Янгиликлар
24
Kadastr hújjetin isletiw tártibi
Kadastr hújjetin isletiw tártibi
Ózbekstan Respublikası Ministrler Kabinetiniń 2020 jıl 2 sentyabr kúni 535-sanlı “Kadastr tarawında ayrım mámleketlik xızmetlerdi kórsetiwdin hákimshilik reglamentlerin tastıyıqlaw haqqında”ǵı qararı qabıl etilgen edi.
Tastıyıqlanǵan reglament boyınsha endilikte fizikalıq hám yuridikalıq shaxslar kóshpes múlk obektine kadastr pasportın isletiw ushın, kóshpes múlk obektleriniń nızam tiykarındaǵı ipotekası hám ipoteka haqqındaǵı shártnamalardı mámleketlik dizimnen ótkeriw ushın, kóshpes múlk obektlerin ijáraǵa beriw shártnamaların mámleketlik dizimnen ótkeriw ushın, ózgeniń jer uchastkasınan sheklengen túrde paydalanıw huqıqı (servitut) haqqındaǵı kelisimdi mámleketlik dizimnen ótkeriw boyınsha, puqaralardıń atında shaxsıy turaq jay bar yamasa joqlıǵı haqqında maǵlıwmatnama alıw boyınsha mámleketlik xızmetler oraylarına múráját etedi yamasa Ózbekstan Respublikası Birden-bir interaktiv mámleketlik xızmetler portalı arqalı dizimnen ótedi.
Kóshpes múlktiń kadastr pasportında múlkdar yamasa huqıq belgilewshi hújjetler haqqındaǵı maǵlıwmatlar kórsetilmeydi.
Sonday-aq, kóshpes múlktiń kadastr pasportı birlemshi xatlaw jumısları orınlanǵanda, obekttiń bir bólimi bólingende yamasa jer uchastkası óz aldına bólingende (bunda eki bólimge óz aldına kadastr pasportı isletiledi), awıl xojalıǵına arnalmaǵan jer uchastkaları menshiklestirilgennen soń olardıń bir bólimine bolǵan huqıq basqa shaxsqa ótkende, jer uchastkasınıń maydanı yamasa shegara noqatları ózgergende, kóshpes múlk obektiniń mánzilin belgilewde yamasa ózgertiriwde, kóshpes múlk obektiniń tipi ózgergende hám óz jer uchastkasında tiyisli ruxsatnamalardı rásmiylestirmesten qurılǵan imáratlar bar bolǵan halatlarda rásmiylestiriledi hám qayta rásmiylestiriledi.
Kadastr pasportın alıw hámde belgilengen tártipte kóshpes múlkti mámleketlik dizimnen ótkeriw ushın arza beriwshiniń qálewine kóre bir waqıtta yamasa óz aldına múrájat etiw múmkin.
Kadastr pasportın tayarlaw obekttiń quramalılıǵına qarap belgilengen múddetlerde ámelge asırıladı. Kóshpes múlk obektleriniń turaq jayǵa tiyisli bólimi boyınsha, kóp kvartiralı úydegi kvartira – 3 jumıs kúnine shekem, jeke tártiptegi turaq jay – 5 jumıs kúnine shekem; kóshpes múlk obektleriniń naturaq jayǵa tiyisli bólimi boyınsha: ulıwma maydanı 100 kv.m deyin – 5 jumıs kúnine shekem, ulıwma maydanı 100 kv.m den 1 000 kv.m deyin – 7 jumıs kúnine shekem hám ulıwma maydanı 1 000 kv.m den artıq bolǵanda 10 – 25 jumıs kúnine shekem bolǵan múddetlerde ámelge asırıladı.
Kadastr (yiǵmajild) pasportı joytılǵanda (jaramsız halatqa kelgende), qaǵaz yamasa plastik kóriniste jańa kadastr pasportı eki jumıs kúni dawamında beriledi.
Sonday-aq, sorawnamada nadurıs maǵlıwmatlar kórsetiliwi, kóshpes múlk obektlerine bolǵan huqıqlardı tastıyıqlawshı hújjetlerdiń bolmawı, arza beriwshi yamasa onıń wákili kelisilgen mánzilde bolmaǵan jaǵdayda, juwapker organ tárepinen kadastr pasportın rásmiylestiriw boyınsha kóshpes múlk obektine qadaǵan yamasa xatlaw qoyılǵanlıǵı kadastr pasportın beriwdi biykar etiw ushın tiykar boladı.
Qanlıkól rayonı ádillik bólimi MXO bólim baslıǵı: D.Qudenov