Янгиликлар
16
Aldawshılıq ushın qanday jazalar belgilengen
Aldawshılıq ushın qanday jazalar belgilengen
Aldawshılıq – bul ózgeniń múlkin yamasa múlkke bolǵan huqıqın aldaw yamasa isenimnen paydalanıw jolı menen qolǵa kirgiziw esaplanadı.
Aldawshılıq ushın jınayıy juwapkershilik belgilengen. Jınayat kodeksine (https://lex.uz/docs/111453) muwapıq, usı jınayattı islegen shaxs:
bazalıq esaplaw muǵdarınıń 50 esesinen 100 esesine shekem (15 mln sumnan 30 mln sumǵa shekem) muǵdarda járiyma;
2 jılǵa shekem miynet penen dúzetiw jumısları;
1 jıldan 3 jılǵa shekem erkinlikti sheklew;
3 jılǵa shekem erkinlikten ayırıw menen jazalanıwı múmkin.
Sonday-aq, aldawshılıqtıń muǵdarı, qaytalanıwshılıǵı, islegen shaxslar, islew quralınan kelip shıǵıp juwapkershilik sharası awırlasıwı múmkin.
Eger, aldawshılıq kompyuter texnikası qurallarınan paydalanıp islegen bolsa:
bazalıq esaplaw muǵdarınıń 100 esesinen 300 esesine shekem (30 mln sumnan 90 mln sumǵa shekem) muǵdarda járiyma;
3 jılǵa shekem miynet penen dúzetiw jumısları;
3 jıldan 5 jılǵa shekem erkinlikti sheklew;
3 jıldan 5 jılǵa shekem erkinlikten ayırıw menen jazalanadı.
Sonday-aq, aldawshılıq xızmet statusınan paydalanıp islengen bolsa:
bazalıq esaplaw muǵdarınıń 300 esesinen 400 esesine shekem (90 mln sumnan 120 mln sumǵa shekem) muǵdarda járiyma;
2 jıldan 3 jılǵa shekem miynet penen dúzetiw jumısları;
belgili huqıqtan ayrılǵan jaǵdayda 5 jıldan 8 jılǵa shekem erkinlikten ayırıw menen jazalanadı.
Aldawshılıq birlesken topar tárepinen yamasa onıń máplerin kózlep islengen bolsa:
bazalıq esaplaw muǵdarınıń 400 esesinen 600 esesine shekem (120 mln sumdan 180 mln sumgacha) muǵdarında járiyma;
8 jıldan 10 jılǵa shekem erkinlikten ayrıw menen jazalanadı.
Egerde, getkizilgen materiallıq zıyannıń ornı qaplanǵan jaǵdayda erkinlikten sheklew hám azatlıqtan ayırıw túrindegi jaza qollanılmaydı.
Huqıqıy úgit-násiyat bólimi