Bog'lanish

Telefon
(+998 55) 101-10-08

Elektron manzil
qoraqalpoq@adliya.uz

Habar yuborish
Ishonch telefoni 1008

Янгиликлар

22

Talap etiw biykar etilgen maǵlıwmatnamalar hám hújjetler


Talap etiw biykar etilgen maǵlıwmatnamalar hám hújjetler

Ózbekstan Respublikası Prezidentiniń 2021-jıl 24-iyul sánesindegi “Mámleketlik xızmetlerdi kórsetiw infrastrukturasın jetilistiriw hám xalıqtıń mámleketlik xızmetlerden paydalanıw imkaniyatların keńeytiriw ilajları haqqında”ǵı PP-6269-sanlı Pármanında 2022-jıl 1-yanvardan baslap mámleketlik shólkemler tárepinen xalıqtan, sonday-aq isbilermenlik subektlerinen tómendegi faktlerdi tastıyıqlaytuǵın maǵlıwmatlardı:
- isbilermenlik subekti mámleket dizimnen ótkerilgenligi tuwrısındaǵı gúwalıq maǵlıwmatların;
- licenziya, ruxsat etiwshi hújjetler hám xabarnamalar qabıl etilgenligi tuwrısında tastıyıqnama bar ekenligi boyınsha maǵlıwmatlardı;
- mámleketlik baji, jıyımlar hám basqa tólemler tólengenligi tuwrısındaǵı maǵlıwmatlardı;
- qımbat bahalı qaǵazlar, qımbat bahalı qaǵazlar menen ámelge asırılǵan operaciyalar, dividendler alınǵanlıǵı tuwrısındaǵı maǵlıwmatlardı;
- kem támiyinlengen shańaraq yamasa shańaraq aǵzası retinde dizimge alınǵanlıǵı tuwrısındaǵı maǵlıwmatlardı;
- fizikalıq shaxslar tárepinen tólengen hám alınǵan alimentler tuwrısındaǵı maǵlıwmatlardı;
- joqarı maǵlıwmat tuwrısındaǵı diplom maǵlıwmatların;
- fizikalıq shaxs orta arnawlı, kásip-óner bilimlendiriw shólkemin tamamlaǵanlıǵı haqqında maǵlıwmatlardı;
- fizikalıq shaxs ulıwma orta bilim beriw (11-klass negizinde) shólkemin tamamlaǵanlıǵı haqqında maǵlıwmatlardı;
- puqara “Jaslar dápteri” yamasa “Hayallar dápteri”nde bar ekenligi tuwrısında maǵlıwmatlardı;
- ózin ózi bánt etken shaxslar tuwrısında maǵlıwmatlardı;
- joqarı oqıw orınlarına oqıwǵa kiriw ushın jeńillikke iye bolǵan abiturientlerdiń jeńillik huqıqın tastıyıqlaytuǵın hújjet tuwrısında maǵlıwmatlardı;
tómendegi hújjetlerdi :
- finanslıq esabatlar nusqaların;
- fizikalıq shaxslardıń aqırǵı 12 aydaǵı mıynet haqın tastıyıqlaytuǵın maǵlıwmatnamalardı;
- napaqa hám pensiyalar tólengenligi tuwrısındaǵı maǵlıwmatnamalardı talap etiw biykar etiledi dep kórsetilgen.

Bunda, mámleketlik uyımlar hám shólkemler fizikalıq shaxslarǵa mámleketlik xızmetlerdi kórsetiwde, jumısqa qabıllaw processinde hám basqada basqarıw tártip-dástúrlerin ámelge asırıwda joqarıdaǵı hújjet hám maǵlıwmatlardı belgilengen juwapker mámleketlik uyımlar hám shólkemlerden ǵárezsiz túrde “Elektron húkimet” sistemasın mákemeler ortasında integraciyalaw platformasi arqalı sorap aladı.
Biraq búgingi kúnde bul dizimdegi maǵlıwmatlar hám hújjetlerdi talap etiliw biykar etilgen bolıwına qaramastan ayrım mákeme hám shólkemler tárepinen puqaralardan talap etilip atırǵanlıǵı ushıraspaqda. Ásirese Mámleketlik xızmetler oraylarında puqaralardıń kem támiyinlengen shańaraq yamasa shańaraq aǵzası retinde dizimge alınǵanlıǵı tuwrısındaǵı maǵlıwmatnamanı alıw ushın uzın náwbetlerdi keltirip shıǵarmaqta. Bul bolsa óz gezeginde puqaralardıń artıqsha waqıt hám jol kirey ushın qárejetlerinıń sarıplanǵanlıǵı sebepli olardıń narazılıqlarına sebep bolmaqta.
Sonlıqtan puqaralardan joqarıdaǵı atap ótilgen maǵlıwmatlar hám hújjetlerdi talap etiwdi toqtatıp, Húrmetli Prezidentimizdiń Pármanınıń orınlanıwa ámel etiwge shaqırıp qalamız.

Nókis rayonı Ádillik bólimi
Mámleketlik xızmetler orayı bólim baslıǵı
Patshaxanov Absali Adilbayevich