Янгиликлар
24
Konstituciyalıq reformalar: Isbilermenlik iskerligi erkinliginiń hámde jeke múlk qol qatılmaslıǵınıń jańa konstituciyalıq kepillikleri
Konstituciyalıq reformalar: Isbilermenlik iskerligi erkinliginiń hámde jeke múlk qol qatılmaslıǵınıń jańa konstituciyalıq kepillikleri.
Mámleketimizde alıp barılıp atırılǵan Konstituciyalıq reformalarda mámleket isbilermenlikti rawajlandırıw ushın qolaylı isbilermenlik hám investitsiyalıq ortalıq shárt-sharayatlardı támiyinlew, ekonomikalıq iskerlikte insapsız báseke, monopolyalastırıwǵa jol qoyılmawı belgilenip atırılǵanlıǵı, jer nızamda názerde tutılǵan shártler tiykarında hám tártibinde jeke múlk bolıwı múmkinligi bekkemlenip atırǵanlıǵın kóriwimiz múmkin.
Konstituciyanıń 53-statyasında ekonomikalıq hám isbilermenlikke tiyisli jańa normalar, sol qatarda tómendegi ózgerisler kirgiziliwi usınılǵan:
Isbilermenler nızamshılıqta qadaǵan etilmegen hár qanday iskerlikti ámelge asırıwǵa, óz iskerliginiń baǵdarların ǵarezsiz túrde tańlawǵa, isbilermenlikten sheklenbegen muǵdarda dáramat alıwǵa haqılı;
Ózbekstan Respublikasında tovarlardıń, xızmetlerdiń, jumısshı kúshiniń hám finanslıq qarjılarınıń erkin háreketleniwi kepillenedi;
Ekonomikalıq iskerlikte insapsiz basekege, monopoliyalastırıwǵa jol qoyılmaydı;
Mámleket iyeliginen shıǵarıw hám menshiklestiriw nátiyjeleri qayta kórip shıǵılmaydı hám biykar etilmeydi.
Konstituciyaǵa jeke múlkke qol qatılmaslıǵı haqqında jańa 531-statyası kiritiledi:
Hesh bir shaxs óz mal-múlkinen sudtıń qararısız ayrılıwı múmkin emes;
Múlkti jámiyet iqtiyajları ushın májbúriy túrde basqa shaxsqa ótkeriw nızamda názerde tutılǵan ayrıqsha jaǵdaylarda hámde tártipte onıń ornın aldınnan hám teń bahada qaplaw shárti menen ámelge asırılıwı múmkin.
55-statyaǵa tómendegishe normalar qosıladı:
Jer nızamda názerde tutılǵan shártler tiykarında hám tártibinde jeke múlkte bolıwı múmkin;
Awıl xojalıǵına mólsherlengen jerler, toǵay fondı mámleketke tiyisli bolıp, isbilermenlik subektlerine ijara shártnamaları tiykarında ajratıladı.
Konstituciyamızdıń tiyisli statyalarına isbilermenlik iskerliginiń erkinliginiń hámde jeke múlk qol qatılmaslıǵıniń jańa normalarınıń kiritiliwi aldaǵı waqıtta mámleketimiztiń ekonomikalıq tárepten elede rawajlanıwına óz úlesin qosadı.
Qanlıkól rayonı Adillik bólimi yuridikalıq xızmet kórsetiw orayı baslıǵı J.Otemisova