Янгиликлар
11
Puqaralıqqa qabıl etiw yaki puqaralıqtan shıǵıw hámde ID-kartanı birden-bir interaktiv mámleketlik xızmetler portalı arqalı alıw tártibi.
Puqaralıqqa qabıl etiw yaki puqaralıqtan shıǵıw hámde ID-kartanı
birden-bir interaktiv mámleketlik xızmetler portalı arqalı alıw tártibi.
Ózbekstan Respublikası Ministrler Kabinetiniń 2022-jıl 6-yanvar kúngi 8-sanlı qararı menen puqaralıqtı rásmiylestiriw tarawında ayrım mámleketlik xızmetlerdi kórsetiwdiń hákimshilik reglamentleri tastıyıqlandı.
Reglamentke muwapıq:
Múrájat etiwshi ID-kartasın alıw ushın Ózbekstan Respublikası puqarası, Ózbekstan Respublikasında turaqlı jasawshı shet el puqarası hám puqaralıǵı bolmaǵan shaxslar Birden-bir interaktiv mámleketlik xızmetler portalı arqalı elektron sorawnamanı toltıradı. Sorawnamaǵa kiritilgen maǵlıwmatlardıń tuwrılıǵı “Pasport-viza” avtomatlastırılǵan xabar sisteması arqalı avtomatik túrde tekserilip, maǵlıwmatlar tuwrılıǵı tastıyıqlanǵanda wákillikli organ tárepinen bir jumıs kúni ishinde múrájat etiwshige tiyisli xabarnama jiberiledi (elektron pochta arqalı yaki sms-xabarnama).
Múrájat etiwshi ID-karta alıw boyınsha tiyisli xabarnamanı alǵannan soń
3 jumıs kúninde reglamentte belgilengen mámleketlik bajını tóleydi. Tólem ámelge asırılǵannan keyin ID-kartanı alıw boyınsha múrájat etiwshi zárúr bolǵan hújjetlerdi (aldın berilgen pasport yaki ID-karta, tuwılǵanlıq haqqında maǵlıwmatna
(ID-kartanı birinshi márte rásmiylestirip atırǵanda)) wákillikli organǵa jeke ózi alıp kelip usınadı.
Wákillikli organ tárepinen belgilengen tártipte talapnama qáliplestirilgennen soń múrájat etiwshige bir jumıs kúni dawamında ID-karta rásmiylestiriledi.
Sonıń menen birge qarar menen tastıyıqlanǵan Puqaralıqqa qabıl etiw yaki puqaralıqtan shıǵıw ushın Birden-bir interaktiv mámleketlik xızmetler portalı arqalı múrájat etiw boyınsha mámleketlik xızmetlerdi kórsetiwdiń hákimshilik reglamentine muwapıq arza beriwshi Birden-bir interaktiv mámleketlik xızmetler portalınan dizimnen ótip, elektron sanlı imzadan paydalanǵan halda puqaralıqqa qabıl etiw yaki puqaralıqtan shıǵıw ushın arza beriwleri múmkin.
Arza beriwde sorawnama toltırıladı hám sorawnama avtomatik tárizde wákillikli organǵa jiberiledi. Wákillikli organ “Pasport-viza” avtomatlastırılǵan xabar sisteması arqalı úsh jumıs kúni dawamında sorawnamaǵa kiritilgen maǵlıwmatlar tuwrılıǵın tekseredi. Sorawnamada toltırılǵan maǵlıwmatlar tuwrılıǵı tastıyıqlanǵanda múrájat etiwshige tiyisli xabarnama jiberiledi (elektron pochta arqalı yaki sms-xabarnama).
Puqaralıqqa qabıl etiw yaki puqaralıqtan shıǵıw boyınsha Birden-bir interaktiv mámleketlik portalı arqalı mámleketlik xızmetlerdi kórsetiw ushın “Mámleketlik bajı haqqında”ǵı Ózbekstan Respublikasınıń Nızamında belgilengen mámleketlik bajı muǵdarınıń 90 payızı óndiriledi.
Kelip túsken arzalar Ministrler Kabinetiniń 16.09.2020 jıldaǵı «Ózbekstan Respublikasınıń puqaralıǵı máselelerin kórip shıǵıwda zamanagóy xabar-kommunikaciya texnologiyaların engiziw boyınsha qosımsha is-ilájlar haqqında»ǵı 557-sanlı qararında kórsetilgen sxemada belgilengen múddetlerde «E-Fuqaro» maǵlıwmatlar bazasınan real waqıt rejiminde kórip shıǵıladı. Tekseriw nátiyjeleri múrájat etiwshige elektron pochta yaki sms-xabarnama arqalı málim etiledi.
Taxtakópir rayonı Ádillik bólimi
Mámleketlik xizmetler orayı direktorı P.Reymkulov