Янгиликлар
24
Iskerlikti baslaw yamasa tamamlaw ushın wákillikli uyımdı xabardar etiw tártibi haqqında bilesizbe
Iskerlikti baslaw yamasa tamamlaw ushın wákillikli uyımdı xabardar etiw tártibi haqqında bilesizbe
Xabardar qılıw tártibinde ámelge asırılatuǵın iskerlik (háreketler) túrleri 2021-jıl 14-iyulda qabıl etilgen “Licenziyalaw, ruxsat beriw hám xabardar qılıw tártip-qaǵıydaları haqqında”ǵı Ózbekstan Respublikası Nızamı menen tártiplestiriledi.
Xabardar qılıw tártibinde ámelge asırılatuǵın iskerlik túrleri menen xabardar etiw tártip-qaǵıydaları tarawındaǵı wákillikli uyımlardı xabardar etpesten shuǵıllanıw qadaǵan etiledi.
Xabardar qılıwshılar óz iskerligin baslaǵanlıq yamasa tamamlaǵanlıq haqqındaǵı xabarnamanı Birden-bir interaktiv mámleketlik xızmetler portalı yamasa “Licenziya” AS arqalı xabardar qılıw tártibinde ámelge asırılatuǵın iskerlikti baslawdan aldın elektron túrde jiberedi.
Bunda xabarnamalar joqarıdaǵı usıllar járdeminde dem alıs hám bayram kúnlerine qaramastan, hár kúni 24 saat dawamında jiberiliwi múmkin. Xabarnama “Licenziya” AS yamasa BbIMXP arqalı qabıl qılınǵan waqıttan baslap wákillikli uyım xabardar etilgen bolıp esaplanadı.
Xabardar qılıwshılar elektron sanlı qol tańbasınan paydalanǵan halda, iskerligin ámelge asırıwdı baslaw ushın wákillikli uyımǵa xabarnamanı Birden-bir interaktiv mámleketlik xızmetler portalı yamasa “Licenziya” AS arqalı jiberedi.
Xabarnamanı jiberiwde ámelge asırılıwı rejelestirilip atırǵan iskerlik túri yamasa onıń bir bólimi tańlanadı hám tiyisli iskerlik túri ushın názerde tutılǵan maǵlıwmatlar kiritiledi. Bunda xabarnamaǵa qosımsha etip júklenetuǵın tiyisli hújjetler elektron túrde (PDF, PNG yamasa JPEG formatta) bolıwı kerek.
Alkogol ónimleri menen usaqlap sawda qılıw hám ulıwma awqatlanıw kárxanaları tárepinen alkogol ónimlerin satıwdı baslaǵanlıq haqqındaǵı xabarnamalardan basqa iskerlik túrlerine jiberilgenligi ushın bazalıq esaplaw muǵdarınıń 50 payızı muǵdarına shekemgi jıyım óndiriledi.
Xabarnama tómendegi jaǵdaylarda avtomatikalıq túrde qabıl qılınbaydı:
nadurıs yamasa jalǵan maǵlıwmat kiritilgenligi “Licenziya” MS arqalı anıqlanǵanda;
belgilengen jıyım swmması tólenbegende;
iskerlikti xabardar etiw tártibinde ámelge asırıw ushın belgilengen talaplar hám shártlerge ámel etilgenligi hámde olar orınlanǵanlıǵı tastıyıqlanbaǵanda;
eger xabardar qılıwshılar aldın xabarnamalar reestrine usı iskerlik (háreketler) boyınsha kiritilgen bolsa hám olardıń iskerligi ámelge asırılıp atırǵan bolsa;
wákillikli uyım yamasa sud tárepinen xabardar qılıwshılardıń iskerligi belgili bir múddetke toqtatıp turılǵanda;
xabardar qılıwshılar tárepinen tiyisli iskerlikti ámelge asırıw sudtıń qararına tiykar qadaǵan etilgende.
Belgilengen talaplarǵa ámel qılınǵan halda jiberilgen xabarnama “Licenziya” MS arqalı avtomatikalıq túrde qabıl qılınadı.
Xabardar qılıwshılardıń xabardar qılıw tártibinde ámelge asırılatuǵın iskerligi tómendegi tiykarlarǵa kóre belgili bir múddetke toqtatılıwı múmkin:
wákillikli uyımnıń baslaması menen hámde iskerlikti tamamlaw haqqındaǵı is sudta kórip shıǵılıp, sudtıń hal qılıw qararı nızamlı kúshke kirgenge shekem.
Sonday-aq, wákillikli uyımnıń óziniń baslaması menen talap hám shártler buzılǵanlıǵı anıqlanǵan jaǵdayda, xabardar qılıwshılardıń xabardar qılıw tártibinde ámelge asırılatuǵın iskerlikti on jumıs kúninen artıq bolmaǵan múddetke toqtatıp turıw múmkin.
Qanlıkól rayonı Mámleketlik xızmetler orayı direktorı Atabek Nizamatdinov