinen qorǵaladı.
Konstituciyalıq nızam joybarında mámleket isbilermenlikti rawajlandırıw ushın qolay isbilermenlik ortalıǵın hámde investiciyalıq ortalıqtı payda etio'de qolay imkәniyatlar menen támiyinlewdi belgileydi. Jáne de, isbilermenler nızamshılıqta qadaǵan etilmegen hár qanday iskerlikti ámelge asırıwǵa, óz iskerliginiń jónelisin ǵárezsiz túrde tańlawǵa, isbilermenlikten sheklenbegen muǵdarda dáramat alıwǵa haqılı esaplanadı.
Shomanay rayonı ádillik bólimi
Insan huqıqların qorǵaw hám
huqıqtı qollaw ámeliyatın
úyreniw bólimi bas másláhátshisi A.Seydabullaev