Янгиликлар
24
«Ózimiz keldik» súreni astında ko’shpeli xızmetler siz ushın!
<b>«Ózimiz keldik» súreni astında ko’shpeli xızmetler siz ushın!</b><br>
<br>
Xalqımızdiń kúndelikli turmısında júzege keletuǵın máselelerdiń huqıqıy sheshimin tabıw máqsetinde, Mámleketlik xızmetler orayları xızmetkerleri puqaralarǵa jaqın bolıwı, tez qolay hám sapalı mámleketlik xızmetlerdi ko’rsetiwge ayrıqsha itibar qaratpaqta.<br>
Puqaralardıń orayǵa keliwin kútpey, eń shetki hám alıs aymaqlarda ko’shpeli mámleketlik xızmetler ko’rsetilip atırǵanlıǵı bunıń ayqın dáliyli bolıp esaplanadı.<br>
Usı tiykarda, Moynaq rayonı ádillik bólimi Mámleketlik xızmetler orayı tárepinen de puqaralardıń artıqsha qárejet hám áweregershiliklerin boldırmaw, alısın jaqın qılıw máqsetinde, rayon orayınan eń uzaqta jaylasqan, Qazaqdarya, Qızıljar, Hákim-ata, Madeli, Bozataw awıl puqaralar jıyınlarında jasawshı puqaralarǵa ko’shpeli mámleketlik xızmetler kórsetildi.<br>
Joqarıda atap ótilgen aymaqlar turǵınlarına balalardı baqshaǵa jaylastırıw ushın náwbetke qoyıw boyınsha, kadastr hújjetleri boyınsha, sonday-aq talap eń joqarı bolǵan xızmet túrleri boyınsha usı jıldıń dáslepki 6 ay dawamında jámi 1000 nan aslam mámleketlik xızmetler ko’rsetildi.<br>
Ko’shpeli qabıllaw barısında puqaralarǵa tek ǵana xızmet ko’rsetip qoymastan, olardıń huqıqıy bilimlerin asırıw máqsetinde tarawımızda hám nızamshılıqtaǵı jańalıq hám o’zgerisler, Mobil-ID sistemasınan dizimnen ótiwdiń abzallıqları boyınsha úgit-násiyat jumısları da alıp barıldı.<br>
<br>
<b>Moynaq rayonı ádillik bólimi Mámleketlik xızmetler orayı baslıǵı Aybek Esbergenov</b>